അയൽവാസിയെ ആക്രമിച്ച് ഓട്ടോറിക്ഷ തകർത്ത കേസിൽ പ്രതി പിടിയിൽ
text_fieldsഅറസ്റ്റിലായ ശ്രീജിത്ത്
നെടുമങ്ങാട്: അയൽവാസിയെ ആക്രമിച്ച് ഓട്ടോറിക്ഷ തകർത്ത കേസിൽ പ്രതി പിടിയിൽ. കരകുളം ആറാംകല്ല് കല്ലുവരമ്പിൽ വീട്ടിൽ ഉണ്ണികൃഷ്ണനെ (31) ആക്രമിച്ച കേസിലാണ് അയൽവാസി ശ്രീജിത്തിനെ (24) അരുവിക്കര പൊലീസ് അറസ്റ്റ് ചെയ്തത്. കൂലിപ്പണിക്കാരനായ ഉണ്ണികൃഷ്ണൻ വെള്ളിയാഴ്ച രാത്രി ഏഴോടെ ജോലി കഴിഞ്ഞ് വീട്ടിലേക്ക് മടങ്ങുന്നതിനിടയിൽ ആറാംകല്ല് ജങ്ഷനു സമീപം ചായ കുടിക്കാൻ ഓട്ടോറിക്ഷ നിർത്തി.
പരിക്കേറ്റ ഉണ്ണികൃഷ്ണൻ
ഈ സമയം അവിടെയെത്തിയ ശ്രീജിത്തും കൂട്ടുകാരൻ രാജീവും ചേർന്ന് ഉണ്ണികൃഷ്ണനെ ആക്രമിച്ച് പരിക്കേൽപ്പിക്കുകയായിരുന്നു. തലക്കും അടിവയറ്റിലും സാരമായ പരിക്കുണ്ട്. ഇയാളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഉണ്ണികൃഷ്ണന്റെ മൊബൈൽ ഫോണും ഓട്ടോറിക്ഷയും അക്രമികൾ തകർത്തു. അരുവിക്കര പൊലീസ് വധശ്രമത്തിന് കേസെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.