നെടുമങ്ങാട് എല്‍.പി.എസിന് ക്ലാസ് മുറിയും കായികോപകരണങ്ങളും

നെ​ടു​മ​ങ്ങാ​ട്: ഗ​വ. എ​ല്‍.​പി.​എ​സി​ലെ പ്രീ​പ്രൈ​മ​റി വി​ഭാ​ഗ​ത്തി​നാ​യു​ള്ള ശി​ശു​സൗ​ഹൃ​ദ ക്ലാ​സ് മു​റി​യും ഹെ​ല്‍ത്തി​ കി​ഡ്സ് പ​ദ്ധ​തി​യു​ടെ ഭാ​ഗ​മാ​യു​ള്ള ഇ​ന്‍ഡോ​ര്‍, ഔ​ട്ട്ഡോ​ര്‍ ഗെ​യിം ഉ​പ​ക​ര​ണ​ങ്ങ​ളു​ടെ ഉ​ദ്ഘാ​ട​ന​വും മ​ന്ത്രി ജി.​ആ​ര്‍. അ​നി​ല്‍ നി​ര്‍വ​ഹി​ച്ചു. 1820ല്‍ ​വി​ദ്യാ​ല​യം തു​ട​ങ്ങാ​ന്‍ അ​നു​വാ​ദം ന​ല്‍കി​ക്കൊ​ണ്ടു​ള്ള രാ​ജ​കീ​യ വി​ളം​ബ​രം ആ​ലേ​ഖ​നം ചെ​യ്ത ശി​ലാ​ഫ​ല​ക​വും മ​ന്ത്രി അ​നാ​ച്ഛാ​ദ​നം ചെ​യ്തു. എ​ണ്ണൂ​റി​ല​ധി​കം കു​രു​ന്നു​ക​ള്‍ പ​ഠി​ക്കു​ന്ന നെ​ടു​മ​ങ്ങാ​ട് എ​ല്‍.​പി.​എ​സി​ന്റെ പൂ​ർ​ണ വി​ക​സ​ന​മാ​ണ് ത​ന്റെ ല​ക്ഷ്യ​മെ​ന്ന് മ​ന്ത്രി പ​റ​ഞ്ഞു. ഹെ​ല്‍ത്തി കി​ഡ്സ് പ​ദ്ധ​തി പ്ര​കാ​രം കു​ട്ടി​ക​ളു​ടെ വ്യാ​യാ​മ​ത്തി​നും ക​ളി​ക​ള്‍ക്കു​മാ​യി ക്ലാ​സ് മു​റി​ക​ളി​ലും പാ​ര്‍ക്കി​ലും നി​ര​വ​ധി കാ​യി​കോ​പ​ക​ര​ണ​ങ്ങ​ൾ സ​ജ്ജീ​ക​രി​ച്ചു. അ​ടി​സ്ഥാ​ന ച​ല​ന നൈ​പു​ണി​ക​ള്‍, താ​ളാ​ത്മ​ക ച​ല​ന​ങ്ങ​ള്‍, നാ​ച്ചു​റ​ല്‍ പ്ലേ, ​കി​ഡ്‌​സ് യോ​ഗ, ശാ​രീ​രി​ക ഏ​കോ​പ​ന ശേ​ഷി​ക​ള്‍, സ​ഹ​ക​ര​ണ ശേ​ഷി​ക​ള്‍, ട്ര​ഷ​ര്‍ ഹ​ണ്ട്, ഒ​ബ്സ്റ്റ​ക്കി​ള്‍ റേ​സ് തു​ട​ങ്ങി​യ കാ​യി​ക വി​നോ​ദ​ങ്ങ​ളെ പ്രോ​ത്സാ​ഹി​പ്പി​ക്കു​ന്ന ഉ​പ​ക​ര​ണ​ങ്ങ​ളാ​ണ് കു​ട്ടി​ക​ള്‍ക്കാ​യി ഒ​രു​ക്കി​യി​രി​ക്കു​ന്ന​ത്.

എം.​എ​ല്‍.​എ ഫ​ണ്ടി​ല്‍നി​ന്ന്​ 15 ല​ക്ഷം രൂ​പ ചെ​ല​വ​ഴി​ച്ചാ​ണ് ശി​ശു സൗ​ഹൃ​ദ ക്ലാ​സ് മു​റി നി​ര്‍മി​ച്ച​ത്. സ്‌​കൂ​ള്‍ അ​ങ്ക​ണ​ത്തി​ല്‍ ന​ട​ന്ന ച​ട​ങ്ങി​ല്‍ നെ​ടു​മ​ങ്ങാ​ട് ന​ഗ​ര​സ​ഭ ചെ​യ​ര്‍പേ​ഴ്സ​ണ്‍ സി.​എ​സ്. ശ്രീ​ജ അ​ധ്യ​ക്ഷ​ത വ​ഹി​ച്ചു. വൈ​സ് ചെ​യ​ര്‍മാ​ന്‍ എ​സ്. ര​വീ​ന്ദ്ര​ന്‍, വി​വി​ധ സ്റ്റാ​ന്‍ഡി​ങ് ക​മ്മി​റ്റി അ​ധ്യ​ക്ഷ​ന്മാ​ര്‍, സ്​​പോ​ര്‍ട്സ് കേ​ര​ള ഫൗ​ണ്ടേ​ഷ​ന്‍ ചീ​ഫ് ഓ​പ​റേ​റ്റി​ങ് ഓ​ഫി​സ​ര്‍ ഡോ. ​അ​ജ​യ​കു​മാ​ര്‍ കെ, ​ഹെ​ല്‍ത്തി കി​ഡ്സ് സ്റ്റേ​റ്റ് പ്രോ​ജ​ക്ട് ഹെ​ഡ് ശ്രീ​ഹ​രി പ്ര​ഭാ​ക​ര​ന്‍ തു​ട​ങ്ങി​യ​വ​ർ പ​ങ്കെ​ടു​ത്തു.