ദേശീയപാതയിലെ ഓടകൾ മാലിന്യക്കൂമ്പാരം

തി​രു​വ​ന​ന്ത​പു​രം: കാ​ല​വ​ർ​ഷം പ​ടി​വാ​തി​ലി​ൽ എ​ത്തി​യി​ട്ടും കോ​ർ​പ​റേ​ഷ​ന്‍റെ 100 വാ​ർ​ഡു​ക​ളി​ലും മ​ഴ​ക്കാ​ല പൂ​ർ​വ​ശു​ചീ​ക​ര​ണം എ​ങ്ങു​മെ​ത്തി​യി​ല്ല. ഓ​രോ വാ​ർ​ഡി​ലും ശൂ​ചീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കാ​യി ഒ​രു ല​ക്ഷം വീ​തം അ​നു​വ​ദി​ച്ചെ​ങ്കി​ലും ജീ​വ​ന​ക്കാ​രു​ടെ അ​ഭാ​വ​വും മ​ണ്ണു​മാ​ന്തി​യ​ന്ത്ര​ങ്ങ​ൾ പ്ര​വ​ർ​ത്ത​ന​ക്ഷ​മ​മ​ല്ലാ​ത്ത​തും വെ​ല്ലു​വി​ളി​യാ​യി തു​ട​രു​ക​യാ​ണ്. ദേ​ശീ​യ​പാ​ത​ക​ളി​ലെ ഓ​ട​ക​ളി​ൽ മാ​ലി​ന്യം കു​ന്നു​കൂ​ടി ദു​ർ​ഗ​ന്ധം വ​മി​ച്ച​തോ​ടെ പ​ല​യി​ട​ത്തും പൊ​തു​ജ​നം പ്ര​തി​ഷേ​ധ​വു​മാ​യി രം​ഗ​ത്തെ​ത്തി​ട്ടു​ണ്ട്.

മാ​ലി​ന്യ​ങ്ങ​ൾ മൂ​ടി​ക്കി​ട​ക്കു​ന്ന ആ​മ​യി​ഴ​ഞ്ചാ​ൻ തോ​ടി​ൽ വെ​ള്ളം ഒ​ഴു​കാ​ത്ത സ്ഥി​തി​യാ​ണ്. ദേ​ശീ​യ​പാ​ത​ക​യി​ലെ ഓ​ട​ക​ൾ വൃ​ത്തി​യാ​ക്കേ​ണ്ട​ത് ദേ​ശീ​യ​പാ​ത അ​തോ​റി​റ്റി​യാ​ണ്. എ​ന്നാ​ൽ മാ​സ​ങ്ങ​ളാ​യി ഈ ​ഓ​ട​ക​ൾ വൃ​ത്തി​യാ​ക്കാ​റി​ല്ല. ഓ​ട​യി​ൽ മാ​ലി​ന്യ​ങ്ങ​ൾ കു​ന്നു​കൂ​ടി ദു​ർ​ഗ​ന്ധ​വും വെ​ള്ളം കെ​ട്ടി​നി​ന്ന് കൊ​തു​കു​ക​ളു​ടെ പ്ര​ജ​ന​ന​കേ​ന്ദ്ര​ങ്ങ​ളു​മാ​യി​ട്ടു​ണ്ട്.

ഇ​തി​നെ​തി​രെ കൗ​ൺ​സി​ല​ർ​മാ​രെ സ​മീ​പി​ച്ചെ​ങ്കി​ലും കൈ​മ​ല​ർ​ത്തു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു. പൗ​ണ്ട്ക​ട​വ് വാ​ർ​ഡി​ലെ മു​ക്കോ​ല​ക്ക​ൽ മു​ത​ൽ ടി.​എ​സ്.​സി ഹോ​സ്പി​റ്റ​ൽ വ​രെ​യു​ള്ള ദേ​ശീ​യ​പാ​ത​യു​ടെ സ​മീ​പ​ത്തു​ള്ള ഓ​ട​ക​ളി​ൽ മാ​ലി​ന്യം അ​ഴു​കി​യി​ട്ടും യാ​തൊ​രു ന​ട​പ​ടി​യും അ​ധി​കാ​രി​ക​ളു​ടെ ഭാ​ഗ​ത്തു​നി​ന്നു​ണ്ടാ​യി​ല്ല.

മാ​ലി​ന്യം നീ​ക്കം ചെ​യ്യ​ണ​മെ​ന്നാ​വ​ശ്യ​വെ​ട്ട് ര​ണ്ടു​ത​വ​ണ ദേ​ശീ​യ പാ​ത അ​തോ​റി​റ്റി​ക്ക് ആ​രോ​ഗ്യ​വി​ഭാ​ഗം ക​ത്ത് ന​ൽ​കി​യി​ട്ടും ബ​ന്ധ​പ്പെ​ട്ട​വ​രു​ടെ ഭാ​ഗ​ത്ത് നി​ന്ന് തു​ട​ർ ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് പൗ​ണ്ട്ക​ട​വ് വാ​ർ​ഡ് കൗ​ൺ​സി​ൽ കൗ​ൺ​സി​ല​ർ ജി​ഷ ജോ​ൺ പ​റ​ഞ്ഞു.