മഴയും ചൂടും...ആരവങ്ങൾക്കിടയിൽ സ്ഥാനാർഥികൾ

തി​രു​വ​ന​ന്ത​പു​രം: തെ​ര​ഞ്ഞെ​ടു​പ്പ്​ ക​ള​ത്തി​ൽ ​പ്ര​ചാ​ര​ണ​വി​ഷ​യ​ങ്ങ​ൾ മാ​റി​മ​റി​യു​മ്പോ​ഴും കൂ​ട്ടി​ക്കി​ഴി​ച്ചും ഇ​ഴ​കീ​റി​യും ആ​കാം​ക്ഷ​യി​ലാ​ണ്​ രാ​ഷ്ട്രീ​യ ക്യാ​മ്പു​ക​ൾ. തി​ള​ച്ചു​പൊ​ന്തു​ന്ന ചൂ​ടി​നി​ടെ ക​ഴി​ഞ്ഞ​രാ​ത്രി​യി​ൽ പെ​യ്​​ത മ​ഴ മ​ണ്ണു​ത​ണു​പ്പി​​ച്ചെ​ങ്കി​ലും തെ​ര​​ഞ്ഞെ​ടു​പ്പ്​ കാ​ല​ത്തെ രാ​ഷ്​​​ട്രീ​യ ക്യാ​മ്പു​ക​ളു​ടെ ചൂ​ട്​ അ​നു​ദി​നം വ​ർ​ധി​ക്കു​ക​യാ​ണ്. സ്ഥാ​നാ​ർ​ഥി​ക​ളെ​ല്ലാം ക​ള​ത്തി​ലാ​ണ്. വോ​ട്ട​ർ​പ​ട്ടി​ക​യി​ൽ പേ​ര്​ ചേ​ർ​ക്ക​ൽ മു​ത​ൽ ചു​വ​രെ​ഴു​ത്തും ബോ​ർ​ഡ്​ സ്ഥാ​പി​ക്ക​ലും പോ​സ്റ്റ​റൊ​ട്ടി​ക്ക​ലു​മെ​ല്ലാ​മാ​യി പ്ര​ചാ​ര​ണ​രം​ഗം സ​ജീ​വം. തീ​ര​സു​ര​ക്ഷ മു​ത​ൽ സോ​ഫ്​​റ്റ്​​വെ​യ​ർ ക​യ​റ്റു​മ​തി വ​രെ നീ​ളു​ക​യാ​ണ്​ മ​ണ്ഡ​ല​ത്തി​ലെ വി​ക​സ​ന-​ജ​ന​പ​ക്ഷ വി​ഷ​യ​ങ്ങ​ൾ. സി.​എ.​എ മു​ത​ൽ കെ​ജ്​​രി​വാ​ൾ വ​രെ ചൂ​ടേ​റി​യ ച​ർ​ച്ച​യാ​കു​മ്പോ​ൾ ഇ​ട​തു​ക​ൺ​വീ​ന​ർ ഇ.​പി. ജ​യ​രാ​ജ​നു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ൾ​ക്കു​വ​​രെ തി​രു​വ​ന​ന്ത​പു​ര​ത്ത്​ പ്ര​തി​ക​ര​ണ​മു​ണ്ടാ​യി.

