മലയോരമേഖലയില്‍ പനിപടരുന്നു; മരുന്നും പരിശോധന സംവിധാനവുമില്ലാതെ കുറ്റിച്ചൽ കുടുംബാരോഗ്യ കേന്ദ്രം

കാ​ട്ടാ​ക്ക​ട: മ​ല​യോ​ര​മേ​ഖ​ല​യി​ല്‍ പ​നി​പ​ട​ര്‍ന്നു പി​ടി​ക്കു​മ്പോൾ പാ​ര​സെ​റ്റ​മോ​ൾ കു​ത്തി​വെ​പ്പി​ന് പോ​ലും മ​രു​ന്നും, അ​ത്യാ​വ​ശ്യ പ​രി​ശോ​ധ​ന​ക്ക്​ ല​ബോ​റ​ട്ട​റി​യി​ൽ സം​വി​ധാ​ന​വു​മി​ല്ലാ​തെ കു​റ്റി​ച്ച​ല്‍ പ​ഞ്ചാ​യ​ത്തി​ലെ ആ​തു​രാ​ല​യം. അ​ഗ​സ്ത്യ​വ​ന​ത്തി​ലെ 27 ആ​ദി​വാ​സി ഊ​രി​ലു​ള്ള​വ​ർ​ക്കും മ​ല​യോ​ര​മേ​ഖ​ല​യി​ലെ ജ​ന​ങ്ങ​ൾ​ക്കും സൗ​ജ​ന്യ​ചി​കി​ത്സ ന​ൽ​കേ​ണ്ട കു​റ്റി​ച്ച​ൽ കു​ടും​ബാ​രോ​ഗ്യ കേ​ന്ദ്ര​ത്തി​നാ​ണ് ഈ ​ദു​ര്‍ഗ​തി. ദി​നം​പ്ര​തി മു​ന്നൂ​റി​ലേ​റെ പേ​ര്‍ ചി​കി​ത്സ തേ​ടി എ​ത്തു​ന്നു.

ഏ​റെ​യും ആ​ദി​വാ​സി വി​ഭാ​ഗ​ത്തി​ലു​ള്ള​വ​രാ​ണ്. വ​ന​ത്തി​നു​ള്ളി​ലെ 22 കി​ലോ​മീ​റ്റ​ർ അ​ക​ലെ​യു​ള്ള ഊ​രു​ക​ളി​ൽ നി​ന്നു​പോ​ലും ആ​ദി​വാ​സി​ക​ൾ ഇ​വി​ടെ ചി​കി​ത്സ​ക്കെ​ത്തു​ന്നു. ര​ണ്ട് സ്ഥി​രം ഡോ​ക്ട​ർ​മാ​രും, എ​ൻ.​എ​ച്ച്.​എം. വ​ഴി​യു​ള്ള ര​ണ്ട് ഡോ​ക്ട​ർ​മാ​രു​മു​ണ്ട്. സ്ഥി​രം മെ​ഡി​ക്ക​ല്‍ ഓ​ഫി​സ​റു​ടെ ഒ​ഴു​വു​ണ്ടാ​യി​ട്ട് ഏ​റെ നാ​ളാ​യി. ആ​വ​ശ്യ​ത്തി​ന് ന​ഴ്സി​നെ പോ​ലും നി​യ​മി​ച്ചി​ട്ടി​ല്ല. രാ​ത്രി ഏ​ഴു​വ​രെ മാ​ത്ര​മാ​ണ് ഡോ​ക്ട​റു​ടെ സേ​വ​നം ല​ഭി​ക്കു​ക.

