മോഷണക്കേസിൽ രണ്ടുപേർ പിടിയിൽ

നെടുമങ്ങാട്: മോഷണക്കേസിൽ രണ്ടുപേരെ നെടുമങ്ങാട് പൊലീസ് അറസ്റ്റ് ചെയ്തു. നെട്ട ഹൗസിങ് ബോർഡ് ജങ്ഷന് സമീപം മുഹമ്മദ് ഷഫീഖിന് വീട് നിർമിക്കാനായി കോൺട്രാക്ടർ ഷിബു താൽക്കാലികമായി നിർമിച്ച ഷെഡിൽ സൂക്ഷിച്ച പണി സാധനങ്ങളും ഇരുമ്പുകമ്പികളും മോഷ്ടിച്ച കേസിലാണ് രണ്ടുപേർ അറസ്റ്റിലായത്.

ചക്കിപ്പാറ രാജ്ഭവനിൽനിന്നും നെടുമങ്ങാട് പരിയാരം പറക്കോണം തടത്തരികത്ത് വീട്ടിൽ വാടകക്ക് താമസിക്കുന്ന ഷമീർ (24), വഴുതക്കാട് ക്രസ്റ്റൺ റോഡ് ടി.സി 11/312ൽ നിന്നും പറക്കോണം തടത്തരികത്ത് വീട്ടിൽ വാടകക്ക് താമസിക്കുന്ന ഈസ നാസർ(23) എന്നിവരാണ് അറസ്റ്റിലായത്. റിമാൻഡ് ചെയ്തു.