എൻജി. എൻട്രൻസ്; പരീക്ഷകേന്ദ്രം വിദൂര ജില്ലകളിൽ; ആയിരങ്ങൾ ആശങ്കയിൽ

തി​രു​വ​ന​ന്ത​പു​രം: ഓ​ൺ​ലൈ​ൻ രീ​തി​യി​ലേ​ക്ക്​ മാ​റ്റു​ന്ന എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ​ക്കാ​യി വി​ദ്യാ​ർ​ഥി​ക​ൾ സം​സ്ഥാ​ന​ത്തു​ട​നീ​ളം നെ​ട്ടോ​ട്ട​മോ​ട​ണം. ജി​ല്ല​ക​ളി​ൽ മ​തി​യാ​യ എ​ണ്ണം പ​രീ​ക്ഷ കേ​ന്ദ്ര​ങ്ങ​ൾ ഒ​രു​ക്കാ​ൻ പ്ര​വേ​ശ​ന പ​രീ​ക്ഷാ ക​മീ​ഷ​ണ​റേ​റ്റി​ന്​ ക​ഴി​യാ​താ​യ​തോ​ടെ​യാ​ണ്​ വി​ദൂ​ര ജി​ല്ല​ക​ളി​ൽ​പോ​ലും പ​രീ​ക്ഷ​ക്കാ​യി പോ​കേ​ണ്ട സാ​ഹ​ച​ര്യം വ​ന്ന​ത്. കാ​സ​ർ​കോ​ട്​ ജി​ല്ല​യി​ലു​ള്ള ഒ​ട്ടേ​റെ വി​ദ്യാ​ർ​ഥി​ക​ൾ​ക്ക്​ കോ​ട്ട​യ​ത്തും എ​റ​ണാ​കു​ള​ത്തും തൃ​ശൂ​രി​ലു​മെ​ല്ലാ​മാ​ണ്​ പ​രീ​ക്ഷ കേ​ന്ദ്ര​ങ്ങ​ൾ അ​നു​വ​ദി​ച്ചി​രി​ക്കു​ന്ന​ത്.

മ​ല​പ്പു​റം ജി​ല്ല​യി​ൽ​നി​ന്നു​ള്ള നൂ​റു​ക​ണ​ക്കി​ന്​ വി​ദ്യാ​ർ​ഥി​ക​ൾ പ​രീ​ക്ഷ​ക്കാ​യി കോ​ട്ട​യം വ​രെ​യു​ള്ള ജി​ല്ല​ക​ളി​ലേ​ക്ക്​ വ​ണ്ടി ക​യ​റ​ണം. ജി​ല്ല​ക​ളി​ൽ അ​പേ​ക്ഷ​ക​ർ​ക്ക്​ അ​നു​സൃ​ത​മാ​യി ക​മ്പ്യൂ​ട്ട​ർ സൗ​ക​ര്യ​മു​ള്ള പ​രീ​ക്ഷ കേ​ന്ദ്രം ഒ​രു​ക്കു​ന്ന​തി​ലാ​ണ്​ വീ​ഴ്ച സം​ഭ​വി​ച്ച​ത്. കൂ​ടു​ത​ൽ വി​ദ്യാ​ർ​ഥി​ക​ൾ പ​രീ​ക്ഷ​യെ​ഴു​തു​ന്ന ജി​ല്ല​ക​ളി​ൽ ഒ​ന്നാ​യ മ​ല​പ്പു​റ​ത്ത്​ കേ​വ​ലം ഒ​മ്പ​ത്​ കേ​ന്ദ്ര​ങ്ങ​ളാ​ണ്​ ഒ​രു​ക്കി​യ​ത്. ഈ ​കേ​ന്ദ്ര​ങ്ങ​ളി​ൽ ആ​കെ ല​ഭ്യ​മാ​യ​ത്​ 1162 ക​മ്പ്യൂ​ട്ട​റു​ക​ളാ​ണ്. അ​ഞ്ചു ദി​വ​സ​മാ​യി ന​ട​ക്കു​ന്ന പ​രീ​ക്ഷ​ക്ക്​ 5810 പേ​ർ​ക്ക്​ മാ​ത്ര​മേ ജി​ല്ല​യി​ലെ കേ​ന്ദ്ര​ങ്ങ​ളി​ൽ ഹാ​ജ​രാ​കാ​നാ​കൂ. പ​തി​നാ​യി​ര​ത്തോ​ളം പേ​ർ അ​പേ​ക്ഷ സ​മ​ർ​പ്പി​ച്ച ജി​ല്ല​യി​ലെ പ​കു​തി​യോ​ളം അ​പേ​ക്ഷ​ക​ർ​ക്ക്​ ജി​ല്ല​ക്ക്​ പു​റ​ത്തു​പോ​യി പ​രീ​ക്ഷ​ക്ക്​ ഹാ​ജ​രാ​കേ​ണ്ട സാ​ഹ​ച​ര്യ​മാ​ണ്. പ​രീ​ക്ഷ​കേ​ന്ദ്ര​ങ്ങ​ളു​ടെ ല​ഭ്യ​ത​ക്കു​റ​വാ​ണ്​ വി​ദ്യാ​ർ​ഥി​ക​ളെ ഇ​ത​ര ജി​ല്ല​ക​ളി​ലേ​ക്ക്​ മാ​റ്റാ​ൻ കാ​ര​ണ​മെ​ന്നാ​ണ്​ പ്ര​വേ​ശ​ന പ​രീ​ക്ഷാ ക​മീ​ഷ​ണ​റേ​റ്റ്​ വി​ശ​ദീ​ക​രി​ക്കു​ന്ന​ത്. പ​രാ​തി വ്യാ​പ​ക​മാ​യ​തോ​ടെ പ്ര​ശ്ന​ത്തി​ൽ ഉ​ന്ന​ത​വി​ദ്യാ​ഭ്യാ​സ മ​ന്ത്രി​യു​ടെ ഓ​ഫി​സ്​ പ്ര​വേ​ശ​ന പ​രീ​ക്ഷാ ക​മീ​ഷ​ണ​റേ​റ്റി​നോ​ട്​ വി​ശ​ദീ​ക​ര​ണ റി​പ്പോ​ർ​ട്ട്​ തേ​ടി​യി​ട്ടു​ണ്ട്.

