അവധിക്കാല വിനോദയാത്രകളുമായി കെ.എസ്​.ആർ.ടി.സി ബജറ്റ് ടൂറിസം

തി​രു​വ​ന​ന്ത​പു​രം/കൊ​ല്ലം: മേ​യ് മാ​സ പാ​ക്കേ​ജ് പ്ര​ഖ്യാ​പി​ച്ച്‌ കൊ​ല്ലം ​കെ.​എ​സ്.​ആ​ർ.​ടി.​സി ബ​ജ​റ്റ് ടൂ​റി​സം. 25 യാ​ത്ര​ക​ളാ​ണ്​ പു​റ​പ്പെ​ടു​ന്ന​ത്. മേ​യ് ഒ​ന്നി​ന് ഇ​ല്ലി​ക്ക​ൽ ക​ല്ല് - ഇ​ല​വീ​ഴാ​പൂ​ഞ്ചി​റ യാ​ത്ര​യോ​ടെ ആ​രം​ഭി​ക്കു​ന്ന പാ​ക്കേ​ജ് ജൂ​ൺ ര​ണ്ടി​ന്റെ പൊ​ന്മു​ടി യാ​ത്ര​യോ​ടെ അ​വ​സാ​നി​ക്കും.

മൂ​ന്നാ​ർ, വ​യ​നാ​ട്, ഗ​വി, രാ​മ​ക്ക​ൽ മേ​ട്, വാ​ഗ​മ​ൺ, പാ​ണി​യേ​ലി​പോ​ര് തു​ട​ങ്ങി നി​ര​വ​ധി യാ​ത്ര​ക​ളാ​ണ് ഉ​ൾ​പ്പെ​ടു​ത്തി​യ​ത്. കൊ​ച്ചി​യി​ൽ നെ​ഫ​ർ​ടി​റ്റി എ​ന്ന ക്രൂ​യി​സ് ഷി​പ്പി​ൽ അ​ഞ്ചു​മ​ണി​ക്കൂ​ർ അ​റ​ബി​ക്ക​ട​ൽ ചു​റ്റി​വ​രു​ന്ന ക​പ്പ​ൽ യാ​ത്ര, ഇ​ടു​ക്കി ഡാ​മും കാ​ൽ​വ​രി മൗ​ണ്ടും സ​ന്ദ​ർ​ശ​ന​വു​മാ​ണ് മേ​യി​ലെ ര​ണ്ടു സ്പെ​ഷ​ൽ യാ​ത്ര​ക​ൾ.

പൊ​ന്മു​ടി യാ​ത്ര​ക്ക് എ​ല്ലാ എ​ൻ​ട്രി ഫീ​സും അ​ട​ക്കം 770 രൂ​പ​യാ​ണ് നി​ര​ക്ക്. അ​ഞ്ചി​ന് രാ​മ​ക്ക​ൽ മേ​ട്, റോ​സ്മ​ല യാ​ത്ര. ആ​റി​ന് ക​പ്പ​ൽ യാ​ത്ര രാ​വി​ലെ 10ന് ​പു​റ​പ്പെ​ട്ടു രാ​ത്രി 12 ഓ​ടെ തി​രി​ച്ചെ​ത്തും. ബു​ഫൈ ഡി​ന്ന​ർ, ഡി.​ജെ മ്യൂ​സി​ക്, വി​വി​ധ​ത​രം ഗെ​യിം​ക​ൾ, എ​ല്ലാം ഉ​ൾ​പ്പെ​ടു​ന്ന പാ​ക്കേ​ജി​ന് ഒ​രാ​ൾ​ക്ക് 4100 രൂ​പ​യാ​ണ് നി​ര​ക്ക്.

