വസ്തു വാഗ്ദാനംചെയ്ത്​ അഡ്വാൻസ് വാങ്ങി കബളിപ്പിച്ചെന്ന കേസിൽ സ്ത്രീ അറസ്റ്റിൽ

നെ​ടു​മ​ങ്ങാ​ട്: വ​സ്തു വി​ല​ക്ക്​ ന​ൽ​കാ​മെ​ന്ന്​ വാ​ഗ്ദാ​നം​ചെ​യ്ത്​ പ​ല​രി​ൽ​നി​ന്ന്​ ല​ക്ഷ​ങ്ങ​ൾ ത​ട്ടി​യ കേ​സി​ലെ പ്ര​തി അ​റ​സ്റ്റി​ൽ. നെ​ടു​മ​ങ്ങാ​ട് ചു​ള്ളി​മാ​നൂ​ർ ബൈ​ത്തു​ൽ നൂ​റി​ൽ ഷൈ​ല ബി​ഗ​ത്തെ​യാ​ണ്​ (51) നെ​ടു​മ​ങ്ങാ​ട് പൊ​ലീ​സ് അ​റ​സ്റ്റ് ചെ​യ്ത​ത്.

നെ​ടു​മ​ങ്ങാ​ട് സ​ബ് ട്ര​ഷ​റി​ക്ക് സ​മീ​പ​മു​ള്ള 20.5 സെ​ന്റ് വ​സ്തു​വും വീ​ടും വി​ല​ക്ക്​ ന​ൽ​കാ​മെ​ന്ന് പ​റ​ഞ്ഞ്​ ക​ഴി​ഞ്ഞ വ​ർ​ഷം ഫെ​ബ്രു​വ​രി​യി​ൽ ബാ​ല​രാ​മ​പു​രം വ​ഴി​മു​ക്ക് വേ​ട്ടു​വി​ളാ​കം എ​സ്.​എ​ച്ച് ബി​ൽ​ഡി​ങ്ങി​ൽ സ​ക്കീ​ർ ഹു​സൈ​നി​ൽ​നി​ന്ന്​ 28ല​ക്ഷം രൂ​പ ബാ​ങ്ക് അ​ക്കൗ​ണ്ട് വ​ഴി​യും ര​ണ്ട് ല​ക്ഷം നേ​രി​ട്ടും വാ​ങ്ങി നെ​ടു​മ​ങ്ങാ​ട് സ​ബ് ര​ജി​സ്ട്രാ​ർ ഓ​ഫി​സ് മു​ഖേ​ന എ​ഗ്രി​മെ​ന്റ് എ​ഴു​തി. ഈ ​വ​സ്തു കു​തി​ര​കു​ളം സു​ഫി​ന മ​ൻ​സി​ലി​ൽ സു​ൽ​ഫ​ത് ബീ​വി​യി​ൽ​നി​ന്ന്​ 25 ല​ക്ഷം രൂ​പ കൈ​പ്പ​റ്റി മ​റ്റൊ​രു ക​രാ​റും ന​ട​ത്തി.

സു​ൽ​ഫ​ത് വ​സ്തു എ​ഴു​തി ന​ൽ​കി​യി​ല്ലെ​ന്ന് ആ​രോ​പി​ച്ച്​ നെ​ടു​മ​ങ്ങാ​ട് സ​ബ് കോ​ട​തി മു​ഖേ​ന വ​സ്തു അ​റ്റാ​ച്ച് ചെ​യ്തു. ഇ​ത​റി​ഞ്ഞ സ​ക്കീ​ർ അ​ഡ്വാ​ൻ​സ് തു​ക തി​രി​കെ ചോ​ദി​ച്ചെ​ങ്കി​ലും മ​ട​ക്കി ന​ൽ​കാ​തെ ക​ബ​ളി പ്പി​ക്കു​ക​യാ​യി​രു​ന്നു. തു​ട​ർ​ന്നാ​ണ് നെ​ടു​മ​ങ്ങാ​ട് പൊ​ലീ​സി​ൽ പ​രാ​തി ന​ൽ​കി​യ​ത്.

കാ​ട്ടാ​ക്ക​ട പൊ​ലീ​സ് സ്റ്റേ​ഷ​ൻ പ​രി​ധി​യി​ലെ ചൂ​ണ്ടു​പ​ല​ക​യി​ൽ ഷൈ​ല​ബീ​ഗ​ത്തി​ന്റെ മ​റ്റൊ​രു വ​സ്തു​വും സ​ക്കീ​റി​ന്​ വി​ല​ക്ക്​ ന​ൽ​കാ​മെ​ന്ന് പ​റ​ഞ്ഞു 42 ല​ക്ഷം രൂ​പ ഇ​തി​നി​ട​യി​ൽ അ​ഡ്വാ​ൻ​സ് വാ​ങ്ങി​യി​രു​ന്നു. ഈ ​വ​സ്തു​വും എ​ഴു​തി ന​ൽ​കി​യി​ല്ല. ഇ​വി​ടെ​യും ഇ​വ​ർ​ക്കെ​തി​രെ കേ​സു​ണ്ട്.

ഈ ​കേ​സി​ൽ മു​ൻ‌​കൂ​ർ ജാ​മ്യം നേ​ടി സ്റ്റേ​ഷ​നി​ൽ ഹാ​ജ​രാ​യ​പ്പോ​ഴാ​ണ് നെ​ടു​മ​ങ്ങാ​ട് പൊ​ലീ​സ് എ​ത്തി അ​റ​സ്റ്റ് ചെ​യ്ത​ത്. പ്ര​തി​യെ നെ​ടു​മ​ങ്ങാ​ട് കോ​ട​തി​യി​ൽ ഹാ​ജ​രാ​ക്കി.