ഹ​രി​ത ക​ർ​മ​സേ​ന​ക്ക് കോ​ർ​പ​റേ​ഷ​ന്‍റെ ആ​പ്പ്; അ​ജൈ​വ മാ​ലി​ന്യ സം​സ്ക​ര​ണം സ്വ​കാ​ര്യ ക​മ്പ​നി​ക്ക് ന​ൽ​കാ​ൻ നീ​ക്കം

തി​രു​വ​ന​ന്ത​പു​രം: ഹ​രി​ത​ക​ർ​മ സേ​ന​യെ ഒ​തു​ക്കി ന​ഗ​ര​ത്തി​ലെ അ​ജൈ​വ മാ​ലി​ന്യ സം​സ്ക​ര​ണം സ്വ​കാ​ര്യ ക​മ്പ​നി​ക്ക് ന​ൽ​കാ​ൻ കോ​ർ​പ​റേ​ഷ​ൻ നീ​ക്കം. ഇ​തു​സം​ബ​ന്ധി​ച്ച് ഭ​ര​ണ​സ​മി​തി കൊ​ണ്ടു​വ​ന്ന അ​ജ​ണ്ട പ്ര​തി​പ​ക്ഷ​ത്തി​ന്‍റെ അ​ഴി​മ​തി ആ​രോ​പ​ണ​ത്തെ തു​ട​ർ​ന്ന് പാ​സാ​ക്കാ​തെ മാ​റ്റി​വെ​ച്ചു.

ആ​രോ​ഗ്യ​കാ​ര്യ സ്​​ഥി​രം സ​മി​തി​യു​ടെ എ​ട്ടാം അ​ജ​ണ്ട​യാ​യാ​ണ്​ വി​ഷ​യം കൗ​ൺ​സി​ൽ മു​മ്പാ​കെ എ​ത്തി​യ​ത്. ന​ഗ​ര​ത്തി​ൽ അ​ജൈ​വ മാ​ലി​ന്യ​ങ്ങ​ൾ ക്ര​മാ​തീ​ത​മാ​യി വ​ർ​ധി​ക്കു​ന്ന​തി​ന​നു​സ​രി​ച്ച് മാ​ലി​ന്യം നീ​ക്കം ചെ​യ്യു​ന്ന പ്ര​വൃ​ത്തി ഊ​ർ​ജി​ത​മാ​യി ന​ട​ക്കു​ന്നി​ല്ലെ​ന്ന വി​മ​ർ​ശ​ന​മാ​ണ് ഭ​ര​ണ​സ​മി​തി ഉ​ന്ന​യി​ച്ച​ത്.

നി​ല​വി​ൽ കോ​ർ​പ​റേ​ഷ​ന്‍റെ 100 വാ​ർ​ഡു​ക​ളി​ലും അ​ജൈ​വ മാ​ലി​ന്യ​വും ശേ​ഖ​രി​ക്കു​ന്ന​ത് കു​ടും​ബ​ശ്രീ​യു​ടെ നേ​തൃ​ത്വ​ത്തി​ൽ പ്ര​വ​ർ​ത്തി​ക്കു​ന്ന ഹ​രി​ത ക​ർ​മ​സേ​ന​യാ​ണ്. കൃ​ത്യ​മാ​യി ഇ​ട​വേ​ള​ക​ളി​ല്‍ വീ​ടു​ക​ളി​ല്‍നി​ന്നും സ്ഥാ​പ​ന​ങ്ങ​ളി​ല്‍നി​ന്നും പ്ലാ​സ്റ്റി​ക് മാ​ലി​ന്യ​ങ്ങ​ള്‍ ശേ​ഖ​രി​ച്ച് പ​രി​സ്ഥി​തി സൗ​ഹൃ​ദ രീ​തി​യി​ല്‍ സം​സ്‌​ക​രി​ക്കു​ക​യാ​ണ് ഇ​വ​രു​ടെ ചു​മ​ത​ല. അ​ജൈ​വ മാ​ലി​ന്യം ഹ​രി​ത​ക​ര്‍മ സേ​ന ഗ്രീ​ൻ കേ​ര​ള ക​മ്പ​നി​ക്കാ​ണ് കൈ​മാ​റു​ന്ന​ത്.

യൂ​സ​ര്‍ ഫീ ​ഇ​ന​ത്തി​ല്‍ മാ​സം തോ​റും ന​ല്‍കു​ന്ന തു​ക​യാ​ണ് വ​രു​മാ​നം, യൂ​സ​ർ ഫീ ​ന​ൽ​കി​യി​ല്ലെ​ങ്കി​ൽ വ​സ്തു നി​കു​തി കു​ടി​ശി​ക​യാ​യി ക​ണ​ക്കാ​ക്കാ​നാ​ണ് ത​ദ്ദേ​ശ​വ​കു​പ്പി​ന്‍റെ ഉ​ത്ത​ര​വ്. ഇ​ത്ത​ര​മൊ​രു സാ​ഹ​ച​ര്യ​ത്തി​ൽ ടെ​ണ്ട​ർ ന​ട​പ​ടി​ക​ൾ മ​റി​ക​ട​ന്ന് സ്വ​കാ​ര്യ ക​മ്പ​നി​യെ ഏ​ൽ​പി​ക്കു​ന്ന​തി​ന് പി​ന്നി​ലെ അ​ജ​ണ്ട​യാ​യി​രു​ന്നു ബി.​ജെ.​പി ചോ​ദ്യം ചെ​യ്ത​ത്.

