ക്വാറിയില്‍ നിന്ന്​ വെള്ളം കുത്തിയൊലിച്ചു; മലവെള്ളപ്പാച്ചിലെന്ന്​ ഭയന്ന്​ ജനം

കാ​ട്ടാ​ക്ക​ട: പാ​റ​ക്വാ​റി​യി​ല്‍ നി​ന്ന്​ വെ​ള്ളം പൊ​തു റോ​ഡി​ലേ​ക്ക് തു​റ​ന്നു​വി​ട്ടു. കു​ത്തി​യൊ​ലി​ച്ചെ​ത്തി​യ വെ​ള്ളം ക​ണ്ട് മ​ല​വെ​ള്ള​പ്പാ​ച്ചി​ൽ എ​ന്നു​ക​രു​തി നാ​ട്ടു​കാ​ര്‍ ഓ​ടി​മാ​റി. കു​ട്ടി​ക​ൾ ഒ​ഴു​ക്കി​ൽ​പെ​ട്ട്​ പോ​കാ​തെ ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്. തു​ട​ർ​ച്ച​യാ​യ മ​ഴ കാ​ര​ണം മ​ല​വി​ള ശം​ഭു​താ​ങ്ങി എ​സ്റ്റേ​റ്റ് പാ​റ​ക്വാ​റി​യി​ല്‍ വെ​ള്ളം നി​റ​ഞ്ഞു. മ​ഴ​യ​ത്ത് ക്വാ​റി​യി​ല്‍ നി​റ​ഞ്ഞു​കി​ട​ന്ന വെ​ള്ളം പൊ​തു റോ​ഡി​ലേ​ക്ക് തു​റ​ന്നു​വി​ട്ട​തോ​ടെ മ​ല​വെ​ള്ള​പാ​ച്ചി​ല്‍പോ​ലെ കു​ത്തി​യൊ​ലി​ക്കു​ക​യാ​യി​രു​ന്നു.

റോ​ഡി​ലൂ​ടെ ആ​ദ്യ​മാ​യി വെ​ള്ളം ഇ​ടി​ച്ചി​റ​ങ്ങി​യ​പ്പോ​ള്‍ പ്ര​ദേ​ശ​ത്തെ നി​ര​വ​ധി വീ​ട്ടു​കാ​ര്‍ ഭീ​തി​യി​ലാ​യി. ബു​ധ​നാ​ഴ്ച ഉ​ച്ച ക​ഴി​ഞ്ഞ് സ്കൂ​ൾ വി​ട്ട് കു​ട്ടി​ക​ൾ ന​ട​ന്നു പോ​ക​വെ അ​പ്ര​തീ​ക്ഷി​ത​മാ​യാ​ണ് റോ​ഡി​ലൂ​ടെ ജ​ലം കു​ത്തി​യൊ​ഴു​കി​യ​ത്. അ​പ​ക​ട​ക​ര​മാ​യ വെ​ള്ള​ത്തി​ന്‍റെ ഒ​ഴു​ക്ക് ക​ണ്ട് കു​ട്ടി​ക​ള്‍ അ​തി​വേ​ഗം ഒ​രു വ​ശ​ത്തേ​ക്ക് മാ​റി​യ​തി​നാ​ൽ അ​പ​ക​ട​ത്തി​ല്‍പ്പെ​ടാ​തെ ര​ക്ഷ​പ്പെ​ട്ടു.

ഇ​തു​വ​ഴി​യെ​ത്തി​യ കാ​ൽ​ന​ട​ക്കാ​രും വാ​ഹ​ന യാ​ത്രി​ക​രും ര​ക്ഷ​പ്പെ​ട്ട​ത് ത​ല​നാ​രി​ക്കാ​ണ്. പാ​റ മ​ട​യി​ലേ​ക്ക്​ കൂ​റ്റ​ന്‍ വാ​ഹ​ന​ങ്ങ​ള്‍ പോ​കു​ന്ന​ത് കാ​ര​ണം ത​ക​ര്‍ന്ന റോ​ഡ് അ​ടു​ത്തി​ടെ​യാ​ണ് നാ​ട്ടു​കാ​രു​ടെ ശ്ര​മ​ഫ​ല​മാ​യി സ​മ​രം ന​ട​ത്തി സ​ഞ്ചാ​ര​യോ​ഗ്യ​മാ​ക്കി​യ​ത്. ഇ​ന്ന​ല​ത്തെ വെ​ള്ള​ത്തി​ന്‍റെ കു​ത്തൊ​ഴു​ക്കി​ല്‍ റോ​ഡ് വീ​ണ്ടും ത​ക​ർ​ന്നു. നി​ര​വ​ധി പേ​ര്‍ വാ ​ഹ​ന​ത്തി​ലും ന​ട​ന്നും പോ​കു​മ്പോ​ഴാ​യി​രു​ന്നു ജ​ലം കു​ത്തി ഒ​ലി​ച്ചു വ​ന്ന​ത്.