ജനറൽ ആശുപത്രി കോവിഡിന്​ മാത്രം; ഇതര ചികിത്സക്കായി അലഞ്ഞ്​ രോഗികൾ

തിരുവനന്തപുരം: ദിവസവും 2000ത്തിലേറെ പേർ ആശ്രയിച്ചിരുന്ന ജനറൽ ആശുപ​ത്രി കോവിഡ്​ ചികിത്സാലയമാക്കി​യതോടെ അടിയന്തര ചികിത്സവേണ്ട നൂറുകണക്കിന്​ രോഗികൾ ദുരിതത്തിൽ. ​ഗൈന​േക്കാളജിയൊഴി​കെ ഒട്ടുമിക്ക സ്പെഷാലിറ്റികളുമുള്ള തലസ്​ഥാനത്തെ പ്രധാന ചികിത്സ കേന്ദ്രമാണ്​​ ജനറൽ ആശുപത്രി. സ്വകാര്യ ആശുപത്രികളെ ആശ്രയിക്കാൻ സാധ്യമാവാത്ത സാധാരണക്കാരാണ്​ ഇവിടെയെത്തിയിരുന്നത്​.

കോവിഡ്​ ഒന്നാംതരംഗം രൂക്ഷമായതിനെ തുടർന്ന്​ 2020 ആഗസ്​റ്റിലാണ്​ എല്ലാ സ്​​െപഷാലിറ്റികളും നിർത്തിവെച്ച്​ ജനറൽ ആശുപത്രിയെ പൂർണമായും കോവിഡ്​ ചികിത്സ കേന്ദ്രമാക്കിയത്​. അത്യാഹിതവിഭാഗവും അടച്ചു. ഒന്നാംതരംഗം ശക്തി കുറഞ്ഞതിനെതുടർന്ന്​ നേരിയ തോതിൽ കോവിഡേതര ചികിത്സ തുടങ്ങിയെങ്കിലും പൂർണാർഥത്തിൽ പ്രവർത്തനക്ഷമമാകും മു​േമ്പ രണ്ടാംതരംഗം പിടിമുറക്കി. ഇതോടെ മറ്റ്​ ചികിത്സകളെല്ലാം നിർത്തിവെച്ച്​ പഴയപടി വീണ്ടും കോവിഡ്​ ആശുപത്രിയാക്കി. ഇതോടെ അടിയന്തര ശസ്​ത്രക്രിയയടക്കം നടത്തേണ്ട നിർധനരായ നിരവധി രോഗികൾ വെട്ടിലായി. സ്വകാര്യ ആശുപത്രികളുടെ നിരക്ക്​ താങ്ങാനാകാത്തതിനാൽ ശസ്​ത്രക്രിയ നീട്ടിവെച്ച്​ ആധി​േയാടെ ദിവസങ്ങൾ തള്ളിനീക്കുകയാണ്​ നിരവധിപേർ.

കോവിഡ്​ രോഗികളുടെ എണ്ണം കുറഞ്ഞിട്ടും കോവി​േഡതര ചികിത്സ ആരംഭിക്കാനുള്ള നടപടികളൊന്നും ഇതുവരെയും തുടങ്ങിയിട്ടില്ല. ​െമഡിക്കൽ കോളജ്​ ആശുപത്രിയിൽ ഭാഗികമായാണ്​ കോവിഡേതര ചികിത്സയുള്ളത്​. പേരൂർക്കട ജില്ല ആശുപ​ത്രി, ഫോർട്ട്​ താലൂക്കാ​ശുപത്രി എന്നിവിടങ്ങളിലാണ്​ മറ്റ്​ ചികിത്സകൾ ലഭ്യമാക്കിയിട്ടുള്ളത്​. ജനറൽ ആശുപത്രിയുമായി താരതമ്യം ചെയ്യു​േമ്പാൾ കുറഞ്ഞ സൗകര്യങ്ങളാണ്​ ഇവിടങ്ങളിലുള്ളത്​. ഇതാണ്​ സാധാരണക്കാരെ ഏറെ പ്രതിസന്ധിയിലാക്കുന്നതും.

മികച്ച സൗകര്യങ്ങളുള്ള ഇവിടെ ചികിത്സ ലഭ്യമാവേണ്ട നൂറുകണക്കിന്​ രോഗികൾ ദുരിതത്തിൽ

കാർഡിയോളജി, യൂറോളജി, ന്യൂറോളജി, നെ​േ​ഫ്രാളജി, ഇൻ.എൻ.ടി, സൈക്യാട്രി, തുടങ്ങി വിദഗ്​ദ ചികിത്സ സൗകര്യങ്ങളെല്ലാമുള്ള ആശുപ​ത്രിയാണ്​ ജനറൽ ആശുപത്രി. കാത്ത്​ ലാബ്​, ഒാപറേഷൻ തിയറ്റർ, സ്​​േട്രാക്​ യൂനിറ്റ്​ എന്നിവ ഉൾപ്പെടുന്ന സർജിക്കൽ കോംപ്ലക്​സ്​ മാസങ്ങളായി അടഞ്ഞുകിടക്കുകയാണ്​. കോടികൾ വിലവരുന്ന ഉപകരണങ്ങളാണ്​ ഇവിടെ വെറുതെ കിടക്കുന്നത്​.

