ബൈക്ക് റേസിങ് നടത്തി അപകടം; യുവാവിനെതിരെ കേസ്​

മെ​ഡി​ക്ക​ല്‍ കോ​ള​ജ്: രൂ​പ​മാ​റ്റം വ​രു​ത്തി​യ ബൈ​ക്കി​ല്‍ റേ​സി​ങ് ന​ട​ത്തി അ​പ​ക​ട​മു​ണ്ടാ​ക്കി​യ യു​വാ​വി​നെ നാ​ട്ടു​കാ​ര്‍ ത​ട​ഞ്ഞു​വെ​ച്ച് പൊ​ലീ​സി​ന് കൈ​മാ​റി. മെ​ഡി​ക്ക​ല്‍ കോ​ള​ജ് സ്വ​ദേ​ശി മ​നു​കൃ​ഷ്ണ​നെ​യാ​ണ് പൊ​ലീ​സ് ക​സ്റ്റ​ഡി​യി​ലെ​ടു​ത്ത് വി​ട്ട​യ​ച്ച​ത്. മെ​ഡി​ക്ക​ല്‍ കോ​ള​ജ് ആ​ശു​പ​ത്രി റോ​ഡി​ലൂ​ടെ രൂ​പ​മാ​റ്റം വ​രു​ത്തി​യ ബൈ​ക്കി​ല്‍ അ​മി​ത വേ​ഗ​ത്തി​ല്‍ ഇ​യാ​ള്‍ ചീ​റി​പ്പാ​ഞ്ഞ​തി​നെ തു​ട​ര്‍ന്ന് പ​ട്ടം സ്വ​ദേ​ശി​യാ​യ സ്‌​കൂ​ട്ട​ര്‍ യാ​ത്രി​ക​നെ ഇ​ടി​ച്ചി​ട്ടു. ഞാ​യ​റാ​ഴ്ച വൈ​കീ​ട്ട്​ 5.15 ഓ​ടെ​യാ​യി​രു​ന്നു സം​ഭ​വം.

ആ​ക്കു​ളം-​ഉ​ള​ളൂ​ര്‍ റോ​ഡ് വ​ഴി അ​ഭ്യാ​സ പ്ര​ക​ട​നം ന​ട​ത്തി ചീ​റി​പ്പാ​ഞ്ഞെ​ത്തി​യ ബൈ​ക്ക് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​ക്ക് മു​ന്നി​ലെ​ത്തി​യ​പ്പോ​ഴാ​ണ് സ്‌​കൂ​ട്ട​ര്‍ യാ​ത്രി​ക​നെ ഇ​ടി​ച്ചു വീ​ഴ്ത്തി​യ​ത്. എ​ന്നാ​ല്‍ സ്‌​കൂ​ട്ട​ര്‍ യാ​ത്രി​ക​ന് പ​രി​ക്ക് സം​ഭ​വി​ക്കാ​ത്ത​തി​നെ തു​ട​ര്‍ന്ന് ഇ​ദ്ദേ​ഹം പ​രാ​തി ന​ല്‍കാ​തെ മ​ട​ങ്ങി. സം​ഭ​വം ന​ട​ന്ന​യു​ട​ൻ നാ​ട്ടു​കാ​ര്‍ മ​നു​വി​നെ ത​ട​ഞ്ഞു​വെ​ച്ച് പൊ​ലീ​സി​ന് കൈ​മാ​റി. പൊ​ലീ​സ് ഇ​യാ​ളെ അ​റ​സ്റ്റ് ചെ​യ്യു​ക​യും കേ​സെ​ടു​ക്കു​ക​യും ചെ​യ്തു.

സു​ഹൃ​ത്തി​ന്റെ ബൈ​ക്കി​ലാ​ണ് മ​നു റേ​സി​ങ് ന​ട​ത്തി​യ​ത്. ബൈ​ക്ക് റേ​സി​ങ് ന​ട​ത്തി​യ​തി​നും അ​പ​ക​ട​മു​ണ്ടാ​ക്കി​യ​തി​നും പൊ​ലീ​സ് കേ​സെ​ടു​ത്ത് മ​നു​വി​നെ വി​ട്ട​യ​ക്കു​ക​യാ​യി​രു​ന്നു. എ​ന്നാ​ല്‍ പൊ​ലീ​സ് അ​റി​യി​ച്ച​തി​നെ തു​ട​ര്‍ന്ന് മോ​ട്ടോ​ര്‍ വാ​ഹ​ന വ​കു​പ്പ് അ​ധി​കൃ​ത​ര്‍ സ്റ്റേ​ഷ​നി​ലെ​ത്തി വാ​ഹ​നം പ​രി​ശോ​ധി​ച്ച് റി​പ്പോ​ര്‍ട്ട് ന​ല്‍കു​ക​യു​ണ്ടാ​യി. അ​പ​ക​ട​ക​ര​മാ​യ ത​ര​ത്തി​ല്‍ ബൈ​ക്ക് ഓ​ടി​ച്ച​തി​നും രൂ​പ​മാ​റ്റം വ​രു​ത്തി​യ​തി​നും 25,000 രൂ​പ പി​ഴ ഈ​ടാ​ക്കു​മെ​ന്ന് പൊ​ലീ​സ് അ​റി​യി​ച്ചു.