മിന്നൽ സന്ദർശനത്തിനിറങ്ങുന്ന ആരോഗ്യമന്ത്രി അറിയാൻ; മെഡിക്കൽ കോളജിൽ എം.ആർ.ഐ സ്കാനിങ്​ നിലച്ചിട്ട്​​ മൂന്നാഴ്​ച

തി​രു​വ​ന​ന്ത​പു​രം: സാ​ധാ​ര​ണ​ക്കാ​രു​ടെ പ്ര​ധാ​ന ചി​കി​ത്സാ ആ​​ശ്ര​യ​മാ​യ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ എം.​ആ​ർ.​​ഐ സ്കാ​നി​ങ്​ നി​ല​ച്ചി​ട്ട്​ മൂ​ന്നാ​ഴ്ച. ​ഏ​ക മെ​ഷീ​ൻ കേ​ടാ​യ​താ​ണ്​ രോ​ഗി​ക​ളെ വ​ല​ക്കു​ന്ന​ത്. അ​ത്യാ​ഹി​ത വി​ഭാ​ഗ​ത്ത​ല​ട​ക്കം എ​ത്തു​ന്ന രോ​ഗി​ക​ളെ​പോ​ലും​ എം.​ആ​ർ.​ഐ സ്കാ​നി​ങ്ങി​നാ​യി സ്വ​കാ​ര്യ ലാ​ബു​ക​ളി​ലേ​ക്ക്​ കൊ​ണ്ടു​​പോ​കേ​ണ്ട സ്ഥി​തി​യാ​ണ്.

ആ​രോ​ഗ്യ ഇ​ൻ​ഷു​റ​ൻ​സ്​ കാ​ർ​ഡു​ള്ള​വ​ർ​ക്ക്​ സൗ​ജ​ന്യ നി​ര​ക്കി​ലാ​ണ്​ മെ​ഡി​ക്ക​ൽ കോ​ള​ജി​ൽ സ്കാ​നി​ങ്. സ്വ​കാ​ര്യ ലാ​ബു​ക​ളെ ആ​ശ്ര​യി​ക്കേ​ണ്ടി​വ​രു​ന്ന​തോ​ടെ വ​ലി​യ തു​ക ന​ൽ​കേ​ണ്ട അ​വ​സ്ഥ​യാ​ണ്​. ഇ​തി​ന്​ പു​റ​മെ ഒ.​പി​യി​ൽ​നി​ന്ന്​ മു​ൻ​കൂ​ട്ടി തീ​യ​തി നി​ശ്ച​യി​ച്ച്​ എ​ഴു​തി ന​ൽ​കു​ന്ന​വ​രും എം.​ആ​ർ.​​ഐ സ്കാ​ൻ യൂ​നി​റ്റി​ലെ​ത്തി നി​രാ​ശ​രാ​യി മ​ട​ങ്ങു​ക​യാ​ണ്.

ആ​ഴ്​​ച​ക​ൾ​ക്ക്​ മു​മ്പാ​ണ്​ ഡേ​റ്റി​ട്ട്​ കി​ട്ടു​ന്ന​ത്. വി​ദൂ​ര​ത്ത്​ നി​ന്ന​ട​ക്കം പ്ര​തീ​ക്ഷ​യോ​ടെ എ​ത്തു​ന്ന​വ​രാ​ണ്​ ഇ​ത്ത​ര​ത്തി​ൽ മ​ട​ങ്ങു​ന്ന​ത്. പ​ണം സ്കാ​നി​ങ്​ എ​ന്ന്​ പു​ന​രാ​രം​ഭി​ക്കു​മെ​ന്ന​തി​ലും ഉ​റ​പ്പി​ല്ല. അ​ടി​സ്ഥാ​ന സൗ​ക​ര്യ​ങ്ങ​ൾ പ​രി​ശോ​ധി​ക്കാ​ൻ മി​ന്ന​ൽ പ​രി​ശോ​ധ​ന ന​ട​ത്തു​ന്ന ​ആ​രോ​ഗ്യ​മ​ന്ത്രി ഈ ​അ​ടി​യ​ന്ത​ര ആ​വ​ശ്യം പ​രി​ഗ​ണി​ക്ക​ണ​മെ​ന്നാ​ണ്​ രോ​ഗി​ക​ളു​ടെ ആ​വ​ശ്യം.