കൂ​ടാ​തെ മാ​ലി​ന്യ സം​സ്ക​ര​ണ​ത്തി​നാ​യി കോ​ർ​പ​റേ​ഷ​ൻ ക​ണ്ടെ​ത്തി​യ സ​ൺ ഏ​ജ് എ​ക്കോ സി​സ്റ്റം എ​ന്ന ക​മ്പ​നി ത​ട്ടി​ക്കൂ​ട്ട് സ്ഥാ​പ​ന​മാ​ണെ​ന്നും യാ​തൊ​രു സാ​ങ്കേ​തി​ക പ​രി​ശോ​ധ​ന​യും ഇ​ക്കാ​ര്യ​ത്തി​ൽ ഭ​ര​ണ​സ​മി​തി ന​ട​ത്തി​യി​ട്ടി​ല്ലെ​ന്നും ബി.​ജെ.​പി ആ​രോ​പി​ച്ചു.

2021 ജൂ​ലൈ അ​ഞ്ചി​നാ​ണ് സ്വ​കാ​ര്യ ഏ​ജ​ൻ​സി​ക​ളി​ൽ​നി​ന്ന് അ​ജൈ​വ മാ​ലി​ന്യ സം​സ്ക​ര​ണ​ത്തി​ന് കോ​ർ​പ​റേ​ഷ​ൻ താ​ൽ​പ​ര്യ​പ​ത്രം ക്ഷ​ണി​ച്ച​ത്. മൂ​ന്ന് ക​മ്പ​നി​ക​ൾ പ​ങ്കെ​ടു​ത്തെ​ങ്കി​ലും ഇ​തി​ലൊ​രു ക​മ്പ​നി​ക്ക് സം​സ്ക​ര​ണ പ്ലാ​ന്‍റ് ഇ​ല്ലാ​ത്ത​തി​നാ​ലും മ​റ്റൊ​രു ക​മ്പ​നി​യെ താ​ൽ​പ​ര്യ​പ​ത്ര​ത്തി​ൽ ക​പ്പാ​സി​റ്റി രേ​ഖ​പ്പെ​ടു​ത്ത​തി​നെ​തു​ട​ർ​ന്നും പു​റ​ത്താ​ക്കി.

തു​ട​ർ​ന്നാ​ണ് 30 ട​ൺ ജൈ​വ മാ​ലി​ന്യ​വും 10 ട​ൺ പ്ലാ​സ്റ്റി​ക്കും സം​സ്ക​രി​ക്കാ​ൻ ക​ഴി​വു​ള്ള സ​ൺ ഏ​ജ് എ​ക്കോ സി​സ്റ്റ​ത്തെ തെ​ര​ഞ്ഞെ​ടു​ത്ത​ത്. കൃ​ത്യ​മാ​യ പ​രി​ശോ​ധ​ന​യി​ല്ലാ​തെ​യാ​ണ് ഭ​ര​ണ​സ​മി​തി സ്വാ​ധീ​ന​ത്തി​ലാ​ണ് ക​മ്പ​നി​ക്ക്​ ക​രാ​ർ ന​ൽ​കി​യെ​ന്ന് ബി.​ജെ.​പി കൗ​ൺ​സി​ല​ർ തി​രു​മ​ല അ​നി​ൽ ആ​രോ​പി​ച്ചു.

100 വാ​ർ​ഡു​ക​ളു​ള്ള​തി​നാ​ൽ ഗ്രീ​ൻ കേ​ര​ള ക​മ്പ​നി​യെ​ക്കൊ​ണ്ട് മാ​ത്രം മാ​ലി​ന്യ സം​സ്ക​ര​ണം ന​ട​ക്കി​ല്ലെ​ന്നും അ​തി​നാ​ലാ​ണ് മ​റ്റൊ​രു ഏ​ജ​ൻ​സി​യെ കൂ​ടി സ​മീ​പി​ച്ച​തെ​ന്നാ​ണ് ഭ​ര​ണ​പ​ക്ഷ​ത്തി​ന്‍റെ വാ​ദം. എ​ങ്കി​ലും ആ​രോ​പ​ണ​ങ്ങ​ളു​ടെ അ​ടി​സ്ഥാ​ന​ത്തി​ൽ ടെ​ണ്ട​റി​ൽ കൂ​ടു​ത​ൽ പ​രി​ശോ​ധ​ന ന​ട​ത്താ​ൻ ഭ​ര​ണ​സ​മി​തി തീ​രു​മാ​നി​ക്കു​ക​യാ​യി​രു​ന്നു.