കടകംപള്ളി വില്ലേജ് ഓഫിസിലെ കൂട്ട അവധി; ഉദ്യോഗസ്ഥർക്കെതിരെ നടപടിക്ക് നിർദേശം

ക​ഴ​ക്കൂ​ട്ടം: കൈ​യേ​റ്റം ചെ​യ്തു​വെ​ന്നാ​രോ​പി​ച്ച് ക​ട​കം​പ​ള്ളി വി​ല്ലേ​ജ് ഓ​ഫി​സി​ലെ ജീ​വ​ന​ക്കാ​ർ വെ​ള്ളി​യാ​ഴ്ച കൂ​ട്ട അ​വ​ധി​യെ​ടു​ത്ത സം​ഭ​വ​ത്തി​ൽ ന​ട​പ​ടി​ക്ക് നി​ർ​ദേ​ശം. മൂ​ന്ന് ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി എ​ടു​ക്കാ​മെ​ന്നും അ​ന​ധി​കൃ​ത​മാ​യി ജോ​ലി​ക്ക് ഹാ​ജ​രാ​കാ​ത്ത ജീ​വ​ന​ക്കാ​ർ​ക്കെ​തി​രെ ക​ല​ക്ട​ർ​ക്ക് റി​പ്പോ​ർ​ട്ട് ന​ൽ​കു​മെ​ന്നും ത​ഹ​സീ​ൽ​ദാ​ർ അ​റി​യി​ച്ചു. സി.​പി.​എം പ്ര​വ​ർ​ത്ത​ക​ർ ശ​നി​യാ​ഴ്ച ന​ട​ത്തി​യ വി​ല്ലേ​ജ് ഓ​ഫി​സ് ഉ​പ​രോ​ധ​ത്തെ തു​ട​ർ​ന്നാ​യി​രു​ന്നു ത​ഹ​സീ​ൽ​ദാ​ർ ഇ​ക്കാ​ര്യ​മ​റി​യി​ച്ച​ത്.

സ​ർ​ട്ടി​ഫി​ക്ക​റ്റു​ക​ൾ അ​ന​ധി​കൃ​ത​മാ​യി വൈ​കി​ക്കു​ന്നു, സാ​ധാ​ര​ണ​ക്കാ​രെ പ​ല ത​വ​ണ ഓ​ഫി​സി​ൽ ക​യ​റ്റി​യി​റ​ക്കു​ന്നു എ​ന്നാ​രോ​പി​ച്ച് വ്യാ​ഴാ​ഴ്ച വൈ​കീ​ട്ടാ​ണ് വി​ല്ലേ​ജ് ഓ​ഫി​സി​ലെ​ത്തി​യ ഒ​രു​സം​ഘം ജീ​വ​ന​ക്കാ​രെ കൈ​യേ​റ്റം ചെ​യ്ത​ത്. തു​ട​ർ​ന്നാ​ണ് വി​ല്ലേ​ജ് ഓ​ഫി​സ​ർ ഉ​ൾ​പ്പെ​ടെ എ​ല്ലാ ജീ​വ​ന​ക്കാ​രും വെ​ള്ളി​യാ​ഴ്ച കൂ​ട്ട അ​വ​ധി​യെ​ടു​ത്ത​ത്. ഇ​തോ​ടെ ഓ​ഫി​സ് പ്ര​വ​ർ​ത്ത​നം നി​ല​ക്കു​ക​യും സാ​ധാ​ര​ണ​ക്കാ​ർ വ​ല​യു​ക​യും ചെ​യ്തു.

പ​ല​രും മ​ണി​ക്കൂ​റു​ക​ളോ​ളം കാ​ത്തി​രു​ന്ന ശേ​ഷ​മാ​ണ് മ​ട​ങ്ങി​യ​ത്. ഓ​ഫി​സി​ലെ​ത്തി​യ​വ​ർ പ്ര​തി​ഷേ​ധി​ച്ച​തോ​ടെ മ​ന്ത്രി കെ. ​രാ​ജ​ൻ ഇ​ട​പെ​ട്ടു. ചെ​റു​വ​യ്ക്ക​ൽ വി​ല്ലേ​ജ് ഓ​ഫി​സി​ലെ ജീ​വ​ന​ക്കാ​ര​ന് ഡെ​പ്യൂ​ട്ടി ത​ഹ​സി​ൽ​ദാ​ർ ക​ട​കം​പ​ള്ളി വി​ല്ലേ​ജ് ഓ​ഫി​സി​ന്‍റെ താ​ൽ​ക്കാ​ലി​ക ചു​മ​ത​ല ന​ൽ​കി​യെ​ങ്കി​ലും എ​ന്നാ​ൽ, ക​രം സ്വീ​ക​രി​ക്കാ​നോ സ​ർ​ട്ടി​ഫി​ക്ക​റ്റു​ക​ൾ ന​ൽ​കാ​നോ ഈ ​ഉ​ദ്യോ​ഗ​സ്ഥ​ന് അ​ധി​കാ​ര​മി​ല്ലാ​തി​രു​ന്ന​തി​നാ​ൽ ഓ​ഫി​സ് പ്ര​വ​ർ​ത്ത​നം മു​ട​ങ്ങി.

തു​ട​ർ​ന്ന് ശ​നി​യാ​ഴ്ച രാ​വി​ലെ സി.​പി.​എം പ്ര​വ​ർ​ത്ത​ക​ർ വി​ല്ലേ​ജോ​ഫി​സ് ഉ​പ​രോ​ധി​ക്കു​ക​യാ​യി​രു​ന്നു. രാ​വി​ലെ ആ​രം​ഭി​ച്ച ഉ​പ​രോ​ധം കാ​ര​ണം ജീ​വ​ന​ക്കാ​ർ​ക്ക് അ​ക​ത്തു ക​ട​ക്കാ​നാ​യി​ല്ല. ക​ല​ക്ട​ർ വ​ര​ണ​മെ​ന്നാ​യി​രു​ന്നു സ​മ​ര​ക്കാ​രു​ടെ ആ​വ​ശ്യം. ഒ​ടു​വി​ൽ ത​ഹ​സീ​ൽ​ദാ​ർ സ്ഥ​ല​ത്തെ​ത്തി സ​മ​ര​ക്കാ​രു​മാ​യി ച​ർ​ച്ച ന​ട​ത്തി ന​ട​പ​ടി​യെ​ടു​ക്കാ​മെ​ന്ന ഉ​റ​പ്പി​ലാ​ണ് സ​മ​രം അ​വ​സാ​നി​ച്ച​ത്. സി.​പി.​എം പ്ര​വ​ർ​ത്ത​ക​രാ​ണ് ജീ​വ​ന​ക്കാ​രെ മ​ർ​ദി​ച്ച​തെ​ന്നാ​രോ​പി​ച്ച് വെ​ള്ളി​യാ​ഴ്ച ബി.​ജെ.​പി പ്ര​വ​ർ​ത്ത​ക​ർ വി​ല്ലേ​ജ് ഓ​ഫി​സ് ഉ​പ​രോ​ധി​ച്ചി​രു​ന്നു. ക​ട​കം​പ​ള്ളി വി​ല്ലേ​ജി​ലെ പ്ര​ശ്ന​ങ്ങ​ളെ കു​റി​ച്ച് ആ​റി​ന് ക​ല​ക്ട​റു​ടെ അ​ധ്യ​ക്ഷ​ത​യി​ൽ യോ​ഗം ചേ​രും.