കെ.എസ്.ആർ.ടി.സി ബസ്​ എറിഞ്ഞുതകർത്തയാൾ പിടിയിൽ

ക​ല്ല​മ്പ​ലം: കെ.​എ​സ്.​ആ​ർ.​ടി.​സി ബ​സി​നു​നേ​രെ കല്ലേറ്​ ന​ട​ത്തി​യ​യാ​ൾ പി​ടി​യി​ൽ. ബു​ധ​നാ​ഴ്ച ഉ​ച്ച​ക്ക്​ ര​ണ്ടോ​ടെ ക​ല്ല​മ്പ​ലം ജ​ങ്​​ഷ​ന് സ​മീ​പ​മാ​യി​രു​ന്നു സം​ഭ​വം. ക​ല്ലേ​റി​ൽ വേ​ണാ​ട് ബ​സി​ന്‍റെ മു​ൻ വ​ശ​ത്തെ ചി​ല്ല് ത​ക​ർ​ന്നു. മു​പ്പ​തി​നാ​യി​ര​ത്തോ​ളം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്ന​താ​യി ജീ​വ​ന​ക്കാ​ർ പ​റ​ഞ്ഞു.

നാ​വാ​യി​ക്കു​ളം വെ​ട്ടി​യ​റ​യി​ൽ വാ​ട​ക​ക്ക്​ താ​മ​സി​ക്കു​ന്ന നെ​ടു​മ​ങ്ങാ​ട് സ്വ​ദേ​ശി രാ​ഹു​ലാ​ണ്​ അ​റ​സ്റ്റി​ലാ​യ​ത്. ചാ​ത്ത​ന്നൂ​ർ ഡി​പ്പോ​യി​ലെ ബ​സി​നു​നേ​രെ​യാ​ണ് ആ​ക്ര​മ​ണം. ക​രു​നാ​ഗ​പ്പ​ള്ളി​യി​ൽ​നി​ന്ന് ക​ല്ല​മ്പ​ല​ത്ത് എ​ത്തി​യ ശേ​ഷം ജീ​വ​ന​ക്കാ​ർ ആ​ഹാ​രം ക​ഴി​ക്കു​ന്ന​തി​നി​ട​യി​ൽ പ്ര​തി ബ​സ്​ എ​പ്പോ​ൾ പോ​കു​മെ​ന്ന് ചോ​ദി​ച്ചു.

ആ​ഹാ​രം ക​ഴി​ച്ച​ശേ​ഷം പോ​കു​മെ​ന്ന് ജീ​വ​ന​ക്കാ​ർ അ​റി​യി​ച്ചു. തു​ട​ർ​ന്ന്​ പ്ര​കോ​പി​ത​നാ​യ ഇ​യാ​ൾ അ​സ​ഭ്യം പ​റ​യു​ക​യും സ​മീ​പ​ത്ത് കി​ട​ന്ന ക​ല്ലെ​ടു​ത്ത് മു​ൻ​വ​ശ​ത്തെ ഗ്ലാ​സി​നു​നേ​രെ എ​റി​യു​ക​യു​മാ​യി​രു​ന്നു. തു​ട​ർ​ന്ന് സ്ഥ​ല​ത്തു​നി​ന്ന് ക​ട​ന്ന പ്ര​തി​യെ സ​മീ​പ​ത്തെ ബാ​റി​നു​ള്ളി​ൽ​നി​ന്ന് പൊ​ലീ​സ് പി​ടി​കൂ​ടു​ക​യാ​യി​രു​ന്നു. ഇ​യാ​ൾ മു​മ്പും സ​മാ​ന കേ​സി​ൽ പ്ര​തി​യാ​ണെ​ന്ന്​ പൊ​ലീ​സ് പ​റ​ഞ്ഞു.