ചുവരെഴുത്തുകൾക്ക്​ ഇത്​ സുവർണകാലം

ബാലരാമപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള ​െതരഞ്ഞെടുപ്പ് പ്രചാരണത്തിൽ ഇത്​ ചു​വരെഴുത്തുകാരുടെ സുവർണകാലമാണ്​. മിക്കയിടങ്ങളിലും ചുവരെഴുത്തുകൾ പൂർണമായിക്കഴിഞ്ഞു. സ്ഥാനാർഥി നിർണയം പൂർത്തിയാകാത്ത ചിലയിടങ്ങളിൽ മാത്രമാണ്​ ഇനി ചുവരെഴുത്തുകൾ ശേഷിക്കുന്നത്​. ഏതാനും ദിവസങ്ങൾക്കുള്ളിൽ അതും പൂർത്തിയാവും.

കോവിഡ്​കാല പ്രതിസന്ധിക്ക്​ ആശ്വാസമായാണ്​ ചുവരെഴുത്ത്​ ​േജാലികൾ നടത്തുന്നവർക്ക്​ തെരഞ്ഞെടുപ്പ്​ എത്തിയത്​. രാപ്പകൽ വ്യത്യാസമില്ലാതെ പഞ്ചായത്ത്​​ പ്രദേശങ്ങളിലടക്കം ചുവരെഴുത്തുകൾ നടക്കുന്നു. കഴിഞ്ഞ കുറേ ദിവസങ്ങളായി തിരക്കി​െൻറ മണിക്കൂറുകളാണെന്ന്​ ചുവരെഴുത്തിൽ സജീവമായി രംഗത്തുള്ള ജയദാസ്​ പറയുന്നു.

ജയദാസിന്​ സ്വന്തമായി രാ​ഷ്​ട്രീയ നിലപാടുണ്ടെങ്കിലും ചുവരെഴുത്തിന് രാ​ഷ്​ട്രീയമില്ല. കൈപ്പത്തിയും അരിവാളും താമരയുമൊക്കെ മനോഹരമായ നിറങ്ങള്‍ ചാര്‍ത്തി വരക്കുന്നു.

ജയദാസ് ​െതരഞ്ഞെടുപ്പ് കാലത്ത് ചുവരെഴുതാന്‍ തുടങ്ങിയിട്ട് നാലുപതിറ്റാണ്ടായി. സ്‌കൂള്‍ പഠന കാലം മുതല്‍ തുടങ്ങിയതാണ് ഇൗ ​േജാലി.