കേക്ക്‌ മുറിച്ച്‌ പിറന്നാൾ ആഘോഷിച്ച്‌ നേരെ യു.എസിലേക്ക്‌

തി​രു​വ​ന​ന്ത​പു​രം: അ​ഞ്ചാം പി​റ​ന്നാ​ളി​ന്റെ കേ​ക്ക്‌ മു​റി​ച്ച​പ്പോ​ൾ ശി​ശു​ക്ഷേ​മ സ​മി​തി​യി​ലെ കു​സൃ​തി​ക്കു​ട്ട​ന്‌ ഇ​ര​ട്ടി മ​ധു​ര​മാ​യി​രു​ന്നു. ഇ​ക്കു​റി പി​റ​ന്നാ​ളാ​ഘോ​ഷ​ത്തി​ന്‌ അ​വ​ന്റെ​യൊ​പ്പം സ​മി​തി​യി​ലെ കൂ​ട്ടു​കാ​ർ മാ​ത്ര​മ​ല്ല അ​വ​നെ ദ​ത്തെ​ടു​ത്ത അ​ച്‌ഛ​നും അ​മ്മ​യും അ​നി​യ​നും ഒ​പ്പ​മു​ണ്ടാ​യി​രു​ന്നു. അ​ടു​ത്ത​ദി​വ​സം അ​വ​ൻ ത​ന്റെ പു​തി​യ ര​ക്ഷാ​ക​ർ​ത്താ​ക്ക​ൾ​ക്കൊ​പ്പം യു.​എ​സി​ലേ​ക്ക്‌ പ​റ​ക്കും.

ജ​നി​ച്ച്‌ ദി​വ​സ​ങ്ങ​ൾ മാ​ത്രം പ്രാ​യ​മു​ള്ള​പ്പോ​ഴാ​ണ്‌ അ​വ​ൻ അ​മ്മ​ത്തൊ​ട്ടി​ലി​ൽ അ​തി​ഥി​യാ​യി എ​ത്തി​യ​ത്‌. ആ​രും അ​ന്വേ​ഷി​ച്ച്‌ വ​രാ​ത്ത​തി​നാ​ൽ നി​യ​മ​പ​ര​മാ​യി ത​ന്നെ അ​വ​ന്റെ ദ​ത്ത്‌ ന​ട​പ​ടി​ക​ൾ സ​മി​തി ആ​രം​ഭി​ച്ചു. അ​ധി​കം വൈ​കാ​തെ അ​വ​നെ ദ​ത്തെ​ടു​ക്കാ​ൻ യു.​എ​സി​ൽ നി​ന്ന്‌ ര​ക്ഷാ​ക​ർ​ത്താ​ക്ക​ളും എ​ത്തി. എ​ല്ലാ​വ​ർ​ക്കു​മൊ​പ്പ​മി​രു​ന്ന്‌ അ​വ​ൻ പി​റ​ന്നാ​ൾ സ​ദ്യ ക​ഴി​ച്ചു.

യു.​എ​സി​ൽ ന​ഴ്‌​സ്‌ കൂ​ടി​യാ​യ അ​മ്മ എ​ലി​സ​ബ​ത്തി​നും ബാ​ഡ്‌​മി​ന്റ​ൺ താ​ര​മാ​യ അ​ച്‌ഛ​ൻ ജോ​നും കു​ഞ്ഞ്‌ സ​ഹോ​ദ​ര​ൻ ഏ​ഥ​നു​മൊ​പ്പം അ​വ​ൻ നി​റ​ഞ്ഞ ചി​രി​യോ​ടെ സ​മി​തി​യു​ടെ പ​ടി​യി​റ​ങ്ങി. ക​ഴി​ഞ്ഞ 20 മാ​സ​ത്തി​നി​ടെ സ​മി​തി​യി​ല്‍ നി​ന്നും ദ​ത്തു​ന​ല്‍കു​ന്ന 117-ാമ​ത്തെ കു​ട്ടി​യാ​ണ് ഈ ​അ​ഞ്ചു​വ​യ​സ്സു​കാ​ര​ന്‍. തി​രു​വ​ന​ന്ത​പു​രം അ​മ്മ​ത്തൊ​ട്ടി​ല്‍ ആ​രം​ഭി​ച്ച​തി​ന് ശേ​ഷം 614കു​ട്ടി​ക​ളെ​യാ​ണ് ല​ഭി​ച്ച​ത്.