ലൈഫ്​ പദ്ധതി; പെൺകുട്ടികൾ മാത്രമുള്ള കുടുംബത്തിന് മുൻഗണന നൽകണം- മനുഷ്യാവകാശ കമീഷൻ

തി​രു​വ​ന​ന്ത​പു​രം: സ്വ​ന്ത​മാ​യി വീ​ടി​ല്ലാ​ത്ത പെ​ൺ​കു​ട്ടി​ക​ൾ മാ​ത്ര​മു​ള്ള നി​ർ​ധ​ന കു​ടും​ബ​ത്തി​ന് മു​ൻ​ഗ​ണ​ന ന​ൽ​കി വീ​ട് അ​നു​വ​ദി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ. ഇ​ക്കാ​ര്യം ആ​വ​ശ്യ​പ്പെ​ട്ട് വെ​ള്ള​റ​ട ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി ലൈ​ഫ് മി​ഷ​ൻ ചീ​ഫ് എ​ക്സി​ക്യൂ​ട്ടീ​വ് ഓ​ഫീ​സ​ർ​ക്ക​യ​ച്ച ക​ത്തി​ൽ അ​ടി​യ​ന്ത​ര​മാ​യി തീ​രു​മാ​ന​മെ​ടു​ക്ക​ണ​മെ​ന്നും ക​മീ​ഷ​ൻ അ​ധ്യ​ക്ഷ​ൻ ജ​സ്റ്റി​സ് ആ​ന്റ​ണി ഡൊ​മി​നി​ക് ആ​വ​ശ്യ​പ്പെ​ട്ടു.

കാ​ല​താ​മ​സം കൂ​ടാ​തെ ന​ട​പ​ടി സ്വീ​ക​രി​ക്ക​ണ​മെ​ന്ന് ക​മീ​ഷ​ൻ വെ​ള്ള​റ​ട ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്കും നി​ർ​ദ്ദേ​ശം ന​ൽ​കി. മ​ണ്ണാം​കോ​ണം ക​ള്ളി​മൂ​ട് റോ​ഡ​രി​ക​ത്ത് വീ​ട്ടി​ൽ എ​സ്. സ​ജി​ത സ​മ​ർ​പ്പി​ച്ച പ​രാ​തി​യി​ലാ​ണ് ഉ​ത്ത​ര​വ്.

പ​ഞ്ചാ​യ​ത്ത് പ​ട്ടി​ക​യി​ൽ പ​രാ​തി​ക്കാ​രി ഒ​ന്നാം ന​മ്പ​റും ലൈ​ഫ്മി​ഷ​ൻ അ​ന്തി​മ പ​ട്ടി​ക​യി​ൽ ക്ര​മ​ന​മ്പ​ർ 47 ഉ​മാ​ണ്. സ്ഥ​ല​പ​രി​ശോ​ധ​ന​യി​ൽ പ​രാ​തി​ക്കാ​രി മു​ൻ​ഗ​ണ​നാ വി​ഭാ​ഗ​ത്തി​ൽ ഉ​ൾ​പെ​ടാ​ൻ അ​ർ​ഹ​ത​യു​ള്ള വ്യ​ക്തി​യാ​ണെ​ന്ന് ക​ണ്ടെ​ത്തി​യ​താ​യി വെ​ള്ള​റ​ട പ​ഞ്ചാ​യ​ത്ത് സെ​ക്ര​ട്ട​റി ക​മീ​ഷ​നെ അ​റി​യി​ച്ചു. ഇ​തി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കേ​ണ്ട​ത് ലൈ​ഫ് മി​ഷ​നാ​ണ്.