കാ​സ​ർ​കോ​ട്​ ജി​ല്ല​യി​ൽ മൂ​ന്ന്​ കേ​ന്ദ്ര​ങ്ങ​ളി​ലാ​യി 329 സീ​റ്റു​ക​ളാ​ണ്​ പ​രീ​ക്ഷ​ക്കാ​യി ല​ഭ്യ​മാ​യ​ത്. ക​ണ്ണൂ​രി​ൽ ഒ​മ്പ​ത്​ കേ​ന്ദ്ര​ങ്ങ​ളി​ൽ 1402ഉം ​കോ​ഴി​ക്കോ​ട്​ 12 കേ​ന്ദ്ര​ങ്ങ​ളി​ൽ 1259ഉം ​പാ​ല​ക്കാ​ട്​ ഒ​മ്പ​ത്​ കേ​ന്ദ്ര​ങ്ങ​ളി​ൽ 902 പേ​ർ​ക്കു​മാ​ണ്​ ഒ​രു ദി​വ​സം പ​രീ​ക്ഷ​ക്ക്​ ഹാ​ജ​രാ​കാ​നു​ള്ള സൗ​ക​ര്യ​മു​ള്ള​ത്. ​ജെ.​ഇ.​ഇ ഉ​ൾ​പ്പെ​ടെ ദേ​ശീ​യ മ​ത്സ​ര പ​രീ​ക്ഷ​ക്ക​ൾ​ക്ക്​ പോ​ലും സ്വ​ന്തം ജി​ല്ല​ക​ളി​ൽ പ​രീ​ക്ഷ എ​ഴു​താ​ൻ സൗ​ക​ര്യ​മൊ​രു​ക്കു​മ്പോ​ഴാ​ണ്​ സം​സ്ഥാ​ന പ്ര​വേ​ശ​ന പ​രീ​ക്ഷ​ക്കാ​യി വി​ദ്യാ​ർ​ഥി​ക​ൾ കേ​ര​ള​ത്തി​ലാ​കെ നെ​ട്ടോ​ട്ട​മോ​ടേ​ണ്ട സാ​ഹ​ച​ര്യ​മു​ള്ള​ത്.

ജൂ​ൺ അ​ഞ്ചു​ മു​ത​ൽ ഒ​മ്പ​തു​ വ​രെ ന​ട​ത്തു​ന്ന പ​രീ​ക്ഷ​ക്കാ​യി ദൂ​രെ​ജി​ല്ല​ക​ളി​ലേ​ക്ക്​ യാ​ത്ര ചെ​യ്യു​ന്ന​തി​ന്​ മ​ഴ​യും യാ​ത്രാ​സൗ​ക​ര്യ​വും പ​രീ​ക്ഷാ​ർ​ഥി​ക​ൾ​ക്ക്​ ക​ന​ത്ത വെ​ല്ലു​വി​ളി​യാ​യി മാ​റും. അ​പേ​ക്ഷ​ക​ർ​ക്ക​നു​സൃ​ത​മാ​യി പ​രീ​ക്ഷ​കേ​ന്ദ്ര​ങ്ങ​ളു​ടെ വി​ന്യാ​സം ന​ട​ത്തു​ന്ന​തി​ൽ വ​രു​ത്തി​യ വീ​ഴ്ച​യാ​ണ്​ ആ​യി​ര​ക്ക​ണ​ക്കി​ന്​ വി​ദ്യാ​ർ​ഥി​ക​ളെ​യും ര​ക്ഷാ​ക​ർ​ത്താ​ക്ക​ളെ​യും ആ​ശ​ങ്ക​യു​ടെ മു​ൾ​മു​ന​യി​ൽ നി​ർ​ത്തി​യി​രി​ക്കു​ന്ന​ത്.