നെടുമങ്ങാട് ജില്ല ആശുപത്രി വികസനത്തിന് പദ്ധതി

നെ​ടു​മ​ങ്ങാ​ട്: നെ​ടു​മ​ങ്ങാ​ട് ജി​ല്ല ആ​ശു​പ​ത്രി വി​ക​സ​ന​ത്തി​ന്‌ പു​തി​യ പ​ദ്ധ​തി​ക​ൾ ന​ട​പ്പാ​ക്കും. മ​ന്ത്രി വീ​ണ ജോ​ര്‍ജി​ന്റെ അ​ധ്യ​ക്ഷ​ത​യി​ല്‍ ആ​രോ​ഗ്യ​വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​ര്‍ പ​ങ്കെ​ടു​ത്ത യോ​ഗ​ത്തി​ലാ​ണ് സ​മ​ഗ്ര​വി​ക​സ​ന​ത്തി​ന് തീ​രു​മാ​ന​മാ​യ​ത്.

നെ​ടു​മ​ങ്ങാ​ട്​ എം.​എ​ൽ.​എ​യും മ​ന്ത്രി ജി.​ആ​ര്‍. അ​നി​ലി​ന്റെ സാ​ന്നി​ധ്യ​ത്തി​ലാ​യി​രു​ന്നു യോ​ഗം. ആ​ശു​പ​ത്രി​യി​ലെ ഒ.​പി ജ​ന​സൗ​ഹൃ​ദ​മാ​ക്കു​ന്ന​തി​ന്റെ ഭാ​ഗ​മാ​യി കാ​ഷ്വാ​ലി​റ്റി വി​ഭാ​ഗം പു​നഃ​ക്ര​മീ​ക​രി​ച്ച് ട്രോ​മാ കെ​യ​ര്‍ സം​വി​ധാ​നം​കൂ​ടി ന​ട​പ്പാ​ക്കും. ക്യാ​ഷ്വാ​ലി​റ്റി മെ​ഡി​ക്ക​ല്‍ ഓ​ഫി​സ​റു​ടെ സേ​വ​ന​വും ഉ​റ​പ്പാ​ക്കും.

മ​ല​യോ​ര മേ​ഖ​ല​ക​ളി​ല്‍ താ​മ​സി​ക്കു​ന്ന​വ​ര്‍ക്ക് പാ​മ്പു​ക​ടി​യേ​റ്റാ​ല്‍ തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജി​ലേ​ക്ക് റ​ഫ​ര്‍ ചെ​യ്യു​ക​യാ​ണ് നെ​ടു​മ​ങ്ങാ​ട് ജി​ല്ല ആ​ശു​പ​ത്രി​യി​ല്‍ ചെ​യ്യു​ന്ന​ത്.

ഇ​ത് ഒ​ഴി​വാ​ക്കി നെ​ടു​മ​ങ്ങാ​ട് ആ​ശു​പ​ത്രി​യി​ല്‍ ആ​ന്റി​വെ​നം ചി​കി​ത്സ​ക്കാ​യി ഡോ​ക്ട​ര്‍മാ​ര്‍ക്ക് പ​രി​ശീ​ല​നം ന​ല്‍കി അ​വി​ടെ ചി​കി​ത്സ ന​ല്‍കു​ന്ന​തി​നു​ള്ള ന​ട​പ​ടി സ്വീ​ക​രി​ക്കും. നി​ല​വി​ല്‍ ര​ണ്ട്​ ഷി​ഫ്റ്റ് മാ​ത്ര​മു​ണ്ടാ​യി​രു​ന്ന ഡ​യാ​ലി​സി​സ് യൂ​നി​റ്റ് മൂ​ന്ന് ഷി​ഫ്റ്റ് ആ​യി ഉ​യ​ര്‍ത്തി സ്റ്റാ​ഫ് ന​ഴ്സ്, ടെ​ക്നീ​ഷ്യ​ന്‍ എ​ന്നി​വ​രു​ടെ സേ​വ​നം ഉ​റ​പ്പു​വ​രു​ത്തും. ഇ​തു​വ​ഴി വെ​യി​റ്റി​ങ്​ ലി​സ്റ്റി​ൽ ഉ​ള്ള​വ​ര്‍ക്ക് കൂ​ടി ഡ​യാ​ലി​സി​സ് ചി​കി​ത്സ ല​ഭ്യ​മാ​ക്കാ​ന്‍ ക​ഴി​യും.

ജി​ല്ല ആ​ശു​പ​ത്രി പ​രി​സ​ര​ത്ത് ഐ​സൊ​ലേ​ഷ​ന്‍ വാ​ര്‍ഡും ഓ​ക്സി​ജ​ന്‍ പ്ലാ​ന്റും നി​ര്‍മി​ക്കും. കാ​ല​പ്പ​ഴ​ക്കം ചെ​യ്ത പ​ഴ​യ കെ​ട്ടി​ടം പൊ​ളി​ച്ചു​മാ​റ്റി ആ​രോ​ഗ്യ​വ​കു​പ്പി​ന്റെ പ്ലാ​ന്‍ ഫ​ണ്ടി​ല്‍ ഉ​ള്‍പ്പെ​ടു​ത്തി അ​ത്യാ​ധു​നി​ക സം​വി​ധാ​ന​ത്തോ​ടു​കൂ​ടി​യ ബ​ഹു​നി​ല കെ​ട്ടി​ടം നി​ര്‍മി​ക്കു​ന്ന​തി​നാ​യി മാ​സ്റ്റ​ര്‍ പ്ലാ​ന്‍ ത​യാ​റാ​ക്കാ​ന്‍ 15 ല​ക്ഷം രൂ​പ പ്ലാ​ന്‍ ഫ​ണ്ടി​ല്‍ നി​ന്നും അ​നു​വ​ദി​ക്കും.

ആ​ശു​പ​ത്രി​യി​ല്‍ ബ്ല​ഡ് ബാ​ങ്ക് നി​ര്‍മി​ക്കു​ന്ന​തി​ന്റെ സാ​ധ്യ​ത​ക​ളും പ​രി​ശോ​ധി​ക്കും. ആ​രോ​ഗ്യ​വ​കു​പ്പ് ഡ​യ​റ​ക്ട​ർ​മാ​രാ​യ ഡോ. ​വി.​ആ​ർ. രാ​ജു, അ​സി.​ഡ​യ​റ​ക്ട​ർ, ഡോ.​ജ​ഗ​ദീ​ശ​ൻ, ഡോ.​വീ​ണ, ഡി.​പി.​എം (എ​ന്‍.​എ​ച്ച്.​എം) ഡോ. ​ആ​ശ, ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഉ​ള്‍പ്പെ​​ടെ​യു​ള്ള ഉ​ദ്യോ​ഗ​സ്ഥ​ര്‍ യോ​ഗ​ത്തി​ല്‍ പ​ങ്കെ​ടു​ത്തു.