പക്ഷിപ്പനി: ദൗത്യം പൂർത്തിയായി, 3582 പക്ഷികളെ കൊന്നൊടു​ക്കി

തി​രു​വ​ന​ന്ത​പു​രം: പ​ക്ഷി​പ്പ​നി സ്ഥി​രീ​ക​രി​ച്ച അ​ഴൂ​രി​ൽ പ​ക്ഷി​ക​ളെ​ കൊ​ന്നൊ​ടു​ക്ക​ൽ ദൗ​ത്യം പൂ​ർ​ത്തി​യാ​യി. കോ​ഴി, താ​റാ​വ്​ എ​ന്നി​വ​യ​ട​ക്കം 3582 പ​ക്ഷി​ക​ളെ​യാ​ണ്​ ര​ണ്ട്​ ദി​വ​സ​ങ്ങ​ളി​ലാ​യി കൊ​ന്ന്​ ക​ത്തി​ച്ച​ത്. ഇ​തി​ൽ 2326 കോ​ഴി​​ക​ളും 1012 താ​റാ​വു​ക​ളു​മു​ണ്ട്. ഇ​തി​ന്​ പു​റ​മെ 244 അ​ല​ങ്കാ​ര-​അ​രു​മ​പ്പ​ക്ഷി​ക​ളെ​യും കൊ​ന്നൊ​ടു​ക്കി. കേ​ന്ദ്ര മാ​ന​ദ​ണ്ഡ​പ്ര​കാ​ര​മാ​യി​രു​ന്നു ന​ട​പ​ടി​ക​ൾ.

693 കോ​ഴി​മു​ട്ട​യും 344.75 കി​ലോ തീ​റ്റ​യും ക​ത്തി​ച്ച്​ ന​ശി​പ്പി​ച്ച​വ​യി​ൽ ഉ​ൾ​പ്പെ​ടു​ന്നു. 50 കോ​ഴി​​ക​ളു​ള്ള ഒ​രു ഫാ​മാ​ണ്​​ പ്ര​ദേ​ശ​ത്തു​ണ്ടാ​യി​രു​ന്ന​ത്. പു​റ​മെ വീ​ടി​നോ​ട്​ ചേ​ർ​ന്ന്​ വ​ള​ർ​ത്തി​യ 1500 കോ​ഴി​ക​ളും. ഇ​തെ​ല്ലാം ഉ​ൾ​പ്പെ​ടെ​യാ​ണ്​ 2326 കോ​ഴി​ക​ൾ. ക്ലോ​റോ​ഫോം ഉ​പ​യോ​ഗി​ച്ച്​ ശാ​സ്ത്രീ​യ​മാ​യാ​ണ്​ പ​ക്ഷി​ക​ളെ കൊ​ന്ന​ത്.

ശേ​ഷം ഇ​വ​യെ​ല്ലാം പെ​രു​ങ്ങു​ഴി​ക്ക്​ സ​മീ​പം കാ​യ​ൽ​തീ​ര​ത്തെ പു​റ​മ്പോ​ക്ക്​ ഭൂ​മി​ൽ എ​ത്തി​ച്ച്​ കു​ഴി​യെ​ടു​ത്ത്​ ക​ത്തി​ച്ചു. മു​ട്ട​യും കാ​ലി​ത്തീ​റ്റ​യും ഇ​വി​ടെ​യെ​ത്തി​ച്ച്​ ക​ത്തി​ച്ചു. ശേ​ഷം മ​ണ്ണി​ട്ട്​ മൂ​ടു​ക​യും അ​തി​ന്​ മു​ക​ളി​ൽ മ​ണ്ണ്​ പു​റ​ത്ത്​ കാ​ണാ​ത്ത​വി​ധം കു​മ്മാ​യം മൂ​ടു​ക​യും ചെ​യ്​​തു.

