ഒറ്റത്തറിയിലെ ദേശീയ പതാക അയ്യപ്പ​െൻറ സ്വപ്​ന സാഫല്യം

ബാ​ല​രാ​മ​പു​രം: 13000 മീ​റ്റ​ർ കൈ​ത്ത​റി നൂ​ലി​ൽ 130 ഗ്രാ​മു​ള്ള ദേ​ശീ​യ​പാ​ത​ക നെ​യ്തെ​ടു​ത്ത് സ്വ​പ്നം യാ​ഥാ​ർ​ഥ്യ​മാ​ക്കു​ക​യാ​ണ് ബാ​ല​രാ​മ​പു​രം രാ​മ​പു​രം ഇ​ട​വ​ഴി​ത്ത​ല ര​വീ​ണ ഭ​വ​നി​ൽ ഗാ​ന്ധി​യ​ൻ ബി. ​അ​യ്യ​പ്പ​ൻ. ഒ​റ്റ​ത്തു​ണി​യി​ൽ ദേ​ശീ​യ പ​താ​ക നെ​യ്തെ​ടു​ക്കാ​മെ​ന്ന പ​തി​റ്റാ​ണ്ടു​ക​ളാ​യു​ള്ള ആ​ഗ്ര​ഹം സ​ഫ​ല​മാ​യ​തി​െൻറ ആ​ഹ്ലാ​ദ​ത്തി​ലാ​ണ് ഈ ​എ​ഴു​പ​ത്തി​യൊ​ന്നു​കാ​ര​ൻ.

ആ​റു​വ​ർ​ഷ​ത്തെ നി​ര​ന്ത്ര​ര പ്ര​യ​ത്​​ന​ത്തി​ലൂ​ടെ​യാ​ണ്​ ദേ​ശീ​യ പാ​താ​ക നി​ർ​മാ​ണ​ത്ത​ത്തി​നു​ള്ള നെ​യ്ത്ത് ത​റി രൂ​പ​പ്പെ​ടു​ത്തി​യെ​ടു​ത്ത​ത്. കൈ​ത്ത​റി നൂ​ലി​ൽ ദേ​ശീ​യ​പ​താ​ക നെ​യ്തെ​ടു​ത്ത് പ​ര​മ്പ​രാ​ഗ​ത വ്യ​വ​സാ​യ​ത്തി​ന് പു​തി​യൊ​രു അ​ധ്യാ​യം കു​റി​ക്കു​ക​യാ​ണ് അ​യ്യ​പ്പ​ൻ. ഒ​റ്റ​ത്തു​ണി​യി​ൽ നി​ർ​മി​ച്ച ദേ​ശീ​യ​പ​താ​ക കേ​ന്ദ്ര​ഗ​വ​ൺ​മെൻറി​െൻറ അം​ഗീ​കാ​ര​ത്തി​നു​വേ​ണ്ടി പ്ര​ധാ​ന​മ​ന്ത്രി​ക്ക് എ​ത്തി​ച്ചു​ന​ൽ​കു​ന്ന​തി​നു​ള്ള പ​രി​ശ്ര​മ​ത്തി​ലാ​ണി​പ്പോ​ൾ. ആ​റു ദി​വ​സം കൊ​ണ്ടാ​ണ് 30 ഇ​ഞ്ച് വീ​തി​യി​ലും 45 ഇ​ഞ്ച് നീ​ള​ത്തി​ലും പ​താ​ക നി​ർ​മി​ച്ച​ത്. നി​ർ​മാ​ണ​ച്ചെ​ല​വ് 7000 രൂ​പ​യോ​ളം വേ​ണ്ടി വ​രു​മെ​ന്നാ​ണ് അ​യ്യ​പ്പ​​ൻ പ​റ​യു​ന്ന​ത്.

ഒ​ൻ​പ​താം വ​യ​സ്സി​ൽ തു​ട​ങ്ങി​യ​താ​ണ് ഗാ​ന്ധി​യ​നാ​യ അ​യ്യ​പ്പ​െൻറ കൈ​ത്ത​റി വ​സ്​​ത്ര നെ​യ്ത്ത്. ഒ​രാ​ഴ്ച മു​മ്പാ​ണ് ഒ​റ്റ​ത്തു​ണി​യി​ൽ പ​താ​ക പൂ​ർ​ത്തി​യാ​ക്കി​യ​ത്. മൂ​ന്ന്​ നി​റ​ങ്ങ​ളി​ലു​ള്ള തു​ണി തു​ന്നി​ച്ചേ​ർ​ക്കു​ന്ന ദേ​ശീ​യ​പ​താ​ക​ക്ക്​ പ​ക​രം ​െവ​ക്കാ​വു​ന്ന​താ​ണ് ഖാ​ദി നൂ​ലി​ൽ നെ​യ്യു​ന്ന ഒ​റ്റ​ത്തു​ണി​യി​ലു​ള്ള ഈ ​ദേ​ശീ​യ​പ​താ​ക.