അ​ത് ക​ഴി​ഞ്ഞാ​ൽ അ​ത്യാ​വ​ശ്യ ചി​കി​ത്സ കി​ട്ട​ണ​മെ​ങ്കി​ൽ അ​ഞ്ച് കി​ലോ​മീ​റ്റ​ർ അ​ക​ലെ​യു​ള്ള ആ​ര്യ​നാ​ട് താ​ലൂ​ക്ക് ആ​ശു​പ​ത്രി​യി​ലോ 20 കി​ലോ​മീ​റ്റ​റോ​ളം അ​ക​ലെ​യു​ള്ള മ​ല​യി​ന്‍കീ​ഴ് താ​ലൂ​ക്ക് ആ​ശു​പ​ത്രി​യി​ലോ എ​ത്ത​ണം. ല​ബോ​റ​ട്ട​റി ഉ​ണ്ടെ​ങ്കി​ലും അ​ത്യാ​വ​ശ്യ പ​രി​ശോ​ധ​ക​ൻ പോ​ലും ന​ട​ക്കു​ന്നി​ല്ലെ​ന്ന് രോ​ഗി​ക​ൾ ആ​രോ​പി​ക്കു​ന്നു. പ​ഞ്ചാ​യ​ത്ത് നി​യ​മി​ച്ച ര​ണ്ട് താ​ത്ക്കാ​ലി​ക ജീ​വ​ന​ക്കാ​രാ​ണ് ഇ​വി​ടെ​യു​ള്ള​ത്.

പ​രി​ശോ​ധ​ന​ക​ൾ​ക്ക് ഉ​പ​യോ​ഗി​ക്കു​ന്ന രാ​സ​പ​ദാ​ർ​ഥ​ങ്ങ​ൾ ഇ​ല്ലാ​ത്ത​തി​നാ​ൽ ജീ​വ​ന​ക്കാ​ർ​ക്ക് പ​ണി​യി​ല്ല. രാ​വി​ലെ ഒ​ന്നോ ര​ണ്ടോ മ​ണി​ക്കൂ​ർ മാ​ത്ര​മാ​ണ് പ്ര​വ​ർ​ത്തി​ക്കു​ന്ന​തെ​ന്നും രോ​ഗി​ക​ൾ പ​റ​യു​ന്നു. കു​ത്തി​വെ​പ്പി​ന്​ ആ​റ് രൂ​പ വി​ല​യു​ള്ള മ​രു​ന്നു​പോ​ലും 30 രൂ​പ​യോ​ളം ഓ​ട്ടോ ചാ​ർ​ജ് ന​ൽ​കി മെ​ഡി​ക്ക​ൽ സ്റ്റോ​റി​ൽ നി​ന്നു വാ​ങ്ങി ന​ൽ​കേ​ണ്ട സ്ഥി​തി​യാ​ണ്.

വി​ല​യേ​റി​യ മ​രു​ന്നു​ക​ളും കി​ട്ടാ​നി​ല്ല. വ​ന​ത്തി​നു​ള്ളി​ലെ ആ​ദി​വാ​സി മേ​ഖ​ല​ക​ളി​ൽ മാ​സം 16 മെ​ഡി​ക്ക​ൽ ക്യാ​മ്പു​ക​ളാ​ണ് ന​ട​ക്കു​ന്ന​ത്. ഇ​തി​നാ​യി ‘ഫോ​ർ​വീ​ൽ’ ഡ്രൈ​വു​ള്ള ആം​ബു​ല​ൻ​സ് വേ​ണ​മെ​ന്ന ആ​വ​ശ്യ​ത്തി​നും പ​രി​ഹാ​ര​മാ​കു​ന്നി​ല്ല. ആ​ശു​പ​ത്രി​യി​ലേ​ക്കു​ള്ള റോ​ഡും പൊ​ളി​ഞ്ഞ സ്ഥി​തി​യി​ലാ​ണ്. സാ​മൂ​ഹി​കാ​രോ​ഗ്യ കേ​ന്ദ്ര​മാ​ക്കി ഉ​യ​ർ​ത്തി​യാ​ൽ കൂ​ടു​ത​ൽ സൗ​ക​ര്യ​ങ്ങ​ൾ ഉ​ണ്ടാ​കും.