മൂ​ന്ന്​ മാ​സ​ത്തേ​ക്ക്​ ഇ​വി​ടെ മ​​റ്റൊ​രു പ്ര​വൃ​ത്തി​യും അ​നു​വ​ദി​ക്കി​ല്ലെ​ന്ന്​ ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി. മൃ​ഗ​സം​ര​ക്ഷ​ണ വ​കു​പ്പി​​​ന്‍റെ നേ​തൃ​ത്വ​ത്തി​ലു​ള്ള ധ്രു​ത​ക​ർ​മ​സേ​ന​യു​ടെ നേ​തൃ​ത്വ​ത്തി​ലാ​യി​രു​ന്നു പ്ര​വ​ർ​ത്ത​ന​ങ്ങ​ൾ. എ​ട്ടു യൂ​നി​റ്റു​ക​ളാ​ണ്​ ഒ​രേ​സ​മ​യം പ്ര​വ​ർ​ത്തി​ച്ച​ത്.

ഒ​രു ഡോ​ക്ട​ർ, ര​ണ്ട്​ ലൈ​വ്​ സ്​​റ്റോ​ക്ക്​ ഇ​ൻ​സ്​​പെ​ക്ട​ർ​മാ​ർ, ഒ​രു അ​റ്റ​ൻ​ഡ​ർ, ര​ണ്ട്​ തൊ​ഴി​ലാ​ളി​ക​ൾ, വാ​ർ​ഡ്​​ മെം​ബ​ർ, ആ​ശ പ്ര​വ​ർ​ത്ത​ക, ഒ​രു പൊ​ലീ​സു​കാ​ര​ൻ എ​ന്നി​വ​രാ​ണ്​ ഓ​രോ സം​ഘ​ത്തി​ലു​മു​ണ്ടാ​യി​രു​ന്ന​ത്. ഇ​തി​ന്​ പു​റ​മെ അ​ഗ്​​നി​ശ​മ​ന​സേ​ന​യും ഒ​പ്പ​മു​ണ്ടാ​യി​രു​ന്നു.

പ​ക്ഷി​പ്പ​നി​യു​ടെ പ്ര​ഭ​വ​കേ​ന്ദ്ര​മാ​യ അ​ഴൂ​ർ ഗ്രാ​മ​പ​ഞ്ചാ​യ​ത്തി​ലെ പെ​രു​ങ്ങു​ഴി ജ​ങ്ഷ​ൻ വാ​ർ​ഡി​ന്റെ (വാ​ർ​ഡ്-15) ഒ​രു കി​ലോ​മീ​റ്റ​ർ ചു​റ്റ​ള​വി​ലു​ള്ള വാ​ർ​ഡു​ക​ളാ​യ റെ​യി​ൽ​വേ സ്റ്റേ​ഷ​ൻ വാ​ർ​ഡ് (വാ​ർ​ഡ്-17) പൂ​ർ​ണ​മാ​യും പ​ഞ്ചാ​യ​ത്ത് ഓ​ഫി​സ് വാ​ർ​ഡ് (വാ​ർ​ഡ് 16), കൃ​ഷ്ണ​പു​രം വാ​ർ​ഡ് (വാ​ർ​ഡ് 7), അ​ക്ക​ര​വി​ള വാ​ർ​ഡ് (വാ​ർ​ഡ് 14), നാ​ലു​മു​ക്ക് (വാ​ർ​ഡ് 12) കൊ​ട്ടാ​രം​തു​രു​ത്ത് (വാ​ർ​ഡ് 18) എ​ന്നി​വ​യി​ൽ ഭാ​ഗി​ക​മാ​യും ഉ​ൾ​പ്പെ​ട്ട പ്ര​ദേ​ശ​ങ്ങ​ളി​ലെ മു​ഴു​വ​ൻ പ​ക്ഷി​ക​ളെ​യു​മാ​ണ്​ ന​ശി​പ്പി​ച്ച​ത്.

