വിഴിഞ്ഞം-നാവായിക്കുളം റിങ്​ റോഡ്: വസ്തു വിട്ടുകൊടുക്കേണ്ട ഭൂഉടമകള്‍ പ്രതിസന്ധിയിൽ; ആധാരം റവന്യൂ വകുപ്പിന് കൈമാറിയത് ഇരുട്ടടി

കാ​ട്ടാ​ക്ക​ട: വി​ഴി​ഞ്ഞം-​നാ​വാ​യി​ക്കു​ളം ഔ​ട്ട​ർ റി​ങ്​​റോ​ഡ് നി​ര്‍മാ​ണ​ത്തി​ന്​ വ​സ്തു വി​ട്ടു​കൊ​ടു​ക്കേ​ണ്ട ഭൂ​ഉ​ട​മ​ക​ള്‍ ദു​രി​ത​ത്തി​ലാ​യി. ഭൂ​മി ഏ​റ്റെ​ടു​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ള്‍ ആ​രം​ഭി​ച്ച​തോ​ടെ ഭൂ​ഉ​ട​മ​ക​ള്‍ അ​സ്സ​ല്‍ ആ​ധാ​ര​ങ്ങ​ളും അ​നു​ബ​ന്ധ​രേ​ഖ​ക​ളും റ​വ​ന്യൂ അ​ധി​കൃ​ത​ര്‍ക്ക് കൈ​മാ​റി. ഇ​വ​ര്‍ ഇ​പ്പോ​ള്‍ ന​ഷ്ട​പ​രി​ഹാ​ര​ത്തി​നാ​യി നെ​ട്ടോ​ട്ട​മോ​ടു​ക​യാ​ണ്. ഭൂ​ഉ​ട​മ​ക​ളു​ടെ രേ​ഖ​ക​ള്‍ കൈ​ക്ക​ലാ​ക്കി​യ അ​ധി​കൃ​ത​ര്‍ അ​വ​ര്‍ക്ക് ന​ല്‍കേ​ണ്ട ന​ഷ്ട​പ​രി​ഹാ​രം ന​ല്‍കാ​താ​യ​തോ​ടെ നി​ര​വ​ധി​പേ​ര്‍ ദു​രി​ത​ത്തി​ലാ​യി. ബാ​ങ്കു​ക​ളി​ല്‍ പ​ണ​യ​പ്പെ​ടു​ത്തി​യി​രു​ന്ന ആ​ധാ​ര​ങ്ങ​ള്‍ ബ​ന്ധു​ക്ക​ളി​ല്‍ നി​ന്നും സു​ഹൃ​ത്തു​ക്ക​ളി​ല്‍ നി​ന്നും വാ​യ്പ വാ​ങ്ങി ബാ​ങ്കി​ലെ ബാ​ധ്യ​ത തീ​ർ​ത്ത് ആ​ധാ​രം ന​ൽ​കി ക​ട​ക്കെ​ണി​യി​ലാ​യ​വ​രും നി​ര​വ​ധി​യാ​ണ്. പ​ക​രം ഭൂ​മി​ക്കും കെ​ട്ടി​ട​ത്തി​നും അ​ഡ്വാ​ന്‍സ് ന​ല്‍കി​യ​വ​രും, വി​വാ​ഹ നി​ശ്ച​യം ന​ട​ത്തി​യ​വ​രും വെ​ട്ടി​ലാ​യി.

ആ​റ് മാ​സം കാ​ലാ​വ​ധി​ക്കു​ള്ളി​ല്‍ അ​ഡ്വാ​ന്‍സ് തു​ക ക​ഴി​ച്ച് ബാ​ക്കി പ​ണം ന​ല്‍കി ഭൂ​മി വാ​ങ്ങാ​മെ​ന്ന ക​രാ​ര്‍ എ​ഴു​തി​യ നി​ര​വ​ധി​പേ​ര്‍ വെ​ട്ടി​ലാ​യി. സം​സ്ഥാ​ന സ​ർ​ക്കാ​ർ ക​രാ​ർ ഒ​പ്പി​ടാ​ൻ വൈ​കി​യ​താ​ണ് വി​ഴി​ഞ്ഞം- നാ​വാ​യി​ക്കു​ളം ഔ​ട്ട​ർ റി​ങ്​ റോ​ഡി​ന്റെ നി​ല​വി​ലെ പ്ര​തി​സ​ന്ധി​ക്ക് കാ​ര​ണ​മെ​ന്നാ​ണ് അ​റി​യു​ന്ന​ത്. സം​സ്ഥാ​ന സ​ർ​ക്കാ​റി​ന്റെ താ​ൽ​പ​ര്യ​പ്ര​കാ​ര​മാ​ണ് ദേ​ശീ​യ​പാ​ത അ​തോ​റി​റ്റി നി​ർ​മാ​ണ ന​ട​പ​ടി​ക​ൾ മൂ​ന്നു​വ​ർ​ഷം മു​മ്പ് ആ​രം​ഭി​ച്ച​ത്. വി​ഷ​യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട് എ​ൻ.​എ​ച്ച്.​എ.​ഐ സം​സ്ഥാ​ന സ​ർ​ക്കാ​റി​നെ പ​ല​വ​ട്ടം സ​മീ​പി​ച്ചെ​ങ്കി​ലും തീ​രു​മാ​ന​മാ​യി​ട്ടി​ല്ല. സ്ഥ​ല​മേ​റ്റെ​ടു​ക്ക​ൽ ചെ​ല​വി​ന്റെ 50 ശ​ത​മാ​നം സം​സ്ഥാ​ന​മാ​ണ് വ​ഹി​ക്കേ​ണ്ട​ത്. കി​ളി​മാ​നൂ​ർ, വെ​മ്പാ​യം, വി​ള​പ്പി​ൽ​ശാ​ല, നെ​യ്യാ​റ്റി​ൻ​ക​ര പ്ര​ദേ​ശ​ങ്ങ​ളി​ലെ താ​ല്‍ക്കാ​ലി​ക ത​ഹ​സി​ൽ​ദാ​ർ ഓ​ഫി​സു​ക​ൾ​ക്ക് മു​ന്നി​ൽ സ​മ​ര​മി​രി​ക്കാ​ൻ ഒ​രു​ങ്ങു​ക​യാ​ണ് ഭൂ​മി വി​ട്ടു​ന​ൽ​കി​യ​വ​ർ. ഇ​തി​നാ​യി നാ​ട്ടു​കാ​ര്‍ ക​ര്‍മ​സ​മി​തി​യും രൂ​പ​വ​ത്​​ക​രി​ച്ചു.