മെ​ഡി​ക്ക​ൽ കോ​ള​ജി​ലെ മെ​ഷീ​ൻ പ​ത്ത്​ വ​ർ​ഷം പ​ഴ​ക്ക​മു​ള്ള​താ​ണ്. സാ​ധാ​ര​ണ പ​ത്ത്​ വ​ർ​ഷ​മാ​ണ്​ ഇ​ത്ത​രം മെ​ഷീ​നു​ക​ളു​ടെ സ​മ​യ​പ​രി​ധി. ഇ​നി മ​തി​യാ​യ അ​റ്റ​കു​റ്റ​പ്പ​ണി ന​ട​ത്തി പു​തു​ക്കു​ക​യോ പ​രി​ഷ്ക​രി​ക്കു​ക​യോ വേ​ണം. നി​ല​വി​​ലെ മെ​ഷീ​ൻ പ​രി​ഷ്ക​രി​ക്കു​ന്ന​തി​ന്​ 6.1 കോ​ടി രൂ​പ​യാ​ണ്​ ചെ​ല​വ്. പു​തി​യ​ത്​ വാ​ങ്ങ​​ണ​മെ​ങ്കി​ൽ 11.5 കോ​ടി​യും. സ​മ​യ​പ​രി​ധി തീ​രു​ന്ന​ത്​ മു​ന്നി​ൽ ക​ണ്ട്​ 6.1 കോ​ടി ചെ​ല​വ​ഴി​ച്ചു​ള്ള പു​തു​ക്ക​ലി​ന്​ പ്രൊ​പ്പോ​സ​ൽ ത​യാ​റാ​ക്കു​ക​യും സ​ർ​ക്കാ​ർ അ​നു​മ​തി ന​ൽ​കു​ക​യും ചെ​യ്​​തി​രു​ന്നു.

എ​ന്നാ​ൽ, ആ​റ്​ കോ​ടി​ക്ക്​ പു​തി​യ മെ​ഷീ​ൻ കി​ട്ടു​മെ​ന്ന​ത​ര​ത്തി​ൽ അ​ഭി​പ്രാ​യം ഉ​യ​ർ​ന്ന​തി​നെ​തു​ട​ർ​ന്ന്​ സ​ർ​ക്കാ​ർ പ​രി​ഷ്​​ക​രി​ക്കാ​നു​ള്ള നീ​ക്ക​ത്തി​ൽ​നി​ന്ന്​ പി​ന്മാ​റി. ഇ​തോ​ടെ​യാ​ണ്​ പു​തു​ക്ക​ലി​നോ പു​തി​യ മെ​ഷീ​ൻ വാ​ങ്ങാ​നോ ന​ട​പ​ടി​യി​ല്ലാ​തെ കാ​ര്യ​ങ്ങ​ൾ അ​നി​ശ്ചി​ത​ത്വ​ത്തി​ലാ​യ​ത്.

ഒ.​പി​യി​ലും ഐ.​പി​യും അ​ത്യാ​ഹി​ത വി​ഭാ​ഗ​ത്തി​ലു​മ​ട​ക്കം അ​റു​പ​തോ​ളം എം.​ആ​ർ.​ഐ സ്കാ​ൻ ​അ​പേ​ക്ഷ​ക​ളാ​ണ്​ പ്ര​തി​ദി​ന​മെ​ത്തു​ന്ന​ത്. മെ​ഡി​ക്ക​ൽ കോ​ള​ജി​ൽ അ​ടി​യ​ന്ത​ര വി​ഭാ​ഗ​ത്തി​ന്​ മു​ൻ​ഗ​ണ​ന ന​ൽ​കി പ​ര​മാ​വ​ധി 20-25 സ്കാ​നി​ങ്ങാ​ണ്​ ദി​വ​സം ചെ​യ്യാ​ൻ ക​ഴി​യു​ന്ന​ത്. ദാ​രി​ദ്ര്യ​രേ​ഖ​ക്ക് താ​ഴെ​യു​ള്ള​വ​ര്‍ക്ക് ഇ​ൻ​ഷു​റ​ൻ​സി​ൽ ഉ​ൾ​പ്പെ​ടു​ത്തി സൗ​ജ​ന്യ​മാ​യും മ​റ്റു​ള്ള​വ​ർ​ക്ക്​ കു​റ​ഞ്ഞ നി​ര​ക്കു​ക​ളി​ലു​മാ​ണ് എം.​ആ​ര്‍.​ഐ സ്കാ​ന്‍ എ​ടു​ത്തു​ന​ല്‍കു​ന്ന​ത്.