‘തി​രു​വ​ന​ന്ത​പു​ര​ത്ത്​ ത​രൂ​ർ ത​ന്നെ’ എ​ന്ന മു​ദ്രാ​വാ​ക്യ​മു​യ​ർ​ത്തി​യാ​ണ്​ യു.​ഡി.​എ​ഫ്​ സ്ഥാ​നാ​ർ​ഥി ശ​ശി ത​രൂ​രി​ന്‍റെ പ്ര​ചാ​ര​ണം. യു.​ഡി.​എ​ഫ്​ നി​യോ​ജ​ക മ​ണ്ഡ​ലം ക​ൺ​​വെ​ൻ​ഷ​നു​ക​ളി​ൽ പ​​ങ്കെ​ടു​ക്കു​ന്ന​തി​ന്‍റെ തി​ര​ക്കി​ലാ​ണ്​ ത​രൂ​ർ. നെ​യ്യാ​റ്റി​ൻ​ക​ര, കോ​വ​ളം ക​​ൺ​വെ​ൻ​ഷ​നു​ക​ളി​ൽ​ അ​ദ്ദേ​ഹം പ​​​ങ്കെ​ടു​ത്തു. കോ​വ​ള​ത്ത്​ എം.​എം. ഹ​സ​നും നെ​യ്യാ​റ്റി​ൻ​ക​ര​യി​ൽ സി.​പി. ജോ​ണു​മാ​യി​രു​ന്നു ഉ​ദ്​​ഘാ​ട​ക​ർ. ഇ​ട​തു​സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ൻ ക​ഴ​ക്കൂ​ട്ടം മ​ണ്ഡ​ല​ത്തി​ലെ വി​വി​ധ കേ​ന്ദ്ര​ങ്ങ​ളി​ൽ പ​ര്യ​ട​നം ന​ട​ത്തി. സം​വി​ധാ​യ​ക​ൻ അ​ടൂ​ർ ഗോ​പാ​ല​കൃ​ഷ്ണ​നെ വ​സ​തി​യി​ലെ​ത്തി സ​ന്ദ​ർ​ശി​ച്ചു. തു​ട​ർ​ന്ന് ആ​ക്കു​ള​ത്തെ ഹി​ന്ദു​സ്ഥാ​ൻ ലാ​റ്റ​ക്സി​ലെ​ത്തി​യ സ്ഥാ​നാ​ർ​ഥി​ക്ക് തൊ​ഴി​ലാ​ളി​ക​ൾ ഉ​ജ്ജ്വ​ല വ​ര​വേ​ൽ​പ്പ് ന​ൽ​കി. ക​ഴ​ക്കൂ​ട്ട​ത്തെ വി​വി​ധ ആ​രാ​ധ​നാ​ല​യ​ങ്ങ​ൾ സ്ഥാ​നാ​ർ​ഥി സ​ന്ദ​ർ​ശി​ച്ചു. വൈ​കീ​ട്ട് പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രാ​യി ഇ​ട​തു​യു​വ​ജ​ന സം​ഘ​ട​ന​ക​ൾ ക​ഴ​ക്കൂ​ട്ട​ത്ത് ന​ട​ത്തി​യ നൈ​റ്റ് മാ​ർ​ച്ചി​ലും സ്ഥാ​നാ​ർ​ഥി പ​ങ്കെ​ടു​ത്തു.

തീ​ര​ദേ​ശ​മേ​ഖ​ല​യി​ല​ട​ക്കം പ്ര​ചാ​ര​ണ​ത്തി​ര​ക്കി​ലാ​ണ്​ എ​ൻ.​ഡി.​എ സ്ഥാ​നാ​ർ​ഥി രാ​ജീ​വ്​ ച​ന്ദ്ര​ശേ​ഖ​ർ. താ​ൻ തി​രു​വ​ന​ന്ത​പു​ര​ത്ത് ഉ​ണ്ടാ​കു​മെ​ന്നും അ​ടു​ത്ത അ​ഞ്ചു​വ​ർ​ഷ​വും മ​ണ്ഡ​ല​ത്തി​ന്റെ വി​ക​സ​ന​ത്തി​നു​വേ​ണ്ടി പ്ര​വ​ർ​ത്തി​ക്കു​മെ​ന്നു​മാ​ണ്​ പ്ര​ചാ​ര​ണ​ങ്ങ​ളി​ൽ അ​ദ്ദേ​ഹ​ത്തി​ന്‍റെ ഉ​റ​പ്പ്. എ​ൻ.​ഡി.