മേ​യ്‌ ഏ​ഴ്,19, 31 തീ​യ​തി​ക​ളി​ൽ ഗ​വി യാ​ത്ര ഉ​ണ്ടാ​വും. 2150 രൂ​പ​യാ​ണ് നി​ര​ക്ക്. മേ​യ് 11ന്​ ​മൂ​ന്നാ​ർ, അ​യ്യ​പ്പ ക്ഷേ​ത്ര​ങ്ങ​ൾ എ​ന്നി​ങ്ങ​നെ ര​ണ്ടു യാ​ത്ര. മൂ​ന്നാ​റി​നു ര​ണ്ടു​ദി​വ​സ​ത്തെ യാ​ത്ര​യും ഒ​രു രാ​ത്രി താ​മ​സ​ത്തി​നു​മാ​യി 1730 രൂ​പ​യാ​ണ്.

12ന് ​തീ​യ​തി വാ​ഗ​മ​ൺ, റോ​സ്മ​ല എ​ന്നി​ങ്ങ​നെ ര​ണ്ടു യാ​ത്ര​ക​ളാ​ണ്. വാ​ഗ​മ​ൺ പൈ​ൻ ഫോ​റെ​സ്റ്റ്, മൊ​ട്ട​ക്കു​ന്നു​ക​ൾ, അ​ഡ്വ​ഞ്ച​ർ പാ​ർ​ക്ക്, സൂ​യി​സൈ​ഡ് പോ​യ​ന്റ് ചു​റ്റി മ​ട​ങ്ങി​വ​രും വ​ഴി പ​രു​ന്തും​പാ​റ ക​ണ്ടു വ​രു​ന്ന വാ​ഗ​മ​ൺ യാ​ത്ര​ക്ക് ഉ​ച്ച​ഭ​ക്ഷ​ണം അ​ട​ക്കം 1020 രൂ​പ. മൂ​ന്നു​ദി​വ​സം നീ​ളു​ന്ന വ​യ​നാ​ട് യാ​ത്ര മേ​യ് 16 വൈ​കീ​ട്ട്​ ആ​രം​ഭി​ക്കും. ര​ണ്ടു​ദി​വ​സ​ത്തെ താ​മ​സ​വും എ​ല്ലാ പ്ര​വേ​ശ​ന​ഫീ​സും ഉ​ൾ​പ്പെ​ടെ 4100 രൂ​പ​യാ​ണ് നി​ര​ക്ക്.

മ​ധ്യ​തി​രു​വി​താം​കൂ​റി​ലെ ശി​വ​ക്ഷേ​ത്ര​ങ്ങ​ൾ എ​ന്ന പു​തി​യ തീ​ർ​ഥാ​ട​ന​യാ​ത്ര മേ​യ് 18ന്​ ​ന​ട​ക്കും.

രാ​വി​ലെ അ​ഞ്ചി​ന് തി​രി​ച്ച് കൊ​ട്ടാ​ര​ക്ക​ര, ചെ​ങ്ങ​ന്നൂ​ർ, തി​രു​ന​ക്ക​ര, ഏ​റ്റു​മാ​നൂ​ർ, ക​ടു​ത്തു​രു​ത്തി, വൈ​ക്കം എ​ന്നീ മ​ഹാ​ദേ​വ ക്ഷേ​ത്ര​ങ്ങ​ൾ ദ​ർ​ശി​ച്ച്‌ രാ​ത്രി 10 ഓ​ടെ മ​ട​ങ്ങി​യെ​ത്തും. പാ​ണി​യേ​ലി​പ്പോ​ര്, വാ​ഗ​മ​ൺ, പൊ​ന്മു​ടി, മ​ല​മേ​ൽ​പ്പാ​റ, ഇ​ല​വീ​ഴാ​പൂ​ഞ്ചി​റ, റോ​സ്മ​ല എ​ന്നീ യാ​ത്ര​ക​ളും വി​വി​ധ ദി​വ​സ​ങ്ങ​ളി​ലാ​യി ന​ട​ക്കും. അ​ന്വേ​ഷ​ണ​ങ്ങ​ൾ​ക്കും ബു​ക്കി​ങ്ങി​നും: 9747969768, 8921950903, 9495440444.