തി​ങ്ക​ളാ​ഴ്ച രാ​വി​ലെ അ​ഞ്ചി​ന്​ തു​ട​ങ്ങി​യ ദൗ​ത്യം ചൊ​വ്വാ​ഴ്ച വൈ​കീ​ട്ട്​ ഏ​​ഴോ​ടെ​യാ​ണ്​ പൂ​ർ​ത്തി​യാ​യ​ത്.​ ജ​ന​ങ്ങ​ളു​ടെ പൂ​ർ​ണ സ​ഹ​ക​ര​ണ​മു​ണ്ടാ​യി​രു​ന്ന​താ​യും ആ​ളു​ക​ൾ​ക്ക്​ കാ​ര്യ​ങ്ങ​ളെ​ക്കു​റി​ച്ച്​ കൃ​ത്യ​മാ​യും ധാ​ര​ണ​യു​ണ്ടാ​യി​രു​ന്നെ​ന്നും അ​ധി​കൃ​ത​ർ വ്യ​ക്ത​മാ​ക്കി. ക​ഴി​ഞ്ഞ ദി​വ​സം ആ​ളി​ല്ലാ​തി​രു​ന്ന വീ​ടു​ക​ളി​ൽ ചൊ​വ്വാ​ഴ്ച​യെ​ത്തി ന​ട​പ​ടി​ക​ൾ പൂ​ർ​ത്തി​യാ​ക്കി.

ജോ​ലി​ക്കും മ​റ്റും പോ​യി​രു​ന്ന​വ​ർ മ​ട​ങ്ങി​യെ​ത്തി​യ​ശേ​ഷം അ​വ​രു​ടെ വീ​ടു​ക​ളി​​ൽ ചൊ​വ്വാ​ഴ്ച വൈ​കീ​ട്ട്​​ അ​ഞ്ചി​നു​​ശേ​ഷം ​പ്ര​വ​ർ​ത്ത​നം പൂ​ർ​ത്തി​യാ​ക്കി. കി​ഴു​വി​ലം, ക​ട​ക്കാ​വൂ​ർ കീ​ഴാ​റ്റി​ങ്ങ​ൽ ചി​റ​യി​ൻ​കീ​ഴ് , മം​ഗ​ല​പു​രം, അ​ണ്ടൂ​ർ​കോ​ണം, പോ​ത്ത​ൻ​കോ​ട് എ​ന്നീ പ​ഞ്ചാ​യ​ത്തു​ക​ളും തി​രു​വ​ന​ന്ത​പു​രം കോ​ർ​പ​റേ​ഷ​നി​ലെ ക​ഴ​ക്കൂ​ട്ടം (വാ​ർ​ഡ്-01), ആ​റ്റി​പ്ര വാ​ർ​ഡി​ലെ ആ​റ്റി​ൻ​കു​ഴി പ്ര​ദേ​ശം എ​ന്നി​വ​യും ഉ​ൾ​പ്പെ​ടു​ന്ന സ​ർ​വൈ​ല​ൻ​സ് സോ​ണി​ന്റെ പ​രി​ധി​യി​ൽ​നി​ന്ന്​ പു​റ​ത്തേ​ക്കും അ​ക​ത്തേ​ക്കും കോ​ഴി, താ​റാ​വ്, അ​രു​മ​പ്പ​ക്ഷി​ക​ൾ എ​ന്നി​വ​യു​ടെ കൈ​മാ​റ്റം, ക​ട​ത്ത്, വി​ൽ​പ​ന എ​ന്നി​വ ക​ല​ക്ട​ർ നി​രോ​ധി​ച്ചി​ട്ടു​ണ്ട്.

