കാട്ടാക്കട ക്രിസ്ത്യന്‍ കോളജില്‍ പി.ടി.എ ഫണ്ട് വിനിയോഗത്തിലും ക്രമക്കേട്

കാ​ട്ടാ​ക്ക​ട: യൂ​നി​വേ​ഴ്സി​റ്റി യൂ​നി​യ​ന്‍ കൗ​ണ്‍സി​ല​റാ​യി വി​ജ​യി​ച്ച വി​ദ്യാ​ർ​ഥി​നി​യു​ടെ പേ​ര് വെ​ട്ടി​മാ​റ്റി എ​സ്.​എ​ഫ്.​ഐ നേ​താ​വി​ന്‍റെ പേ​ര് കൗ​ണ്‍സി​ല​ര്‍ പ​ട്ടി​ക​യി​ല്‍ തി​രു​കി ക​യ​റ്റി​യ​തി​നെ തു​ട​ർ​ന്ന്​ വി​വാ​ദ​ത്തിലായ കാ​ട്ടാ​ക്ക​ട ക്രി​സ്ത്യ​ന്‍ കോ​ള​ജി​ല്‍ പി.​ടി.​എ ഫ​ണ്ട് വി​നി​യോ​ഗ​ത്തി​ലും ക്ര​മ​ക്കേ​ടെ​ന്ന്.

പി.​ടി.​എ ഫ​ണ്ട് വി​നി​യോ​ഗ​ത്തി​ലെ അ​ഴി​മ​തി​യും ക്ര​മ​ക്കേ​ടു​ക​ളും സം​ബ​ന്ധി​ച്ച് അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ര​ണ്ടു​മാ​സം മു​മ്പ്​ പൊ​ലീ​സ് വി​ജി​ല​ന്‍സി​ന് പ​രാ​തി​യും ന​ല്‍കി. ക​ഴി​ഞ്ഞ എ​ട്ടു​വ​ര്‍ഷ​ത്തി​നി​ടെ ഒ​രു​കോ​ടി​യോ​ളം രൂ​പ​യു​ടെ ക്ര​മ​ക്കേ​ട്​ ന​ട​ത്തി​യ​താ​യാ​ണ് ആ​രോ​പ​ണം.

കാ​ട്ടാ​ക്ക​ട ക്രി​സ്ത്യ​ന്‍ കോ​ള​ജി​ലെ അ​ധ്യാ​പ​ക​നും പി.​ടി.​എ യു​ടെ മു​ന്‍ ട്ര​ഷ​റ​റു​മാ​യ ഫെ​ലി​ക്സാ​ണ് പ​രാ​തി ന​ല്‍കി​യ​ത്. പി​ടി.​എ ഫ​ണ്ട് വി​നി​യോ​ഗ​ത്തി​ല്‍ ക്ര​മ​ക്കേ​ട് ന​ട​ക്കു​ന്ന​ത്, ബി​ല്ലു​ക​ളും വൗ​ച്ച​റു​ക​ളും ഇ​ല്ലാ​തെ പ​ണം ചെ​ല​വി​ടു​ന്ന​ത്​ എ​ന്നി​വ കാ​ട്ടി ട്ര​ഷ​റ​ര്‍ പ്രി​ന്‍സി​പ്പ​ലി​ന്​ പ​രാ​തി ന​ല്‍കി​യി​രു​ന്നു. എ​ന്നാ​ല്‍, ഈ ​പ​രാ​തി വാ​ങ്ങാ​ന്‍പോ​ലും കൂ​ട്ടാ​ക്കി​യി​ല്ലെ​ന്നും ആ​രോ​പി​ക്കു​ന്നു.

തു​ട​ര്‍ന്ന് കോ​ള​ജ് മാ​നേ​ജ്മെ​ന്‍റി​ന് പ​രാ​തി ന​ല്‍കി​യെ​ങ്കി​ലും യാ​തൊ​രു ന​ട​പ​ടി​യും ഉ​ണ്ടാ​കാ​തെ വ​ന്ന​തോ​ടെ​യാ​ണ് വി​ജി​ല​ന്‍സി​ല്‍ പ​രാ​തി ന​ല്‍കി​യ​ത്. എ​ന്നാ​ല്‍, വി​ജി​ല​ന്‍സി​ലും ഉ​ന്ന​ത​ര്‍ പി​ടി​മു​റു​ക്കി​യ​തോ​ടെ അ​ന്വേ​ഷ​ണ​വും അ​ട്ടി​മ​റി​ച്ചു. പൂ​ര്‍വ വി​ദ്യാ​ർ​ഥി സം​ഘ​ട​ന​ക​ള്‍ ന​ട​ത്തി​യ പ്ര​വ​ര്‍ത്ത​ന​ങ്ങ​ള്‍വ​രെ പി.​ടി.​എ​യു​ടെ അ​ക്കൗ​ണ്ടി​ലാ​ക്കി​യെ​ന്നാ​ണ് വി​വ​രം.

വ​ര്‍ഷം​തോ​റും കാ​ൽ​ക്കോ​ടി രൂ​പ​യാ​ണ് പി.​ടി.​എ യു​ടെ വ​ര​വ്. എ​ന്നാ​ല്‍, വ​ര്‍ഷ​ങ്ങ​ളാ​യി ശ​രി​യാ​യ നി​ല​യി​ല്‍ ഓ​ഡി​റ്റ് ന​ട​ത്തു​ക​യോ ക​ണ​ക്കു​ക​ൾ അ​വ​ത​രി​പ്പി​ക്കു​ക​യോ ചെ​യ്യാ​റി​ല്ല​ത്രെ. ചെ​ല​വു​ക​ളെ സം​ബ​ന്ധി​ച്ച് ബി​ല്ലു​ക​ളി​ല്ലാ​തെ പ​ണം മാ​റ്റു​ന്ന രീ​തി​യാ​ണ് അ​വ​ലം​ബി​ക്കു​ന്ന​തെ​ന്ന് പ​രാ​തി ന​ല്‍കി​യ അ​ധ്യാ​പ​ക​ന്‍ ‘മാ​ധ്യ​മ’​ത്തോ​ട് പ​റ​ഞ്ഞു.

നി​ർ​ധ​ന​രാ​യ വി​ദ്യാ​ർ​ഥി​ക​ളോ​ടു​പോ​ലും ക​രു​ണ കാ​ട്ടാ​തെ​യാ​ണ് കോ​ള​ജി​ല്‍ പി.​ടി.​എ ഫ​ണ്ട് പി​രി​ക്കു​ന്ന​ത്. ലോ​ക് ഡൗ​ണ്‍ കാ​ല​ത്തു​പോ​ലും കോ​ള​ജി​ല്‍ ക​മ്പ്യൂ​ട്ട​റു​ക​ള്‍ വാ​ങ്ങി​യ​താ​യി രേ​ഖ​ക​ള്‍ ഉ​ണ്ടാ​ക്കി​യ​താ​യും ആ​ക്ഷേ​പ​മു​ണ്ട്.