കേരളത്തിന്‍റെ സ്വന്തം 10 വിഭവങ്ങളെ ബ്രാൻഡ് ചെയ്യുന്നു

തി​രു​വ​ന​ന്ത​പു​രം: ഇ​ന്ത്യ​യി​ൽ ആ​ദ്യ​മാ​യി ഒ​രു സം​സ്ഥാ​നം പ്രാ​ദേ​ശി​ക​മാ​യ വ്യ​ത്യ​സ്ത ഭ​ക്ഷ​ണ വി​ഭ​വ​ങ്ങ​ളെ ബ്രാ​ൻ​ഡ് ചെ​യ്യു​ന്നു. കേ​ര​ളീ​യം 2023 ന്റെ ​ഭാ​ഗ​മാ​യി ‘കേ​ര​ള മെ​നു: അ​ൺ​ലി​മി​റ്റ​ഡ്’ എ​ന്ന ബാ​ന​റി​ലാ​ണ് കേ​ര​ള​ത്തി​ലെ 10 വി​ഭ​വ​ങ്ങ​ളെ ബ്രാ​ൻ​ഡ് ചെ​യ്യു​ന്ന​ത്.

രാ​മ​ശ്ശേ​രി ഇ​ഡ്​​ഡ​ലി, പൊ​റോ​ട്ട​യും ബീ​ഫും, ബോ​ളി​യും പാ​യ​സ​വും, ക​പ്പ​യും മീ​ൻ​ക​റി​യും, കു​ട്ട​നാ​ട​ൻ ക​രി​മീ​ൻ പൊ​ള്ളി​ച്ച​ത്, ത​ല​ശ്ശേ​രി ബി​രി​യാ​ണി, മു​ള​യ​രി പാ​യ​സം, വ​ന​സു​ന്ദ​രി ചി​ക്ക​ൻ, പു​ട്ടും ക​ട​ല​യും, ക​ർ​ക്ക​ട​ക ക​ഞ്ഞി എ​ന്നി​വ​യാ​ണ് കേ​ര​ളം ആ​ഗോ​ള തീ​ന്മേ​ശ​യി​ലേ​ക്ക് ബ്രാ​ന്റു​ക​ളാ​യി അ​വ​ത​രി​പ്പി​ക്കു​ക. കേ​ര​ള​ത്തി​ന്റെ സു​ഭി​ക്ഷ​മാ​യ ഭ​ക്ഷ​ണ പാ​ര​മ്പ്യ​ത്തെ, മ​ല​യാ​ളി​യു​ടെ ആ​തി​ഥ്യ മ​ര്യാ​ദ​യെ ഈ ​കേ​ര​ളീ​യ​ത്തോ​ടെ ഒ​രു ബ്രാ​ൻ​ഡാ​യി ഉ​യ​ർ​ത്തും.

‘കേ​ര​ള മെ​നു: അ​ൺ​ലി​മി​റ്റ​ഡ്’ എ​ന്ന കു​ട​യ്ക്ക് കീ​ഴി​ൽ വ​രു​ന്ന പ​ത്തു ബ്രാ​ന്റു​ക​ളും ഈ ​ബ്രാ​ന്റു​ക​ൾ സ്വ​പ്നം കാ​ണു​ന്ന നാ​ളെ​യും ‘അ​ൺ​ലി​മി​റ്റ​ഡ്’ ത​ന്നെ​യാ​ണെ​ന്ന് കൂ​ടു​ത​ൽ വ്യ​ക്ത​മാ​ക്കു​ക​യാ​ണ്.

മ​ല​യാ​ളി​യു​ടെ നാ​വി​ൽ ഇ​ടം​പി​ടി​ച്ച വി​ഭ​വ​ങ്ങ​ളെ ആ​ഗോ​ള ത​ല​ത്തി​ൽ ഭ​ക്ഷ​ണ​പ്രേ​മി​ക​ളു​ടെ മ​ന​സ്സി​ൽ ഉ​റ​പ്പി​ക്കു​ക​യാ​ണ് ല​ക്ഷ്യം. കേ​ര​ള​ത്തി​ലെ ഭ​ക്ഷ​ണ വൈ​വി​ധ്യ​ത്തെ പ്രാ​ദേ​ശി​ക​മാ​യി ടാ​ഗ് ചെ​യ്യു​ന്ന​തി​ലൂ​ടെ ആ​ഗോ​ള വി​നോ​ദ സ​ഞ്ചാ​ര മേ​ഖ​ല​യി​ലും സാം​സ്‌​കാ​രി​ക സ​മ്പ​ത്തി​നെ ഉ​യ​ർ​ത്തി​ക്കാ​ട്ടു​ന്ന​തി​ലും വ​ലി​യ പ​ങ്കാ​ണ് വ​ഹി​ക്കു​ക.