ഈ ​ത​ദ്ദേ​ശ​സ്ഥാ​പ​ന​ങ്ങ​ളി​ൽ​നി​ന്ന്​ പു​റ​ത്തേ​ക്ക്​ മു​ട്ട, ഇ​റ​ച്ചി, വ​ളം, തീ​റ്റ എ​ന്നി​വ​യു​ടെ വി​ൽ​പ​ന, നീ​ക്കം എ​ന്നി​വ​ക്കും മൂ​ന്ന്​ മാ​സ​ത്തെ നി​രോ​ധ​ന​മു​ണ്ടാ​കും. വ​ള​ർ​ത്തു​പ​ക്ഷി​ക​ളി​ൽ അ​സ്വാ​ഭാ​വി​ക​മാ​യി കൂ​ട്ട​മ​ര​ണം സം​ഭ​വി​ക്കു​ന്ന സാ​ഹ​ച​ര്യ​ങ്ങ​ളി​ൽ വി​വ​രം മൃ​ഗാ​ശു​പ​ത്രി​യി​ൽ റി​പ്പോ​ർ​ട്ട് ചെ​യ്യ​ണ​​മെ​ന്നാ​ണ്​ മൃ​ഗ​സം​ര​ക്ഷ​ണ വ​കു​പ്പി​ന്‍റെ നി​ർ​ദേ​ശം.

സാനിറ്റൈസേഷൻ തുടരുന്നു

തി​രു​വ​ന​ന്ത​പു​രം: പ​ക്ഷി​ക​ളെ കൊ​ന്നൊ​ടു​ക്കി​യ ഫാ​മു​ക​ളി​ൽ മൃ​ഗ​സം​ര​ക്ഷ​ണ വ​കു​പ്പി​ന്റെ നേ​തൃ​ത്വ​ത്തി​ൽ സാ​നി​റ്റൈ​സേ​ഷ​ൻ പ്ര​ക്രി​യ ന​ട​ത്തി. മ​റ്റു പ്ര​ദേ​ശ​ങ്ങ​ളി​ൽ ആ​ശാ​വ​ർ​ക്ക​ർ​മാ​രു​ടെ സ​ഹാ​യ​ത്തോ​ടെ സാ​നി​റ്റൈ​സേ​ഷ​ൻ തു​ട​രു​ന്നു. വ​ലി​യ ഫാ​മു​ക​ളി​ൽ സാ​നി​റ്റൈ​സേ​ഷ​ൻ ജോ​ലി​ക​ൾ ചെ​യ്യു​ന്ന​തി​നാ​യി ഫ​യ​ർ​ഫോ​ഴ്സി​ന്റെ സ​ഹാ​യം ആ​വ​ശ്യ​പ്പെ​ട്ടി​ട്ടു​ണ്ട്. ആ​ശ​ങ്ക​പ്പെ​ടേ​ണ്ട സാ​ഹ​ച​ര്യം നി​ല​വി​ലി​ല്ലെ​ന്ന് മ​ന്ത്രി ജെ. ​ചി​ഞ്ചു​റാ​ണി അ​റി​യി​ച്ചു.

പ്രതിരോധ-സാനിറ്റൈസേഷൻ പൂർത്തിയായാൽ സർവ​യലൻസ്​ സോണിൽ ഉപാധികളോടെ ഇളവ്

തി​രു​വ​ന​ന്ത​പു​രം: പ​ക്ഷി​പ്പ​നി റി​​പ്പോ​ർ​ട്ട്​ ചെ​യ്ത​തി​നെ തു​ട​ർ​ന്ന്​ ഒ​രു കി​ലോ​മീ​റ്റ​ർ ചു​റ്റ​ള​വി​ലെ പ്ര​തി​രോ​ധ-​സാ​നി​റ്റൈ​സേ​ഷ​ൻ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യ ശേ​ഷം അ​ട​ച്ചി​ട്ട കോ​ഴി​ക്ക​ട​ക​ൾ​ക്കും മു​ട്ട വി​ൽ​പ​ന​കേ​ന്ദ്ര​ങ്ങ​ൾ​ക്കും നി​ബ​ന്ധ​ന​ക​ൾ​ക്ക് വി​ധേ​യ​മാ​യി പ്ര​വ​ർ​ത്തി​ക്കാ​മെ​ന്ന്​ മൃ​ഗ​സം​ര​ക്ഷ​ണ വ​കു​പ്പ്.