ഇ​തി​െൻറ ര​ണ്ടു​പു​റ​ത്തും അ​ശോ​ക ച​ക്രം നൂ​ലി​ൽ ആ​ലേ​ഖ​നം ചെ​യ്തി​രി​ക്കു​ന്നെ​ന്ന പ്ര​ത്യേ​ക​ത​യു​മു​ണ്ട്. ഇ​തി​നാ​യി ത​റി​യും മ​റ്റും സ്വ​യം രൂ​പ​ക​ൽ​പ​ന ചെ​യ്ത് നി​ർ​മി​ച്ചാ​ണ് ഉ​പ​യോ​ഗി​ക്കു​ന്ന​ത്. ഖാ​ദി തു​ണി​യി​ൽ ഗാ​ന്ധി​യ​ൻ രീ​തി​യി​ൽ കൈ​ത്ത​റി​യി​ൽ നെ​യ്തെ​ടു​ത്ത ഈ ​ദേ​ശീ​യ​പ​താ​ക​ക്ക്​ സ​ർ​ക്കാ​ർ അം​ഗീ​കാ​രം ന​ൽ​കു​ക​യാ​ണെ​ങ്കി​ൽ വ്യ​വ​സാ​യി​കാ​ടി​സ്ഥാ​ന​ത്തി​ൽ നി​ർ​മി​ക്കു​ന്ന​തി​നു​ള്ള ശ്ര​മ​ത്തി​ലാ​ണെ​ന്നും അ​യ്യ​പ്പ​ൻ പ​റ​യു​ന്നു.

രാ​ഷ്​​ട്ര​പി​താ​വ് ഗാ​ന്ധി​ജി​യു​ടെ ക​ഥ​ക​ൾ കേ​ട്ടും ച​ർ​ക്ക​യി​ൽ നൂ​ൽ നൂ​ൽ​ക്കു​ന്ന ഗാ​ന്ധി ചി​ത്രം ക​ണ്ടും ആ​കൃ​ഷ്​​ട​നാ​യാ​ണ് ഖാ​ദി നെ​യ്ത്തി​ലേ​ക്ക് തി​രി​യു​ന്ന​ത്. 13 വ​യ​സ്സി​ൽ പു​ട​വ വ​സ്​​ത്രം നെ​യ്തു​കൊ​ണ്ടാ​ണ് നെ​യ്ത്ത് തൊ​ഴി​ൽ സ്വാ​യ​ത്ത​മാ​ക്കി​യ​ത്.

ആ​റി​ലെ​റെ ദേ​ശീ​യ​പ​താ​ക​ക​ൾ ഇ​തി​ന​കം നി​ർ​മി​ച്ചു​ക​ഴി​ഞ്ഞു. നെ​യ്ത്ത് തൊ​ഴി​ലാ​ളി പെ​ൻ​ഷ​ൻ തു​ക വാ​ങ്ങി​യാ​ണ് പ​താ​ക നി​ർ​മാ​ണ​ത്തി​ലെ ചെ​ല​വ് ക​ണ്ടെ​ത്തു​ന്ന​ത്. ഇ​തി​ന​കം ഒ​രു ല​ക്ഷം രൂ​പ​യോ​ളം ത​റി നി​ർ​മാ​ണ​ത്തി​നും മ​റ്റു​മാ​യി വേ​ണ്ടി​വ​ന്നു.

ത​ടി​യി​ലും മു​ള​യി​ലും നി​ർ​മി​ച്ച അ​ച്ച്, അ​തി​ന​നു​യോ​ജ്യ​മാ​യ രീ​തി​യി​ൽ നി​ർ​മി​ച്ച് മു​ള​യി​ൽ ത​ന്നെ നെ​യ്യു​ന്ന​തി​നു​ള്ള ഓ​ട​ങ്ങ​ൾ തു​ട​ങ്ങി​യ​വ​യാ​ണ് ഉ​പ​യോ​ഗി​ക്കു​ന്ന​ത്. മു​ള​യി​ൽ നി​ർ​മി​ച്ചെ​ടു​ത്തി​രി​ക്കു​ന്ന ഓ​ട​ങ്ങ​ളി​ൽ ഓ​രോ ക​ള​ർ നൂ​ലും പാ​വി​ലൂ​ടെ കൈ ​കൊ​ണ്ട്​ കോ​ർ​ത്തെ​ടു​ക്കു​ക​യാ​ണ് ചെ​യ്യു​ന്ന​ത്. രാ​ജ്യ​ത്ത് ഇ​തു​വ​രെ ഇ​ത്ത​ര​ത്തി​ൽ ഒ​രു ദേ​ശീ​യ​പ​താ​ക ആ​രും നെ​യ്തെ​ടു​ത്തി​ട്ടി​ല്ലെ​ന്ന് അ​യ്യ​പ്പ​ൻ അ​വ​കാ​ശ​പ്പെ​ടു​ന്നു.