അഗസ്ത്യവനത്തിലെ ചൊനാംപാറ, വാലിപ്പാറ മേഖലയിലേക്ക്​ ബസ്​ എത്തി

കാ​ട്ടാ​ക്ക​ട: അ​ഗ​സ്ത്യ​വ​ന​ത്തി​ലെ ചൊ​നാം​പാ​റ, വാ​ലി​പ്പാ​റ പ്ര​ദേ​ശ​ങ്ങ​ളി​ലെ യാ​ത്രാ​ക്ലേ​ശം പ​രി​ഹ​രി​ക്കാ​നും വി​ദ്യാ​ർ​ഥി​ക​ള്‍ക്ക് സ്കൂ​ളി​ലും കോ​ള​ജി​ലും എ​ത്താ​നു​മാ​യി കെ.​എ​സ്.​ആ​ര്‍.​ടി.​സി ബ​സ് സ​ർ​വി​സ് ആ​രം​ഭി​ച്ചു. കോ​വി​ഡ് കാ​ല​ത്ത് നി​ർ​ത്ത​ലാ​ക്കി​യ ബ​സ് സ​ർ​വി​സു​ക​ളാ​ണ് പു​ന​രാ​രം​ഭി​ച്ച​ത്. ആ​ദി​വാ​സി ഊ​രു​ക​ളി​ലെ യാ​ത്രാ​ദു​രി​തം ജി. ​സ്റ്റീ​ഫ​ൻ എം.​എ​ല്‍.​എ കെ.​എ​സ്.​ആ​ര്‍.​ടി.​സി അ​ധി​കൃ​ത​രു​ടെ ശ്ര​ദ്ധ​യി​ല്‍പ്പെ​ടു​ത്തി​യ​തി​നെ​തു​ട​ര്‍ന്നാ​ണ് സ​ര്‍വി​സു​ക​ള്‍ പു​ന​രാ​രം​ഭി​ക്കാ​ന്‍ ത​യാ​റാ​യ​ത്.

ബ​സ് സ​ർ​വി​സ് ഇ​ല്ലാ​ത്ത​തു​കാ​ര​ണം അ​ഗ​സ്ത്യ വ​ന​ത്തി​ലെ ചൊ​നാം​പാ​റ, വാ​ലി​പ്പാ​റ പ്ര​ദേ​ശ​ങ്ങ​ളി​ലെ ആ​ദി​വാ​സി​ക​ള്‍ക്കും വി​ദ്യാ​ർ​ഥി​ക​ള്‍ക്കും രാ​വി​ലെ ന​ന​ഗ​ര​ത്തി​ലെ​ത്താ​നും, വി​ദ്യാ​ർ​ത്ഥി​ക​ൾ​ക്ക് സ്കൂ​ളു​ക​ളി​ലും കോ​ളേ​ജു​ക​ളി​ലും എ​ത്താ​നും വ​ള​രെ​യേ​റെ ബു​ദ്ധി​മു​ട്ട് ഉ​ണ്ടാ​യി​രു​ന്നു. കി​ലോ​മീ​റ്റ​റു​ക​ള്‍ വ​ന​ത്തി​ലൂ​ടെ ന​ട​ന്ന് കോ​ട്ടൂ​ര്‍ എ​ത്തി​യാ​ണ് വി​ദ്യാ​ർ​ഥി​ക​ൾ പോ​യി​രു​ന്ന​ത്. യാ​ത്ര ദു​ഷ്ക​ര​മാ​യ​തു കാ​ര​ണം​ആ​ദി​വാ​സി മേ​ഖ​ല​യി​ലെ കു​ട്ടി​ക​ള്‍ സ്കൂ​ളു​ക​ളി​ലെ​ത്തു​ന്ന​തും കു​റ​വാ​യി​രു​ന്നു.

രാ​വി​ലെ 5:45ന് ​നെ​ടു​മ​ങ്ങാ​ട് നി​ന്നു തി​രി​ക്കു​ന്ന ആ​ദ്യ സ​ർ​വീ​സ് ആ​ര്യ​നാ​ട് കോ​ട്ടൂ​ർ വ​ഴി ചോ​നാം​പാ​റ​യി​ൽ എ​ത്തും. അ​വി​ടെ നി​ന്ന്​ വാ​ലി​പ്പാ​റ വ​ഴി കു​റ്റി​ച്ച​ലും 8.10ന് ​കു​റ്റി​ച്ച​ൽ നി​ന്നു ചോ​നം​പാ​റ​യി​ലേ​ക്കും ഉ​ണ്ടാ​കും. രാ​വി​ലെ ഒ​മ്പ​തി​ന് കാ​ട്ടാ​ക്ക​ട വ​ഴി തി​രു​വ​ന​ന്ത​പു​ര​ത്തേ​ക്കും,11. 10ന് ​തി​രു​വ​ന​ന്ത​പു​രം-​കാ​ട്ടാ​ക്ക​ട വ​ഴി​ചോ​ന​മ്പാ​റ. ഉ​ച്ച​ക്ക്​ 1. 20ന്​ ​ചോ​ന​മ്പാ​റ -കാ​ട്ടാ​ക്ക​ട. വൈ​കി​ട്ട് നാ​ലി​ന് കാ​ട്ടാ​ക്ക​ട-​ചോ​ന​മ്പാ​റ, 5.10ന് ​കു​റ്റി​ച്ച​ൽ. ആ​റു​മ​ണി​ക്ക് കു​റ്റി​ച്ച​ൽ -ചോ​നം​പാ​റ. 6.50ന് ​ചോ​ന​മ്പാ​റ -കാ​ട്ടാ​ക്ക​ട.

നാ​ലു വ​ർ​ഷ​മാ​യി മു​ട​ങ്ങി​ക്കി​ട​ന്ന ബ​സ് സ​ർ​വി​സാ​ണ് പു​ന​രാ​രം​ഭി​ച്ച​ത്. ബ​സ് സ​ർ​വി​സ് തു​ട​ങ്ങി​യ​തോ​ടെ ആ​ദി​വാ​സി മേ​ഖ​ല​യി​ലെ ജ​ന​ങ്ങ​ൾ​ക്ക്​ ആ​ശ്വാ​സ​മാ​യി.