90 ദി​വ​സ​ത്തേ​ക്ക് സ​ർ​വൈ​ല​ൻ​സ് സോ​ണി​ന് (ഒ​രു കി​ലോ​മീ​റ്റ​ർ മു​ത​ൽ 10 കി​ലോ​മീ​റ്റ​ർ വ​രെ ചു​റ്റ​ള​വി​ൽ) അ​ക​ത്തേ​ക്കും പു​റ​ത്തേ​ക്കും പ​ക്ഷി​ക​ൾ, പ​ക്ഷി​യി​റ​ച്ചി എ​ന്നി​വ നി​രോ​ധി​ച്ചി​രി​ക്കു​ക​യാ​ണ്. എ​ന്നാ​ൽ, സ​ർ​വ​​യ​ല​ൻ​സ് സോ​ണി​നു​ള്ളി​ലു​ള്ള പ​ക്ഷി​ക​ൾ​ക്കു​ള്ള തീ​റ്റ കൊ​ണ്ടു​വ​രു​ന്ന​ത് ഇ​തി​ൽ​നി​ന്ന് ഒ​ഴി​വാ​ക്കി​യി​ട്ടു​ണ്ട്. തീ​റ്റ കൊ​ണ്ടു​വ​രു​ന്ന വാ​ഹ​ന​ങ്ങ​ൾ അ​ണു​ന​ശീ​ക​ര​ണം ചെ​യ്ത​തി​നു​ശേ​ഷം മാ​ത്രം സ​ർ​വ​​യ​ല​ൻ​സ് സോ​ണി​നു​ള്ളി​ൽ​നി​ന്ന്​ പു​റ​ത്തു​പോ​ക​ണം.

നി​ബ​ന്ധ​ന​ക​ളും ഇ​ള​വു​ക​ളും

സ​ർ​വ​​യ​ല​ൻ​സ് സോ​ണി​നു​ള്ളി​ൽ പ്ര​വ​ർ​ത്തി​ക്കു​ന്ന എ​ഗ്ഗ​ർ ന​ഴ്സ​റി​ക​ളി​ൽ (ര​ണ്ടു​ മാ​സ​ത്തി​ന്​ താ​ഴെ) ജീ​വ​നു​ള്ള കോ​ഴി​ക​ളെ വി​ൽ​ക്കു​ന്ന​ത് മൂ​ന്നു മാ​സ​ത്തേ​ക്ക് പാ​ടു​ള്ള​ത​ല്ല. മൂ​ന്നു​മാ​സ​ത്തി​നു​ശേ​ഷം അ​വ​യെ സ​ർ​വ​​യ​ല​ൻ​സ് സോ​ണി​നു​ള്ളി​ലോ പു​റ​ത്തോ വി​ൽ​പ​ന ന​ട​ത്താം.

സ​ർ​വ​​യ​ല​ൻ​സ് സോ​ണി​നു​ള്ളി​ലു​ള്ള ലേ​യ​ർ ഫാ​മു​ക​ളി​ൽ (ര​ണ്ടു​ മാ​സ​ത്തി​നു​ മു​ക​ളി​ൽ പ്രാ​യ​മു​ള്ള​തും മു​ട്ട​യി​ടു​ന്ന​തു​മാ​യ കോ​ഴി​ക​ൾ) ഉ​ൽ​പാ​ദി​പ്പി​ക്ക​പ്പെ​ടു​ന്ന മു​ട്ട സ​ർ​വ​​യ​ല​ൻ​സ് സോ​ണി​നു​ള്ളി​ൽ വി​ൽ​പ​ന ന​ട​ത്താം. മു​ട്ട ഉ​ൽ​പാ​ദ​ന​ത്തി​നു ശേ​ഷം മാം​സാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന മു​ട്ട​ക്കോ​ഴി​ക​ൾ സം​സ്ക​രി​ച്ച് മാ​ത്ര​മേ സ​ർ​വ​​യ​ല​ൻ​സ് സോ​ണി​ൽ വി​ൽ​പ​ന ന​ട​ത്താ​വൂ. സം​സ്ക​രി​ച്ച്​ ഇ​റ​ച്ചി​യാ​യി വി​ൽ​ക്കാം. കോ​ഴി​യാ​യി (ജീ​വ​നോ​ടെ) വി​ൽ​ക്കാ​ൻ പാ​ടി​ല്ല.

