നിർമാണപ്രവൃത്തി: നിരവധി ട്രെയിനുകൾ റദ്ദാക്കി
text_fieldsതിരുവനന്തപുരം: കുഴിത്തുറക്കും ഇരണിയേലിനുമിടയിൽ നിർമാണപ്രവൃത്തി നടക്കുന്നതിനാൽ ചൊവ്വാഴ്ചമുതൽ വെള്ളിയാഴ്ചവരെ ഇതുവഴിയുള്ള നിരവധി ട്രെയിനുകൾ റദ്ദാക്കി.
ചൊവ്വ, ബുധൻ ദിവസങ്ങളിൽ 06772 കൊല്ലം ജങ്ഷൻ-കന്യാകുമാരി മെമു എക്സ്പ്രസ്, 06773 കന്യാകുമാരി-കൊല്ലം ജങ്ഷൻ മെമു, 06639 പുനലൂർ-നാഗർകോവിൽ ജങ്ഷൻ എക്സ്പ്രസ്, 06640 കന്യാകുമാരി-പുനലൂർ എക്സ്പ്രസ് സ്പെഷൽ, 06433 തിരുവനന്തപുരം സെൻട്രൽ-നാഗർകോവിൽ ജങ്ഷൻ എക്സ്പ്രസ് എന്നിവ റദ്ദാക്കി.
വ്യാഴാഴ്ച 06639 പുനലൂർ-നാഗർകോവിൽ ജങ്ഷൻ എക്സ്പ്രസ്, 06640 കന്യാകുമാരി-പുനലൂർ എക്സ്പ്രസ് സ്പെഷൽ എന്നിവയും വെള്ളിയാഴ്ച 06639 പുനലൂർ-നാഗർകോവിൽ ജങ്ഷൻ എക്സ്പ്രസ് , 06640 കന്യാകുമാരി -പുനലൂർ എക്സ്പ്രസ് സ്പെഷൽ, 06433 തിരുവനന്തപുരം സെൻട്രൽ-നാഗർകോവിൽ ജങ്ഷൻ എക്സ്പ്രസ് എന്നിവയും റദ്ദാക്കി.
16606 നാഗർകോവിൽ ജങ്ഷൻ-മംഗളൂരു സെൻട്രൽ ഏറനാട് എക്സ്പ്രസ് ചൊവ്വാഴ്ച തിരുവനന്തപുരം സെൻട്രലിൽ യാത്ര അവസാനിപ്പിക്കും. 22628 തിരുവനന്തപുരം സെൻട്രൽ -തിരുച്ചിറപ്പള്ളി ജങ്ഷൻ ഇന്റർസിറ്റി സൂപ്പർ ഫാസ്റ്റ് ചൊവ്വമുതൽ വെള്ളിവരെ തിരുനെൽവേലിയിൽ നിന്നായിരിക്കും പുറപ്പെടുക.
22627 തിരുച്ചിറപ്പള്ളി ജങ്ഷൻ-തിരുവനന്തപുരം സെൻട്രൽ ഇന്റർസിറ്റി സൂപ്പർ ഫാസ്റ്റ് ചൊവ്വമുതൽ വെള്ളിവരെ തിരുനെൽവേലിയിൽ യാത്ര അവസാനിപ്പിക്കും.
16366 നാഗർകോവിൽ ജങ്ഷൻ -കോട്ടയം എക്സ്പ്രസ് ചൊവ്വ, ബുധൻ, വെള്ളി ദിവസങ്ങളിൽ കൊല്ലത്തുനിന്നും 16525 കന്യാകുമാരി- കെ.എസ്.ആർ ബംഗളൂരു ഐലൻഡ് എക്സ്പ്രസ് ചൊവ്വ, വെള്ളി ദിവസങ്ങളിൽ തിരുവനന്തപുരം സെൻട്രലിൽനിന്നുമാകും പുറപ്പെടുക.
16381 പുണെ ജങ്ഷൻ-കന്യാകുമാരി എക്സ്പ്രസ് ബുധനാഴ്ച പാറശ്ശാലയിലും 16526 കെ.എസ്.ആർ ബംഗളൂരു -കന്യാകുമാരി എക്സ്പ്രസ് ചൊവ്വ, വ്യാഴം ദിവസങ്ങളിൽ തിരുവനന്തപുരം സെൻട്രലിലും യാത്ര അവസാനിപ്പിക്കും. 16366 നാഗർകോവിൽ ജങ്ഷൻ-ഗാന്ധിധാം പ്രതിവാര എക്സ്പ്രസ് ചൊവ്വാഴ്ച രാവിലെ 2.45 ന് പകരം വൈകീട്ട് 4.05 നും 16317 കന്യാകുമാരി-ശ്രീമാതാ വൈഷ്ണോ ദേവി പ്രതിവാര ഹിമസാഗർ എക്സ്പ്രസ് വെള്ളിയാഴ്ച ഉച്ചക്ക് 2.15 ന് പകരം വൈകീട്ട് 3.05 നുമാകും പുറപ്പെടുക.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.