മീൻ വളർത്താനായി വീടിനു സമീപം നിർമിച്ച കുളത്തിൽ വയോധിക മരിച്ച നിലയിൽ

കിളിമാനൂർ: വീടിനുസമീപം മീൻ വളർത്താനായി നിർമിച്ച കുളത്തിൽ വയോധികയെ മരിച്ച നിലയിൽ കണ്ടെത്തി. പുളിമാത്ത് കോണത്തുവീട്ടിൽ സുഭദ്ര അമ്മ (83)യെയാണ് കുളത്തിൽ മരിച്ച നിലയിൽ കണ്ടെത്തിയത്.

പുളിമാത്ത് ഭഗവതിക്ഷേത്രത്തിന് പുറകുവശത്തുള്ള വീടിന് സമീപത്തെ കുളത്തിൽ ചൊവ്വാഴ്ച വൈകീട്ട് 4.30 ഓടെയാണ് മൃതദേഹം ക ണ്ടെത്തിയത്. കുളിക്കാനായി പോയ അമ്മയെ ഏറനേരെമായിട്ടും കാണാത്തതിനെത്തുടർന്ന് മകൻ നടത്തിയ തിരച്ചിലാണ് മൃതദേഹം കണ്ടെത്തിയത്. കാൽവഴുതി വീണതാകാമെന്ന് ബന്ധുക്കൾ പറയുന്നു.

കിളിമാനൂർ പൊലീസ് മേൽ നടപടികൾ സ്വീകരിച്ചു. മക്കൾ: വിജയകുമാർ, പരേതനായ സുനിൽകുമാർ. മരുമക്കൾ: ലിസകുമാരി, ബീന.