സ​ർ​വ​​യ​ല​ൻ​സ് സോ​ണി​നു​ള്ളി​ലു​ള്ള ബ്രോ​യി​ല​ർ ഫാ​മു​ക​ളി​ൽ നി​ല​വി​ൽ ഇ​റ​ച്ചി​ക്കോ​ഴി​ക​ളു​ണ്ടെ​ങ്കി​ൽ അ​വ​യെ മാ​ത്രം തു​ട​ർ​ന്ന്​ വ​ള​ർ​ത്താം. അ​വ വി​പ​ണ​ന പ്രാ​യ​മെ​ത്തു​മ്പോ​ൾ ഫാ​മി​നു​ള്ളി​ൽ ത​ന്നെ ശാ​സ്ത്രീ​യ​മാ​യി സം​സ്ക​രി​ച്ച് സ​ർ​വ​​യ​ല​ൻ​സ് സോ​ണി​നു​ള്ളി​ൽ മാ​ത്രം വി​ൽ​പ​ന ന​ട​ത്താം. ഇ​വ​യും കോ​ഴി​യാ​യി (ജീ​വ​നോ​ടെ) വി​ൽ​ക്കാ​ൻ പാ​ടി​ല്ല.

കോ​ഴി​ക്കും താ​റാ​വി​നും ന​ഷ്ട​പ​രി​ഹാ​രം

തി​രു​വ​ന​ന്ത​പു​രം: കൊ​ന്നൊ​ടു​ക്കി​യ​വ​യി​ൽ അ​രു​മ​പ്പ​ക്ഷി​ക​ളൊ​ഴി​കെ​യു​ള്ള​വ​ക്ക്​ സ​ർ​ക്കാ​ർ ന​ഷ്ട​പ​രി​ഹാ​രം ന​ൽ​കും. ര​ണ്ട്​ മാ​സ​ത്തി​ൽ താ​ഴെ പ്രാ​യ​മു​ള്ള കോ​ഴി, താ​റാ​വ്​ എ​ന്നി​വ​ക്ക്​ 100 രൂ​പ വീ​ത​വും ര​ണ്ട്​ മാ​സ​ത്തി​ന്​ മു​ക​ളി​ൽ ​പ്രാ​യ​മു​ള്ള​വ​ക്ക് 200 രൂ​പ വീ​ത​വു​മാ​ണ്​ ന​ൽ​കു​ക.

മു​ട്ട ഒ​ന്നി​ന് അ​ഞ്ച്​ രൂ​പ​യും തീ​റ്റ കി​ലോ​ഗ്രാ​മി​ന് 12 രൂ​പ നി​ര​ക്കി​ലും ന​ഷ്ട​പ​രി​ഹാ​രം ന​ൽ​കും. ആ​ളു​ക​ളു​ടെ ഉ​പ​ജീ​വ​ന​മാ​ർ​ഗം എ​ന്ന നി​ല​യി​ലാ​ണ്​ ഇ​വ​ക്ക്​ ന​ഷ്ട​പ​പ​രി​ഹാ​രം നി​ശ്ച​യി​ച്ചി​രി​ക്കു​ന്ന​ത്. സ​മാ​ന​രീ​തി​യി​ൽ പ​ക്ഷി​പ്പ​നി​മൂ​ലം പ​ക്ഷി​ക​ളെ ​കൊ​ന്നൊ​ടു​ക്കി​യ ആ​ല​പ്പു​ഴ​യി​ലും കോ​ട്ട​യ​ത്തു​മാ​യി നാ​ല്​ കോ​ടി രൂ​പ ക​ർ​ഷ​ക​ർ​ക്ക്​ വി​ത​ര​ണം ചെ​യ്തി​രു​ന്നു.