വഴി ചോദിക്കാനെന്ന ഭാവേന നഗ്നത പ്രദർശനം നടത്തിയയാൾ പിടിയിൽ

ശംഖുംമുഖം: വഴി യാത്രക്കാരിയോട് വഴി ചോദിച്ച ശേഷം നഗ്നത പ്രദർശനം നടത്തിയയാൾ പിടിയിൽ. കല്ലറ, പച്ച വാഴത്തോപ്പ് വീട്ടിൽ സുധീഷ് രാഘവനാണ് (34) പേട്ട പൊലീസിന്‍റെ പിടിയിലായത്.

സംഭവത്തെ കുറിച്ച് പൊലീസ് നൽകുന്ന വിശദീകരണം ഇങ്ങനെ: സ്വകാര്യ സ്ഥാപനത്തിൽ ജോലിക്ക് പോകുകയായിരുന്ന യുവതി കരിയ്ക്കകം ഭാഗത്തുകൂടി നടന്നുവരുന്ന സമയം ഞായറാഴ്ച രാവിലെയോടെ ഇടറോഡിൽ സ്ഥലം ചോദിക്കാനെന്ന വ്യാജേന വണ്ടിനിർത്തി നഗ്നത കാണിച്ച ശേഷം ബൈക്കിൽ കടന്നുകളയുകയായിരുന്നു. ഇയാൾ ഓടിച്ചിരുന്ന വാഹനത്തിന്‍റെ നമ്പർ സഹിതം പേട്ട സ്റ്റേഷനിൽ പരാതി നൽകിയിരുന്നു.