ഒാപറേഷൻ തിയറ്ററിൽ ഒരു കോട​ിയോളം രൂപ വിലവരുന്ന ഗാസ്​​േ​ട്രാ എൻഡോസ്​കോപ്പി ഉപകരണങ്ങൾ ​ഉപയോഗിക്കാതെ നിശ്ചലമാണ്​. അർബുദ ബാധ കണ്ടെത്തുന്നതിന്​ ഉപയോഗിച്ചിരുന്ന ഇവ ഒന്നര വർഷമായി പ്രവർത്തിക്കുന്നില്ല. കോടികൾ വിലവരുന്ന യൂറോളജി, ലാപ്രോസ്​കോപ്പിക്​ ഉപകരണങ്ങളുടെയും സ്​ഥിതി വ്യത്യസ്​തമല്ല. ലക്ഷങ്ങൾ വിലവരുന്ന സ്​ട്രോക് യൂനിറ്റിലെ ഉപകരണങ്ങളും ഉപയോഗിക്കാതായിട്ട്​ മാസങ്ങളായി.

രക്​തം കട്ടപിടിക്കുന്നതും തടയുകയും അലിയിപ്പിക്കുകയും ചെയ്യുന്ന മരുന്നുകൾ ഉപയോഗിക്കാനാകാത്തിനെ തുടർന്ന്​ കാലവധി കഴിഞ്ഞ നിലയിലാണ്​. കൂടിയ വിലയുള്ളവയാണിവ. അനസ്​തേഷ്യയുമായി ബന്ധപ്പെട്ട ഉപകരണങ്ങളും മറ്റ്​ സർജിക്കൽ ഉപകരണങ്ങളും അണുനശീകരണത്തിനുള്ള ഉപകരണങ്ങളും ഉപയോഗിക്കാതിരുന്നാൽ കേടുപാടുണ്ടാകുന്നവയാണ്​. ഒാപറേഷൻ തിയറ്റർ അടഞ്ഞുകിടക്കുന്നതിനാൽ ഇവിടത്തെ ശീതികരണ സംവിധാനവും തകരാറിലാണ്​.

എന്ന്​ തുടങ്ങും കോവിഡേതര ചികിത്സ

മറ്റെങ്ങും പോകാൻ നിവർത്തിയില്ലാതെ നിരവധി രോഗികളാണ്​ ആഞ്ചിയോപ്ലാസ്​റ്റിക്കായി കാത്തിരിക്കുന്നത്​. ഹൃ​േ​ദ്രാഗികൾ, വൃക്കരോഗികൾ, യൂറിൻ ബാഗുമായി ദുരിതത്തിൽ കഴിയുന്ന വൃദ്ധർ എന്നിങ്ങനെ പ്രയാസത്തിൽ കഴിയുന്ന നൂറ്​ കണക്കിനാളുകളുണ്ട്​. ഇത്തരം ശസ്​ത്രക്രിയകൾക്കൊന്നും പേരൂർക്കട ആശുപത്രിയിലോ ഫോർട്ടിലോ മതിയായ സംവിധാനങ്ങളില്ല. നിരവധി പേർ പ്രയാസമനുഭവിക്കു​േമ്പാഴും അധികൃതർ കണ്ണടയ്​ക്കുകയാണെന്ന ആക്ഷേപവും ശക്​തമാണ്​. സർജിക്കൽ ​േകാംപ്ലക്​സ്​ എത്രയും വേഗം തുറക്കണമെന്നും സാധ്യമാകുംവേഗത്തിൽ ചികിത്സ പുനരാരംഭിക്കണമെന്നുമാണ്​ ആവശ്യം.

ഒാപറേഷൻ തിയറ്റർ അടച്ചതോടെ ശസ്​ത്രക്രിയക്കായി കാത്തിരുന്ന രോഗികളെ വീടുകളിലേക്കയച്ചിരുന്നു. എന്ന്​ ശസ്​ത്രക്രിയ നടക്കുമെന്നറിയാൻ ഡോക്​ടർമാരെ വിളിക്കുകയാണ്​. എന്ത്​ പറയണമെന്നറിയാതെ ഡോക്​ടർമാരും നിസ്സഹായരാണ്​. ജനറൽ ആശുപത്രിയും മെഡിക്കൽ കോളജുമാണ്​ ഇവർക്ക്​ ആശ്രയിക്കാനാകുന്നത്​. നിലവിൽ തെരുവിൽ അനാഥരായി അലഞ്ഞ്​ തിരിയുന്നവരെയും മറ്റ്​ പാർപ്പിക്കുന്ന ഒമ്പതാം വാർഡും ഡയലിസിസ്​ യൂനിറ്റുമാണ്​ ജനറൽ ആശുപത്രികയിൽ കോവി​േഡതര വിഭാഗമെന്ന നിലയിൽ ഭാഗികമായി പ്രവർത്തിക്കുന്നത്​.

കോവിഡാനന്തര ചികിത്സ ആരംഭിച്ച്​ ക്രമേണ കൂടുതൽ കോവിഡേതര ചികിത്സയിലേക്ക്​ മാറാനാണ്​ അധികൃതരുടെ തീരുമാനമെന്നാണ്​ വിവരം. അറ്റകുറ്റപ്പണികളും മറ്റ്​ തകരാറുകളും പരിഹരിച്ച്​ ഒാപറേഷൻ തിയറ്ററടക്കം പ്രവർത്തന സജ്ജമാക്കുന്നതിന്​ രണ്ടാഴ്​ചയിലേറെ സമയം ​വേണ്ടി വരും.