വരണ്ടുണങ്ങി നെയ്യാർ ജലസംഭരണി

കാ​ട്ടാ​ക്ക​ട: നെ​യ്യാ​ർ ജ​ല​സം​ഭ​ര​ണി വ​റ്റി​വ​ര​ളു​ന്നു. റി​സ​ര്‍വോ​യ​റു​ക​ളി​ലെ പ​ല​ഭാ​ഗ​ത്തും വെ​ള്ളം കു​റ​ഞ്ഞു. ചി​ലേ​ട​ത്ത് വ​റ്റി​വ​ര​ണ്ടു. ര​ണ്ടു​ദി​വ​സ​ങ്ങ​ളി​ലാ​യി പെ​യ്ത വേ​ന​ല്‍മ​ഴി​ലും ജ​ല​നി​ര​പ്പ് ഉ​യ​ര്‍ന്നി​ല്ല. നെ​യ്യാ​ർ ജ​ലാ​ശ​യ​ത്തി​ലെ ജ​ല​നി​ര​പ്പ് അ​നു​ദി​നം താ​ഴു​ന്ന​ത് കാ​ർ​ഷി​ക മേ​ഖ​ല​യെ കാ​ര്യ​മാ​യി ബാ​ധി​ക്കും എ​ന്ന ആ​ശ​ങ്ക​യി​ലാ​ണ് നെ​യ്യാ​റി​നെ ആ​ശ്ര​യി​ച്ച് കൃ​ഷി​ചെ​യ്യു​ന്ന ക​ര്‍ഷ​ക​ര്‍. 84.75 മീ​റ്റ​ര്‍ പ​ര​മാ​വ​ധി സം​ഭ​ര​ണ​ശേ​ഷി​യു​ള്ള നെ​യ്യാ​ര്‍ അ​ണ​ക്കെ​ട്ടി​ല്‍ ജ​ല​നി​ര​പ്പ് 78.1 മീ​റ്റ​റി​ലെ​ത്തി.

ര​ണ്ട്ദി​വ​സം മു​ന്‍പ് ക​നാ​ലു​ക​ള്‍ അ​ട​ച്ചു. അ​തി​നു​ശേ​ഷം വേ​ന​ല്‍ മ​ഴ ല​ഭി​ച്ച​തി​നാ​ല്‍ ഒ​രു​മീ​റ്റ​റോ​ളം ജ​ല​നി​ര​പ്പ് ഉ​യ​ര്‍ന്നി​രു​ന്നു. നെ​യ്യാ​ര്‍ഡാ​മി​ന്‍റെ സം​ഭ​ര​ണ ശേ​ഷി​യി​ൽ ഓ​രോ ദി​വ​സ​വും വ​ലി​യ കു​റ​വു​ണ്ടാ​കു​ന്നു എ​ന്നാ​ണ് പ​ഠ​ന റി​പ്പോ​ർ​ട്ടു​ക​ൾ. ചെ​ളി​യും മ​ണ​ലും മ​ണ്ണും എ​ക്ക​ലു​മൊ​ക്കെ അ​ടി​യു​ന്ന​താ​ണ് സം​ഭ​ര​ണ​ശേ​ഷി കു​റ​യാ​ൻ കാ​ര​ണം.

കാ​ല​വ​ര്‍ഷം വൈ​കി​യാ​ൽ കാ​ട്ടാ​ക്ക​ട, നെ​യ്യാ​റ്റി​ൻ​ക​ര താ​ലൂ​ക്കു​ക​ളി​ലെ ജ​ന​ങ്ങ​ൾ കു​ടി​വെ​ള്ള​ത്തി​നും കൃ​ഷി​ക്കും ഏ​റെ ബു​ദ്ധി​മു​ട്ടും. നെ​യ്യാ​റി​ലെ വെ​ള്ള​ത്തെ ആ​ശ്ര​യി​ച്ചു മാ​ത്രം കൃ​ഷി ന​ട​ക്കു​ന്ന ഹെ​ക്ട​ർ ക​ണ​ക്കി​ന് കൃ​ഷി​യി​ട​ങ്ങ​ളി​ലെ കൃ​ഷി​യേ​യും ബാ​ധി​ക്കും. അ​ത് ക​ർ​ഷ​ക​ർ​ക്ക് ക​ന​ത്ത ആ​ഘാ​ത​മാ​യി​രി​ക്കും സൃ​ഷ്ടി​ക്കു​ക.

എ​ക്ക​ലും മ​ണ്ണും അ​ടി​ഞ്ഞ് അ​ഞ്ച്​ മീ​റ്റ​റി​ലേ​റെ അ​ണ​ക്കെ​ട്ടി​ന്റെ അ​ടി​ത്ത​ട്ട് ഉ​യ​ർ​ന്നു എ​ന്നാ​ണ് നെ​യ്യാ​ര്‍ഡാം സ​ന്ദ​ര്‍ശി​ച്ച ഡാം​സേ​ഫ്റ്റി അ​തോ​റി​റ്റി വി​ദ​ഗ്ധ​ർ റി​പ്പോ​ര്‍ട്ട് ന​ല്‍കി​യ​ത്.

ഒ​ന്നാം പ​ഞ്ച​വ​ൽ​സ​ര​പ​ദ്ധ​തി​യി​ൽ ഉ​ള്‍പ്പെ​ടു​ത്തി 1959 - ൽ ​ക​മ്മീ​ഷ​ൻ ചെ​യ്ത​താ​ണ് നെ​യ്യാ​ർ​ഡാം. ക​ന്യ​കൂ​മാ​രി ജി​ല്ല​യി​ലെ വി​ള​വ​ൻ​കോ​ട് താ​ലൂ​ക്കി​നെ കൂ​ടി ഉ​ൾ​പ്പെ​ടു​ത്തി നെ​യ്യാ​റ്റി​ൻ​ക​ര, കാ​ട്ടാ​ക്ക​ട താ​ലൂ​ക്കു​ക​ളി​ലെ 15380 ഹെ​ക്ട​ർ​സ്ഥ​ല​ത്തെ കൃ​ഷി​ക്കു​ള്ള ജ​ല​സേ​ച​ന​ത്തി​ന് ല​ക്ഷ്യ​മി​ട്ട​താ​ണ് നെ​യ്യാ​ർ ഇ​റി​ഗേ​ഷ​ൻ പ്രോ​ജ​ക്ട്.