രോഗിയായി അഭിനയിച്ച്​ മൊബൈൽ ഫോൺ മോഷ്​ടിക്കുന്നയാൾ പിടിയിൽ

തിരുവനന്തപുരം: മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന രോഗികളുടെയും കൂട്ടിരിപ്പുകാരുടെയും മൊബൈൽ ഫോണുകൾ മോഷണം നടത്തുന്നയാളെ പൊലീസ് പിടികൂടി. പള്ളിച്ചല്‍ ഹോമിയോ കോളജിനു​ സമീപം മേപ്പള്ളിയൂര്‍കോണത്തു ഹാജാ ഹുസൈന്‍ (22) നെയാണ് മെഡിക്കൽകോളജ് പൊലീസ് അറസ്​റ്റ് ചെയ്തത്. അഞ്ച്​ മൊബൈൽ ഫോണുകളും ഇയാളിൽനിന്ന്​ പിടിച്ചെടുത്തു.

മെഡിക്കൽ കോളജ് എസ്.എച്ച്.ഒ ഹരിലാൽ, എസ്.ഐമാരായ പ്രശാന്ത്, അൻസാരി, എസ്.സി.പി ​േജ്യാതി, സി.പി.ഒമാരായ വിജിൻലാൽ, നൗഫല്‍, രാജേഷ്‌, ശ്രീനിവാസന്‍ എന്നിവരടങ്ങിയ സംഘമാണ് അന്വേഷണത്തിനും അറസ്​റ്റിനും നേതൃത്വം നൽകിയത്.