വേങ്ങയിലിന്‍റെ ചെറുകഥകൾക്ക്​ ഇംഗ്ലീഷ്​ മൊഴിമാറ്റം

തി​രു​വ​ന​ന്ത​പു​രം: മ​ല​യാ​ള​ത്തി​ലെ ആ​ദ്യ ക​ഥാ​കാ​ര​ൻ കേ​സ​രി​യെ​ന്ന വേ​ങ്ങ​യി​ൽ കു​ഞ്ഞി​രാ​മ​ൻ നാ​യ​നാ​രു​ടെ ചെ​റു​ക​ഥ​ക​ൾ ഇം​ഗ്ലീ​ഷി​ലേ​ക്ക്. ‘ഷോ​ർ​ട്ട്​ ​സ്​​റ്റോ​റീ​സ്​ ഓ​ഫ് വേ​ങ്ങ​യി​ൽ കു​ഞ്ഞി​രാ​മ​ൻ നാ​യ​നാ​ർ’ എ​ന്ന പേ​രി​ൽ കെ.​എം. അ​ജീ​ർ​കു​ട്ടി മൊ​ഴി​മാ​റ്റം ന​ട​ത്തി​യ ക​ഥ​ക​ൾ കേ​ന്ദ്ര സാ​ഹി​ത്യ അ​ക്കാ​ദ​മി​യാ​ണ്​ പ്ര​സി​ദ്ധീ​ക​രി​ച്ചി​രി​ക്കു​ന്ന​ത്. സി.​പി. അ​ച്യു​ത​മേ​നോ​ൻ പ​ത്രാ​ധി​പ​രാ​യി​രു​ന്ന വി​ദ്യ​വി​നോ​ദി​നി മാ​സി​ക​യു​ടെ 1891 ഫെ​ബ്രു​വ​രി-​മാ​ർ​ച്ച്​ ല​ക്ക​ത്തി​ൽ പ്ര​സി​ദ്ധ​പ്പെ​ടു​ത്തി​യ നാ​യ​നാ​രു​ടെ വാ​സ​നാ​വി​കൃ​തി​യാ​ണ്​ മ​ല​യാ​ള​ത്തി​ലെ ആ​ദ്യ ല​ക്ഷ​ണ​മൊ​ത്ത ചെ​റു​ക​ഥ.

ഇ​തും മേ​നോ​ക്കി​യെ കൊ​ന്ന​താ​രാ​ണ്, ദ്വാ​ര​ക, എ​ന്‍റെ അ​നു​ഭ​വം, മ​ദി​രാ​ശി പി​ത്ത​ലാ​ട്ടം, ഒ​രു പൊ​ട്ട​ഭാ​ഗ്യം, പ​ര​മാ​ർ​ഥം, ക​ഥ​യൊ​ന്നു​മ​ല്ല, ഞാ​ൻ ആ​ദ്യം മ​ദി​രാ​ശി​ക്ക്​ പോ​യ​ത്​ എ​ന്നീ​ ക​ഥ​ക​ളു​മ​ട​ങ്ങി​യ​താ​ണ്​ സ​മാ​ഹാ​രം. 1861 ന​വം​ബ​ർ 14ന്​ ​ക​ണ്ണൂ​രി​ലെ കു​റ്റൂ​രി​ലാ​ണ്​ വേ​ങ്ങ​യി​ൽ കു​ഞ്ഞി​രാ​മ​ൻ നാ​യ​നാ​രു​ടെ ജ​ന​നം.

ജ​ന്മി​യാ​യി ജ​നി​ച്ചി​ട്ടും സാ​ധാ​ര​ണ​ക്കാ​ർ​ക്കാ​യി ജീ​വി​ക്കു​ക​യും എ​ഴു​തു​ക​യും ചെ​യ്തു. പ​ഴ​യ മ​ദി​രാ​ശി അ​സം​ബ്ലി​യി​ൽ അം​ഗ​മാ​യി​രു​ന്ന നാ​യ​നാ​രു​ടെ അ​ന്ത്യം അ​സം​ബ്ലി​യി​ൽ​വെ​ച്ചാ​യി​രു​ന്നു. 1892ൽ ​എ​ഴു​ത​പ്പെ​ട്ട ‘മേ​നോ​ക്കി​യെ കൊ​ന്ന​താ​ര്’ എ​ന്ന ക​ഥ​യാ​ണ് മ​ല​യാ​ള​ത്തി​ലെ ആ​ദ്യ അ​പ​സ​ർ​പ്പ​ക ക​ഥ​യാ​യി പ​രി​ഗ​ണി​ക്കു​ന്ന​ത്.

മൂ​ന്ന്​ മാ​സ​മെ​ടു​ത്താ​ണ്​ പ​രി​ഭാ​ഷ പൂ​ർ​ത്തി​യാ​ക്കി​യ​ത്. ഇം​ഗ്ലീ​ഷി​ലും മ​ല​യാ​ള​ത്തി​ലും 25 ​​ലേ​റെ കൃ​തി​ക​ളു​ടെ ക​ർ​ത്താ​വാ​യ അ​ജീ​ർ​കു​ട്ടി ഇ​ട​വ സ്വ​ദേ​ശി​യാ​ണ്. എം.​ജി സ​ർ​വ​ക​ലാ​ശാ​ല​യി​ൽ ഉ​ദ്യോ​ഗ​സ്ഥ​നാ​യി​രു​ന്നു.

കു​മാ​ര​നാ​ശാ​ൻ, വൈ​ക്കം മു​ഹ​മ്മ​ദ്​ ബ​ഷീ​ർ തു​ട​ങ്ങി അ​നേ​കം പേ​രു​ടെ ക​ഥ​ക​ൾ ഇം​ഗ്ലീ​ഷി​​ലേ​ക്ക്​ മൊ​ഴി​മാ​റ്റി​യി​ട്ടു​ണ്ട്. കേ​ര​ള ഭാ​ഷാ ഇ​ൻ​സ്റ്റി​റ്റ്യൂ​ട്ടി​ന്‍റെ വി​വ​ർ​ത്ത​ന​ത്തി​നു​ള്ള എം.​പി കു​മാ​ര​ൻ സ്മാ​ര​ക പു​ര​സ്കാ​രം, ജീ​ബാ​ന​ന്ദ​ദാ​സ്​ പു​ര​സ്കാ​രം എ​ന്നി​വ നേ​ടി​യി​ട്ടു​ണ്ട്.