കഞ്ചാവും വിറ്റുകിട്ടിയ പണവുമായി യുവാവ് പിടിയിൽ

നേമം: കഞ്ചാവും അത് വിറ്റുകിട്ടിയ പണവുമായി യുവാവിനെ നേമം പൊലീസ് പിടികൂടി. കൊല്ലം മുണ്ടയ്ക്കൽ സ്വദേശി റോബിൻ (32) ആണ് പിടിയിലായത്. വെള്ളിയാഴ്ച പൊലീസ് നടത്തിയ വാഹനപരിശോധനയ്ക്കിടെ കേളേശ്വരം ക്ഷേത്രത്തിനു സമീപം സംശയകരമായ സാഹചര്യത്തിലാണ് യുവാവിനെ കസ്റ്റഡിയിലെടുത്തത്. പരിശോധനയിൽ 20 ഗ്രാം കഞ്ചാവും വിറ്റുകിട്ടിയ തുകയായ 2000 രൂപയും കണ്ടെടുത്തു. ഒരു ബംഗാൾ സ്വദേശിയുടെ പക്കൽ നിന്നാണ് തനിക്ക് കഞ്ചാവ് ലഭിച്ചത് എന്നാണ് യുവാവ് പൊലീസിനോട് പറഞ്ഞത്.