വയോധികനെ കുത്തിപ്പരിക്കേൽപിച്ച സംഭവത്തിൽ പ്രതി പിടിയിലായി

നേമം: അതിര് തർക്കത്തെതുടർന്ന് വയോധികനെ കുത്തിപ്പരിക്കേൽപിച്ച സംഭവത്തിൽ പ്രതി വിളപ്പിൽശാല പൊലീസ് പിടിയിലായി. വിളപ്പിൽ വിട്ടിയം അലൈറ്റി നിരപ്പിൽ വീട്ടിൽ ബാബു (50) ആണ് പിടിയിലായത്. മാർച്ച് 19നാണ് കേസിനാസ്പദമായ സംഭവം.

വിട്ടിയം അലൈറ്റി നിരപ്പിൽ വീട്ടിൽ കേശവ​െൻറ മകൻ മണിയനാണ്​ (80) കുത്തേറ്റത്. രാവിലെ മണിയ​െൻറ പുരയിടത്തിൽ എത്തിയ പ്രതി അതിർത്തി തർക്കത്തിൽ ഏർപ്പെടുകയും പ്രകോപിതനായി സ്​റ്റീൽ കത്തികൊണ്ട്​ മണിയനെ കുത്താൻ ശ്രമിക്കുകയും ചെയ്തു.

കുത്ത് കൊള്ളാതിരിക്കാൻ ഒഴിഞ്ഞുമാറുന്നതിനിടെ മണിയ​െൻറ തലയുടെ പിറകുവശത്ത് കത്തി പതിക്കുകയായിരുന്നു.

ഒളിവിലായിരുന്ന പ്രതിയെ വിളപ്പിൽശാല സി.ഐ ജി. സുരേഷ് കുമാർ, എസ്.ഐ സരിൻ, എ.എസ്.ഐമാരായ ഹരികുമാർ, സുരേഷ്, സുനിൽ, സി.പി.ഒമാരായ സതീഷ്, സന്തോഷ് എന്നിവർ ഉൾപ്പെട്ട സംഘമാണ് പിടികൂടിയത്. പ്രതിയെ കോടതിയിൽ ഹാജരാക്കി.