പാറ്റൂരിലെ ഗുണ്ടാ ആക്രമണം: രണ്ടുപേർ അറസ്റ്റിൽ

തി​രു​വ​ന​ന്ത​പു​രം: പാ​റ്റൂ​രി​ൽ കാ​ർ അ​ടി​ച്ചു​ത​ക​ർ​ത്ത് നാ​ലു​പേ​രെ വെ​ട്ടി​പ്പ​രി​ക്കേ​ൽ​പി​ച്ച കേ​സി​ൽ ഗു​ണ്ടാ​സം​ഘ​ത്തി​ലെ ര​ണ്ട് പ്ര​തി​ക​ളെ പേ​ട്ട പൊ​ലീ​സ് അ​റ​സ്റ്റ് ചെ​യ്തു. കു​പ്ര​സി​ദ്ധ ഗു​ണ്ട ഓം​പ്ര​കാ​ശി​ന്റെ ഡ്രൈ​വ​ർ ഇ​ബ്രാ​ഹിം, സ​ഹാ​യി സ​ൽ​മാ​ൻ എ​ന്നി​വ​രെ​യാ​ണ് പേ​ട്ട സി.​ഐ റി​യാ​സ് രാ​ജ​യു​ടെ നേ​തൃ​ത്വ​ത്തി​ൽ ബം​ഗ​ളൂ​രു​വി​ലെ ഒ​ളി​ത്താ​വ​ള​ത്തി​ൽ​നി​ന്ന് പി​ടി​കൂ​ടി​യ​ത്.

കേ​സി​ലെ പ്ര​ധാ​ന പ്ര​തി ഓം​പ്ര​കാ​ശ് ഉ​ൾ​പ്പെ​ടെ മ​റ്റ് ആ​റ് പ്ര​തി​ക​ൾ ഒ​ളി​വി​ലാ​ണ്. ഇ​വ​ർ​ക്കാ​യി ബം​ഗ​ളൂ​രു ഉ​ൾ​പ്പെ​ടെ സ്ഥ​ല​ങ്ങ​ളി​ൽ പൊ​ലീ​സ് തി​ര​ച്ചി​ൽ ശ​ക്ത​മാ​ക്കി. ബം​ഗ​ളൂ​രു​വി​ൽ​നി​ന്ന് പി​ടി​യി​ലാ​യ ഇ​വ​രെ ത​ല​സ്ഥാ​ന​ത്തെ​ത്തി​ച്ച​ശേ​ഷം അ​റ​സ്റ്റും തെ​ളി​വെ​ടു​പ്പും ഉ​ൾ​പ്പെ​ടെ ന​ട​പ​ടി​ക​ളി​ലേ​ക്ക് ക​ട​ക്കും.

പ​ര​സ്പ​രം പ​ക​തീ​ർ​ക്കാ​ൻ ന​ഗ​ര​ത്തി​ൽ ക​റ​ങ്ങി​ന​ട​ന്ന ഗു​ണ്ട​സം​ഘ​ങ്ങ​ള്‍ ഏ​റ്റു​മു​ട്ടു​ക​യാ​യി​രു​ന്നു. ത​ല​സ്ഥാ​ന​ത്തെ അ​റി​യ​പ്പെ​ടു​ന്ന ഗു​ണ്ടാ​നേ​താ​വാ​യ ഓം​പ്ര​കാ​ശ് സ​മീ​പ​കാ​ല​ത്ത് അ​ക്ര​മ സം​ഭ​വ​ങ്ങ​ളി​ലൊ​ന്നും സ​ജീ​വ​മാ​യി​രു​ന്നി​ല്ല. അ​പ്രാ​ണി കൃ​ഷ്ണ​കു​മാ​ർ വ​ധ​ക്കേ​സി​ലെ ജ​യി​ൽ ശി​ക്ഷ​ക്ക് ശേ​ഷം ഓം​പ്ര​കാ​ശ് നേ​രി​ട്ടൊ​രു അ​ക്ര​മ​ത്തി​നി​റ​ങ്ങി​യി​രു​ന്നി​ല്ല.

എ​ന്നാ​ൽ ക​ഴി​ഞ്ഞ​ദി​വ​സം പാ​റ്റൂ​രി​ൽ പൂ​ത്തി​രി ക​ൺ​സ്ട്ര​ക്ഷ​ൻ ഉ​ട​മ നി​ഥി​നെ ഓം​പ്ര​കാ​ശ് അ​ട​ക്കം എ​ട്ടു​പേ​ർ ചേ​ർ​ന്ന് ആ​ക്ര​മി​ച്ചെ​ന്നാ​ണ് കേ​സ്. നി​ഥി​നും ഗു​ണ്ടാ​സം​ഘ​ത്ത​ല​വ​നാ​ണ്. ഓം​പ്ര​കാ​ശും നി​ധി​നും ത​മ്മി​ലു​ള്ള സാ​മ്പ​ത്തി​ക​ത​ർ​ക്ക​മാ​ണ് അ​ക്ര​മ​ത്തി​ലെ​ത്തി​യ​തെ​ന്നാ​ണ് പൊ​ലീ​സ് പ​റ​യു​ന്ന​ത്.

ഓം​പ്ര​കാ​ശി​നൊ​പ്പ​മു​ള്ള ആ​രി​ഫി​ന്‍റെ പീ​പ്പി​ൾ​സ് ന​ഗ​റി​ലെ വീ​ട്ടി​ൽ ക​യ​റി നി​ഥി​നും സം​ഘ​വും ഭീ​ഷ​ണി​പ്പെ​ടു​ത്തി​യി​രു​ന്നു. ഇ​തി​ന്റെ പ്ര​തി​കാ​ര​മാ​യി​രു​ന്നു പാ​റ്റൂ​രി​ലെ ആ​ക്ര​മ​ണ​മ​ത്രേ. നി​ഥി​നെ​യും സം​ഘ​ത്തെ​യും വെ​ട്ടി​യ​ശേ​ഷം അ​ക്ര​മി​സം​ഘം ര​ക്ഷ​പ്പെ​ടു​ക​യാ​യി​രു​ന്നു. ര​ണ്ട്​ വാ​ഹ​ന​ങ്ങ​ളി​ലാ​യി അ​ക്ര​മി​സം​ഘം ക​റ​ങ്ങു​ന്ന​താ​യി പൊ​ലീ​സി​ന് വി​വ​ര​മു​ണ്ട്. ഓം​പ്ര​കാ​ശ് സ്വ​ന്തം പേ​രി​ലു​ള്ള സിം​കാ‍ർ​ഡ് ഉ​പ​യോ​ഗി​ക്കാ​ത്ത​ത് പൊ​ലീ​സി​നെ വ​ല​ക്കു​ന്നു​ണ്ട്.