മോഷണ കേസിലെ പ്രതി രണ്ട് വർഷത്തിന് ശേഷം പിടിയിൽ

കഴക്കൂട്ടം: മോഷണ കേസിൽ ഒളിവിൽ കഴിഞ്ഞ പ്രതി രണ്ട് വർഷത്തിന് ശേഷം പിടിയിൽ. പെരുമാതുറ വലിയവിളാകത്ത് വീട്ടിൽ നിസാമുദ്ദീൻ (34) ആണ് കഠിനംകുളം പോലീസിന്‍റെ പിടിയിലായത്.

2019 ൽ പെരുമാതുറ വലിയ വിളാകത്ത് സഞ്​ജുവിന്‍റെ വീട് കുത്തിപ്പൊളിച്ച് 50000 രൂപ കവർന്ന കേസിലാണ് അറസ്റ്റിലായത്. കഠിനംകുളം എസ്. എച്ച്ഒ. എ .അൻസാരിയുടെ നേതൃത്വത്തിലുള്ള പൊലീസ്​ സംഘമാണ് പ്രതിയെ അറസ്റ്റു ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.