ഡ്രെയിനേജ്​ കണക്ഷനില്ലാത്തവർക്കും ബിൽ; പരാതികൾ പരിഗണിക്കാതെ ജലഅതോറിറ്റി

തി​രു​വ​ന​ന്ത​പു​രം: ഡ്രെ​യി​നേ​ജ്​ ക​ണ​ക്​ഷ​നി​ല്ലാ​ത്ത​വ​ർ​ക്കും ഇൗ​യി​ന​ത്തി​ൽ പ​ണം അ​ട​ക്കാ​ൻ ആ​വ​ശ്യ​പ്പെ​ട്ട്​ ജ​ല അ​തോ​റി​റ്റി തു​ട​ർ​ച്ച​യാ​യി ബി​ൽ ന​ൽ​കു​ന്നു. കു​ടി​വെ​ള്ള ചാ​ർ​ജി​നൊ​പ്പം ഡ്രെ​യി​നേ​ജ്​ ക​ണ​ക്​ഷ​ൻ ചാ​ർ​ജ്​ ചു​മ​ത്തി മു​ട്ട​ട വാ​ർ​ഡി​ൽ അ​പ്പ​ർ​മെ​റി​ഡി​യ​ൻ റോ​ഡി​ലെ നൂ​റോ​ളം ഉ​പ​ഭോ​ക്താ​ക്ക​ൾ​ക്കാ​ണ്​ ബി​ൽ ല​ഭി​ച്ച​ത്. ഈ ​ഭാ​ഗ​ത്ത്​ റോ​ഡി​ന്‍റെ ഒ​രു​വ​ശ​ത്ത്​ ഡ്രെ​യി​നേ​ജ്​ ക​ണ​ക്​ഷ​ൻ ഇ​ല്ല. ഇ​വി​ടെ താ​മ​സി​ക്കു​ന്ന കു​ടും​ബ​ങ്ങ​ൾ​ക്കാ​ണ്​ ഡ്രെ​യി​നേ​ജ്​ ചാ​ർ​ജ്​ കൂ​ടി രേ​ഖ​പ്പെ​ടു​ത്തി​യ ബി​ൽ തു​ട​ർ​ച്ച​യാ​യി ന​ൽ​കു​ന്ന​ത്. ആ​റു​മാ​സ​ത്തി​നി​ടെ ല​ഭി​ച്ച മൂ​ന്നു ബി​ല്ലു​ക​ളി​ലും ​ഡ്രെ​യി​നേ​ജ്​ ചാ​ർ​ജ്​ കൂ​ടി ഉ​ൾ​പ്പെ​ടു​ത്തി​യ​തി​തി​രെ ഉ​പ​ഭോ​ക്​​താ​ക്ക​ൾ ജ​ല​അ​തോ​റി​റ്റി​ക്ക്​ പ​രാ​തി ന​ൽ​കി​യെ​ങ്കി​ലും ഇ​ട​പെ​ട​ൽ ഉ​ണ്ടാ​യി​ട്ടി​ല്ല. ​

സെ​പ്​​റ്റേ​ജി​ന്‍റെ ചു​മ​ത​ല​യു​ള്ള ശാ​സ്ത​മം​ഗ​ല​ത്തെ ​ഓ​ഫീ​സി​ൽ വി​വ​രം അ​റി​യി​ച്ചി​ട്ടു​ണ്ടെ​ന്നും അ​വ​ർ അ​ന്വേ​ഷി​ച്ച്​ പ​രാ​തി ശ​രി​യെ​ന്ന്​ ബോ​ധ്യ​പ്പെ​ട്ട​ശേ​ഷം റി​പ്പോ​ർ​ട്ട്​ ന​ൽ​കി​യാ​ൽ മാ​ത്ര​മേ ഇ​നി​യു​ള്ള ബി​ല്ലി​ൽ നി​ന്ന്​ ​ഡ്രെ​യി​നേ​ജ്​ ചാ​ർ​ജ്​ ഒ​ഴി​വാ​ക്കാ​നാ​വു​വെ​ന്നാ​ണ്​ അ​ധി​കൃ​ത​രു​​ടെ വി​ശ​ദീ​ക​ര​ണം. ഇ​ക്കാ​ര്യ​ത്തി​ൽ എ​പ്പോ​ൾ തീ​രു​മാ​ന​മാ​കു​മെ​ന്നോ ഇ​തി​ന​കം അ​ട​ച്ച തു​ക തി​രി​ച്ചു ന​ൽ​കു​മോ തു​ട​ങ്ങി​യ ഉ​പ​ഭോ​ക്​​താ​ക്ക​ളു​ടെ ചോ​ദ്യ​ത്തി​ന്​ ജ​ല അ​​തോ​റി​റ്റി ഉ​ദ്യോ​ഗ​സ്ഥ​ർ​ക്ക്​ ഉ​ത്ത​ര​മി​ല്ല.

ജ​ല അ​തോ​റി​റ്റി​യു​ടെ ക​വ​ടി​യ​ർ സെ​ക്ഷ​ന്‍റെ കീ​ഴി​ൽ വ​രു​ന്ന പ്ര​​ദേ​ശ​മാ​ണി​വി​ടം.​ ഡ്രെ​യി​നേ​ജ്​ ഇ​ല്ലാ​യെ​ന്ന്​ ബി​ൽ ന​ൽ​കു​ന്ന ജീ​വ​ന​ക്കാ​ർ​ക്ക​ട​ക്കം ബോ​ധ്യ​മാ​യി​ട്ടും ഇ​തി​ന്‍റെ പേ​രി​ൽ പ​ണ​പ്പി​രി​വ്​ ന​ട​ത്തു​ന്ന ന​ട​പ​ടി​യി​ൽ പ്ര​ദേ​ശ​ത്ത്​ പ്ര​തി​ഷേ​ധം ശ​ക്​​ത​മാ​ണ്. ചി​ല ബി​ല്ലു​ക​ളി​ൽ കു​ടി​വെ​ള്ള ചാ​ർ​ജി​ന്‍റെ ഇ​ര​ട്ടി​യി​ല​ധി​കം തു​ക ഇ​ല്ലാ​ത്ത ഡ്രെ​യി​നേ​ജ്​ ക​ണ​ക്ഷ​ന്‍റെ പേ​രി​ൽ ‘അ​ഡീ​ഷ​ന​ൽ ചാ​ർ​ജ്​’ ആ​യി രേ​ഖ​പ്പെ​ടു​ത്തി​യി​രി​ക്കു​ന്നു. ശ​രാ​ശ​രി 700രൂ​പ ​ദ്വൈ​മാ​സ കു​ടി​വെ​ള്ള ചാ​ർ​ജ്​ വ​രു​ന്ന പ​ല ഉ​പ​​ഭോ​ക്​​താ​ക്ക​ൾ​ക്കും​ ഡ്രെ​യി​നേ​ജി​ന്‍റെ പേ​രി​ൽ അ​ധി​ക​മാ​യി മൂ​ന്നൂ​റ്​ രൂ​പ​യി​ല​ധി​കം അ​ട​ക്ക​ണ​മെ​ന്ന്​ ആ​വ​ശ്യ​പ്പെ​ട്ടു​ള്ള ബി​ല്ലാ​ണ്​ ന​ൽ​കി​യ​ത്.