ലഹരിമരുന്ന് വിൽപനക്കാരനെ ബംഗളുരുവിൽ നിന്ന് പിടികൂടി

നേ​മം: മാ​ര​ക ല​ഹ​രി​മ​രു​ന്നാ​യ എം.​ഡി.​എം.​എ മൊ​ത്ത വ്യാ​പാ​രം ന​ട​ത്തു​ന്ന​യാ​ളെ ബം​ഗ​ളു​രു​വി​ൽ നി​ന്ന് ക​ര​മ​ന പൊ​ലീ​സ് പി​ടി​കൂ​ടി. കാ​സ​ർ​ഗോ​ഡ് മ​ഞ്ചേ​ശ്വ​രം ഉ​പ്പ​ള സ​മ​ദ് മ​ൻ​സി​ലി​ൽ അ​ബ്ദു​ൽ സ​മ​ദ് (26) ആ​ണ് പി​ടി​യി​ലാ​യ​ത്. ഏ​പ്രി​ൽ അ​വ​സാ​ന വാ​രം 65 ഗ്രാ​മോ​ളം വ​രു​ന്ന എം.​ഡി.​എം.​എ​യു​മാ​യി കി​ള്ളി ടൂ​റി​സ്റ്റ് ഹോ​മി​ൽ നി​ന്ന് ആ​റു പേ​ർ പി​ടി​യി​ലാ​യി​രു​ന്നു. ഇ​വ​രി​ൽ നി​ന്ന് ല​ഭി​ച്ച ര​ഹ​സ്യ വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് പോ​ലീ​സ് അ​ന്വേ​ഷ​ണം ആ​രം​ഭി​ച്ച​ത്.

പി​ടി​യി​ലാ​യ അ​ബ്ദു​ൽ സ​മ​ദ് ബാം​ഗ്ലൂ​ർ കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ചു​വ​രി​ക​യാ​യി​രു​ന്നു. എം.​ഡി.​എം.​എ കേ​ര​ള​ത്തി​ലേ​ക്ക് സ​പ്ലൈ ചെ​യ്യു​ന്ന​ത് അ​ബ്ദു​ൽ സ​മ​ദ് ആ​ണെ​ന്ന് പോ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. വ​ൻ റാ​ക്ക​റ്റി​ലെ ഒ​രു ക​ണ്ണി​യാ​ണ് ഇ​യാ​ളെ​ന്നും ഒ​രു നൈ​ജീ​രി​യ​ക്കാ​ര​നി​ൽ നി​ന്നാ​ണ് അ​ബ്ദു​ൽ സ​മ​ദ് ല​ഹ​രി​മ​രു​ന്ന് വാ​ങ്ങു​ന്ന​തെ​ന്നും പോ​ലീ​സ് ക​ണ്ടെ​ത്തി.

വ​ഞ്ചി​യൂ​ർ സ്റ്റേ​ഷ​ൻ പ​രി​ധി​യി​ൽ എം.​ഡി.​എം.​എ​യു​മാ​യി ചി​ല​ർ പി​ടി​യി​ലാ​യി​രു​ന്നു. അ​വ​ർ​ക്കും ല​ഹ​രി​മ​രു​ന്ന് എ​ത്തി​ച്ച​ത് അ​ബ്ദു​ൽ സ​മ​ദ് എ​ന്നാ​ണ് സൂ​ച​ന. കി​ള്ളി ടൂ​റി​സ്റ്റ് ഹോ​മി​ൽ നി​ന്ന് പി​ടി​യി​ലാ​യ പ്ര​തി​ക​ളി​ൽ നി​ന്ന് ല​ഭി​ച്ച ര​ഹ​സ്യ വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് ക​ര​മ​ന പോ​ലീ​സ് ഇ​യാ​ളെ ക​സ്റ്റ​ഡി​യി​ലെ​ടു​ക്കു​ക​യും തി​രു​വ​ന​ന്ത​പു​ര​ത്തേ​ക്ക് കൊ​ണ്ടു​വ​രു​ക​യും ചെ​യ്ത​ത്.

ഫോ​ർ​ട്ട്‌ അ​സി​സ്റ്റ​ന്റ് ക​മ്മി​ഷ​ണ​ർ എ​സ്. ഷാ​ജി​യു​ടെ നി​ർ​ദേ​ശ​നു​സ​ര​ണം ക​ര​മ​ന സി.​ഐ സു​ജി​ത്ത്, എ​സ്.​ഐ സ​ന്തു, സി.​പി.​ഒ​മാ​രാ​യ ഹ​രീ​ഷ്, ശ്രീ​നാ​ഥ്, ഉ​ദ​യ​ൻ എ​ന്നി​വ​ർ ചേ​ർ​ന്ന്​ ക​സ്റ്റ​ഡി​യി​ലെ​ടു​ത്ത പ്ര​തി​യെ കോ​ട​തി​യി​ൽ ഹാ​ജ​രാ​ക്കി.