അനധികൃത കുന്നിടിക്കലിന് തടയിട്ട് റവന്യൂ വകുപ്പ്
text_fieldsആറ്റിപ്രയിലെ തൃപ്പാദപുരത്ത് ഭൂമാഫിയ കുന്ന് ഇടിച്ച് നിർത്തിയ നിലയിൽ
കഴക്കൂട്ടം: അനധികൃത കുന്നിടിപ്പിന് റവന്യൂ വകുപ്പിന്റെ തടയിടൽ. ആറ്റിപ്ര വില്ലേജിൽ തൃപ്പാദപുരം മണ്ണാംതറയിലാണ് ഭൂമാഫിയ സംഘം വലിയ കുന്നിടിച്ച് നിരത്തിയത്. കുന്നിടിച്ച മണ്ണു കൊണ്ട് തൊട്ടടുത്ത വയലിന്റെ ഒരു ഭാഗം നികത്തി. തൊട്ടടുത്ത രണ്ടു വീടുകൾ മണ്ണിടിച്ചിലിനെ തുടർന്ന് ഭീഷണിയിലാണ്. ഏക്കറോളം സ്ഥലത്തുള്ള മണ്ണാണ് ഇപ്പോൾ ഇടിച്ചു മാറ്റിയത്.
നാട്ടുകാരുടെ പരാതിയിൽ കഴക്കൂട്ടം പൊലീസ് സ്ഥലത്തെത്തി പരിശോധിച്ചു. തുടർന്ന് മൈനിങ് ആൻഡ് ജിയോളജി വകുപ്പിന് കഴക്കൂട്ടം പൊലീസ് റിപ്പോർട്ട് നൽകി. മൈനിങ് ആൻഡ് ജിയോളജി സ്ഥലത്ത് നടത്തിയ പരിശോധനയിൽ അനധികൃതമായാണ് കുന്നിടിക്കുന്നതെന്ന് കണ്ടെത്തി. ജിയോളജി വകുപ്പ് ആറ്റിപ്ര വില്ലേജിനും കഴക്കൂട്ടം പൊലീസിനും റിപ്പോർട്ട് കൈമാറി.
ആറ്റിപ്ര വില്ലേജ് ഓഫിസർ ബീനയുടെ നേതൃത്വത്തിൽ സ്ഥലം സന്ദർശിച്ചു. അനുമതി ഇല്ലാതെയാണ് കുന്നിടിച്ച് വയൽ നികത്തിയതെന്ന് കണ്ടെത്തിയ വില്ലേജ് ഓഫിസറും സംഘവും അനധികൃത മണ്ണിടിപ്പിന് സ്റ്റോപ് മെമ്മോ നൽകി. മെമ്മോയുടെ പകർപ്പ് തഹസിൽദാർ, ആർ.ഡി.ഒ, വില്ലേജ് ഓഫിസർ എന്നിവർക്ക് കൈമാറി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.