ജീവനക്കാരില്ല; മാറനല്ലൂര്‍ സര്‍ക്കാര്‍ ആശുപത്രിയില്‍ രോഗികള്‍ വലയുന്നു

കാ​ട്ടാ​ക്ക​ട: പ​ക​ര്‍ച്ച​പ്പ​നി ഉ​ള്‍പ്പെ​ടെ ബാ​ധി​ച്ച് ചി​കി​ത്സ തേ​ടി എ​ത്തു​ന്ന​വ​രു​ടെ​എ​ണ്ണം അ​നു​ദി​നം വ​ർ​ധി​ക്കു​ന്നു. ദി​വ​സ​വും കു​ട്ടി​ക​ള്‍ ഉ​ള്‍പ്പെ​ടെ 300 ലേ​റെ രോ​ഗി​ക​ളെ​ത്തു​ന്ന മാ​റ​ന​ല്ലൂ​ര്‍ സ​ര്‍ക്കാ​ര്‍ ആ​ശു​പ​ത്രി​യി​ല്‍ ജീ​വ​ന​ക്കാ​രു​ടെ കു​റ​വ് കാ​ര​ണം രോ​ഗി​ക​ള്‍ വ​ല​യു​ന്നു. ര​ണ്ട് ഡോ​ക്ട​ര്‍മാ​ര്‍ ആ​ശു​പ​ത്രി​യി​ലു​ണ്ടെ​ങ്കി​ലും ഒ​രാ​ള്‍ ആ​രോ​ഗ്യ​പ്ര​വ​ര്‍ത്ത​ക​ര്‍ക്കൊ​പ്പം വീ​ട് സ​ന്ദ​ര്‍ശ​നം ഉ​ള്‍പ്പ​ടെ​യു​ള്ള ജോ​ലി​ക​ള്‍ക്കാ​യി പോ​കു​മ്പോ​ള്‍ ഒ​രു ഡോ​ക്ട​റു​ടെ സേ​വ​നം മാ​ത്ര​മേ ല​ഭി​ക്കു​ന്നു​ള്ളൂ.

ഡോ​ക്ട​റെ കാ​ണാ​ന്‍ രോ​ഗി​ക​ള്‍ക്ക് മ​ണി​ക്കൂ​റു​ക​ള്‍ കാ​ത്തി​രി​ക്കേ​ണ്ട​താ​യി വ​രു​ന്നു. അ​തി​നു​ശേ​ഷം മ​രു​ന്ന് വാ​ങ്ങു​ന്ന​തി​ന്​ അ​തി​ലേ​റെ ബു​ദ്ധി​മു​ട്ടാ​ണ്. ര​ണ്ട് ഫാ​ര്‍മ​സി​സ്റ്റു​ക​ൾ ഉ​ണ്ടെ​ങ്കി​ലും മി​ക്ക​പ്പോ​ഴും ഒ​രാ​ളു​ടെ സേ​വ​ന​മേ ല​ഭി​ക്കു​ന്നു​ള്ളൂ. ഇ​വി​ടെ ചി​കി​ത്സ​ക്ക്​ എ​ത്തു​ന്ന​തി​ല്‍ ഭൂ​രി​ഭാ​ഗ​വും നി​ര്‍ധ​ന​രാ​യ രോ​ഗി​ക​ളാ​ണ്. ല​ബോ​റ​ട്ട​റി സം​വി​ധാ​ന​വും താ​റു​മാ​റി​ലാ​ണ്. നി​ര്‍ധ​ന​രാ​യ രോ​ഗി​ക​ള്‍ക്ക് സ്വ​കാ​ര്യ ലാ​ബു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടാ​ണ്. കു​ടും​ബാ​രോ​ഗ്യ​ത്തി​ന്റെ കീ​ഴി​ല്‍ ആ​രോ​ഗ്യ ഉ​പ​കേ​ന്ദ്ര​ങ്ങ​ള്‍ അ​ഞ്ചി​ട​ത്ത് പ്ര​വ​ര്‍ത്തി​ക്കു​ന്നു​ണ്ടെ​ങ്കി​ലും ചി​ല​യി​ട​ങ്ങ​ളി​ല്‍ പ​ല​പ്പോ​ഴും സേ​വ​നം ല​ഭ്യ​മാ​കു​ന്നി​ല്ല​ന്ന്​ പ​രാ​തി​യു​ണ്ട്. മാ​റ​ന​ല്ലൂ​ര്‍ സ​ര്‍ക്കാ​ര്‍ ആ​ശു​പ​ത്രി​യി​ലെ രോ​ഗി​ക​ളു​ടെ എ​ണ്ണം ക്ര​മാ​തീ​ത​മാ​യി കൂ​ടി​യ സാ​ഹ​ച​ര്യ​ത്തി​ല്‍ ഡോ​ക്ട​ര്‍, ഫാ​ര്‍മ​സി​സ്റ്റ്, ന​ഴ്സ് ഇ​വ​രു​ടെ എ​ണ്ണം ഒ​രോ​ന്നു​വീ​തം കൂ​ട്ടു​ന്ന​തി​നാ​യി ഗ്രാ​മ​പ​ഞ്ചാ​യ​ത്ത് തീ​രു​മാ​നി​ച്ചെ​ങ്കി​ലും അ​ധി​കൃ​ത​രു​ടെ മെ​ല്ലെ​പ്പോ​ക്ക് കാ​ര​ണം ഇ​ഴ​യു​ന്ന​താ​യി പ്ര​തി​പ​ക്ഷ അം​ഗ​ങ്ങ​ള്‍ പ​റ​ഞ്ഞു.