ബസ്‌ ഡ്രൈവര്‍ക്ക് മര്‍ദനം; യുവാവ് പിടിയില്‍

നേമം: ബസ്‌ ഡ്രൈവറെ മര്‍ദിച്ച സംഭവത്തില്‍ യുവാവ്​ അറസ്റ്റിൽ. പുളിയറക്കോണം കുളങ്ങരവിളാകംവീട്ടില്‍ സുബ്രഹ്‌മണ്യന്‍ (33) ആണ് അറസ്റ്റിലായത്. റോഡുവശത്ത് ലോട്ടറിത്തട്ട് നടത്തിവരുന്നയാളാണ് സുബ്രഹ്‌മണ്യന്‍. തട്ട് മറയ്ക്കുന്ന തരത്തില്‍ ബസ് പാര്‍ക്ക് ചെയ്തതാണ് പ്രകോപനത്തിന് കാരണമായത്.

കെ.എസ്.ആര്‍.ടി.സി ബസിന്റെ ഡ്രൈവറായ പേരൂര്‍ക്കട മണികണ്​​േഠശ്വരം സ്വദേശി ജയമോഹന്‍ (47) ആണ് ആക്രമണത്തിന് ഇരയായത്. കാട്ടാക്കട ഡിവൈ.എസ്.പി ഷിബുവിന്റെ നിർദേശപ്രകാരം വിളപ്പില്‍ശാല സി.ഐ എന്‍. സുരേഷ്‌കുമാര്‍, ജി.എസ്.ഐ ബൈജു, അനില്‍, പ്രദീപ് എന്നിവര്‍ ഉള്‍പ്പെട്ട സംഘമാണ് പ്രതിയെ പിടികൂടിയത്. ഇയാളെ കോടതി റിമാന്‍ഡ് ചെയ്തു.