​എ സ്ഥാ​നാ​ർ​ഥി രാ​ജീ​വ്​ ച​ന്ദ്ര​ശേ​ഖ​ർ കേ​ന്ദ്ര​മ​ന്ത്രി പ​ദ​വി ദു​രു​പ​യോ​ഗം ചെ​യ്യു​ന്നെ​ന്നാ​രോ​പി​ച്ച്​ ഇ​ട​തു​മു​ന്ന​ണി രം​ഗ​ത്തെ​ത്തി​യ​ത്​ ശ​നി​യാ​ഴ്​​ച​യാ​ണ്. തെ​ളി​വു​ക​ൾ സ​ഹി​തം തെ​ര​ഞ്ഞെ​ടു​പ്പ്​ ക​മീ​ഷ​നി​ൽ പ​രാ​തി ന​ൽ​കി​യാ​ണ്​ ഇ​ട​പെ​ട​ൽ. 2009 ലെ ​ത​ന്റെ ക​ന്നി അ​ങ്ക​ത്തി​ല്‍ ത​രൂ​ര്‍ നേ​രി​ട്ട​ത് സി.​പി.​ഐ​യു​ടെ പി. ​രാ​മ​ച​ന്ദ്ര​ന്‍ നാ​യ​രെ​യും ബി.​എ​സ്.​പി​യു​ടെ എ. ​നീ​ല​ലോ​ഹി​ത​ദാ​സ​ന്‍ നാ​ടാ​രെ​യു​മാ​യി​രു​ന്നു. അ​ന്ന് പി.​കെ. കൃ​ഷ്ണ​ദാ​സാ​യി​രു​ന്നു ബി.​ജെ.​പി സ്ഥാ​നാ​ര്‍ഥി. 44.29 ശ​ത​മാ​നം വോ​ട്ട് ത​രൂ​ര്‍ പെ​ട്ടി​യി​ലാ​ക്കി​യ​പ്പോ​ള്‍ രാ​മ​ച​ന്ദ്ര​ന്‍ നാ​യ​ര്‍ക്ക് നേ​ടാ​നാ​യ​ത് 30.74 ശ​ത​മാ​നം മാ​ത്ര​മാ​യി​രു​ന്നു. മി​ക​ച്ച വി​ജ​യം നേ​ടി​യ ത​രൂ​ര്‍ വി​ദേ​ശ​കാ​ര്യ സ​ഹ​മ​ന്ത്രി​പ​ദ​ത്തി​ലു​മെ​ത്തി.

2014ല്‍ ​സി.​പി.​ഐ​യു​ടെ ബെ​ന​റ്റ് എ​ബ്ര​ഹാ​മും ബി.​ജെ.​പി​യു​ടെ ഒ. ​രാ​ജ​ഗോ​പാ​ലു​മാ​യി​രു​ന്നു ത​രൂ​രി​ന്റെ എ​തി​രാ​ളി​ക​ള്‍. 34.09 ശ​ത​മാ​നം വോ​ട്ടു​നേ​ടി ത​രൂ​ര്‍ വി​ജ​യി​ച്ച ​െത​ര​ഞ്ഞെ​ടു​പ്പി​ല്‍, 32.32 ശ​താ​മാ​നം വോ​ട്ട് നേ​ടി രാ​ജ​ഗോ​പാ​ല്‍ ര​ണ്ടാം​സ്ഥാ​ന​ത്തെ​ത്തി. 28.50 ശ​ത​മാ​നം വോ​ട്ടേ ബെ​ന​റ്റ് എ​ബ്ര​ഹാ​മി​ന് നേ​ടാ​നാ​യു​ള്ളൂ. 2019ല്‍ ​മൂ​ന്നാം​വ​ട്ടം ത​രൂ​ര്‍ ക​ള​ത്തി​ലി​റ​ങ്ങി​യ​പ്പോ​ള്‍ ബി.​ജെ.​പി​യു​ടെ കു​മ്മ​നം രാ​ജ​ശേ​ഖ​ര​നും സി.​പി.​ഐ​യു​ടെ സി. ​ദി​വാ​ക​ര​നു​മാ​യി​രു​ന്നു എ​തി​രാ​ളി​ക​ള്‍. 41.19 ശ​ത​മാ​നം വോ​ട്ടു​നേ​ടി ത​രൂ​ര്‍ മ​ണ്ഡ​ലം നി​ല​നി​ര്‍ത്തി​യ​പ്പോ​ള്‍ 31.30 ശ​ത​മാ​നം വോ​ട്ടു​നേ​ടി കു​മ്മ​നം ര​ണ്ടാം​സ്ഥാ​ന​ത്തെ​ത്തി.