കോവളത്ത്​ ടൺകണക്കിന് ജെല്ലിഫിഷുകൾ അടിഞ്ഞു

കോവളം: ദുർഗന്ധം പരത്തി കോവളം സമുദ്രാ ബീച്ചിൽ ടൺകണക്കിന് ജെല്ലിഫിഷുകൾ അടിഞ്ഞ് കയറിയത് പ്രദേശവാസികളെയും അധികൃതരെയും വലച്ചു.

ശനിയാഴ്ച ഉച്ചയോടെയാണ് ജെല്ലിക്കൂട്ടം കരക്ക് അടിയാൻ തുടങ്ങിയതെങ്കിലും ഞായറാഴ്​ച രാവിലെയോടെ തീരം നിറഞ്ഞു. ഇത് കാരണം സമുദ്രാബീച്ചിൽ കമ്പവല വലിക്കുന്നവർക്കും മീൻപിടിത്ത ഉപകരണങ്ങൾ ​െവക്കാനോ വലയുണക്കാനോ സ്ഥലമില്ലാതായി. ദുർഗന്ധം രൂക്ഷമായതോടെ നാട്ടുകാർ ടൂറിസം അധികൃതരെ വിവരമറിയിച്ചു.

ഇവരുടെ നിർദേശത്തെ തുടർന്ന് കോവളത്ത് ശുചീകരണം നടത്തുന്ന സ്വകാര്യ കമ്പനിയുടെ തൊഴിലാളികളെത്തി ആഴത്തിൽ കുഴിയെടുത്ത് ജെല്ലിഫിഷുകളെ തീരത്ത് കുഴിച്ച് മൂടി.