പത്മനാഭപുരം കൊട്ടാരം തുറന്നു

നാഗർകോവിൽ: കോവിഡ് വ്യാപനം രൂക്ഷമായതിനെത്തുടർന്ന് ഏഴു മാസം മുമ്പ് അടച്ചിട്ട പത്മനാഭപുരം കൊട്ടാരം തുറന്നു. കോവിഡ് മാനദണ്ഡങ്ങൾ കർശനമായി പാലിച്ച് ചൊവ്വാഴ്ച മുതൽ സന്ദർശകരെ പ്രവേശിപ്പിച്ച് തുടങ്ങി. ആദ്യദിനം ഇരുന്നൂറോളം പേർ സന്ദർശിച്ചു.

കൊട്ടാര വളപ്പിനുള്ളിൽ സന്ദർശകരുടെ ശരീര ഈഷ്മാവ് തെർമൽ സ്​കാനർ ഉപയോഗിച്ച് പരിശോധിക്കും. സാനി​​െറ്റെസർ നൽകി കൈ വൃത്തിയാക്കിയ ശേഷമാണ് ടിക്കറ്റ്​ കൗണ്ടറിലേക്കുള്ള പ്രവേശനം. സന്ദർശകർക്ക്​ മാസ്​ക് നിർബന്ധമാണ്​.

കൊട്ടാരത്തിനുള്ളിൽ സാമൂഹിക അകലം പാലിച്ച് നടന്നുവേണം കാഴ്ചകൾ കാണാൻ. കോവിഡ് മാനദണ്ഡം ലംഘിക്കുന്നവരു​ടെ സന്ദർശനാനുമതി റദ്ദാക്കും. മുതിർന്നവർക്ക് 40ഉം കുട്ടികൾക്ക് 10 രൂപയുമാണ് പ്രവേശന ഫീസ്​.

കൊട്ടാരം ജീവനക്കാർക്ക്​ കോവിഡ് സുരക്ഷാ കവചങ്ങൾ നൽകിയിട്ടുണ്ട്. ഏഴു മാസമായി കൊട്ടാരം അടച്ചിട്ടിരുന്നെങ്കിലും ശുചീകരണ പ്രവർത്തനങ്ങൾ ഉൾപ്പെടെയുള്ളവ സമീപ പ്രദേശത്തെ ജീവനക്കാരെ ഉപയോഗിച്ച് നടത്തിയിരുന്നു.