സൈനികര്‍ക്ക് ആത്മധൈര്യം പകര്‍ന്ന്​ റിട്ട. സുബേദാര്‍ ശ്രീകണ്ഠന്‍ നായര്‍

നേ​മം: പ്ര​തി​കൂ​ല സാ​ഹ​ച​ര്യ​ങ്ങ​ൾ സേ​വ​ന​മ​നു​ഷ്ടി​ക്കു​ന്ന​തി​നി​ടെ മ​നോ​നി​ല കൈ​വി​ട്ട സൈ​നി​ക​ര്‍ക്ക് ആ​ത്മ​ധൈ​ര്യം പ​ക​ര്‍ന്ന റി​ട്ട. സൈ​നി​ക​ൻ നേ​മ​ത്തി​ന്​ അ​ഭി​മാ​നം. പൊ​ന്നു​മം​ഗ​ലം ടി.​സി 50/728 സു​ര​ഭി ഭ​വ​നി​ല്‍ കെ. ​ശ്രീ​ക​ണ്ഠ​ന്‍ നാ​യ​രാ​ണ്​ (60) സൈ​നി​ക സേ​വ​ന​ത്തി​ലു​ള്ള​പ്പോ​ഴും അ​ല്ലോ​ത്ത​പ്പോ​ഴും 5,000ത്തി​ലേ​റെ പേ​ർ​ക്ക്​ ആ​ത്മ​ധൈ​ര്യം പ​ക​ര്‍ന്ന്​ ആ​ത്മ​ഹ​ത്യ​യി​ല്‍നി​ന്ന് ര​ക്ഷി​ച്ച​ത്. മാ​ന​സി​ക സ​മ്മ​ര്‍ദ്ദം അ​നു​ഭ​വ​പ്പെ​ടു​ന്ന സൈ​നി​ക​ര്‍ക്ക് കൗ​ണ്‍സി​ലി​ങ്​ ന​ല്‍കു​ന്ന​തി​ൽ ഇ​ദ്ദേ​ഹം സ​ദാ ശ്ര​ദ്ധാ​ലു​വാ​യി​രു​ന്നു.

സ്‌​കൂ​ള്‍-​കോ​ള​ജ് വി​ദ്യാ​ർ​ഥി​ക​ള്‍ക്ക്​ കൗ​ണ്‍സ​ലി​ങ്​ ന​ല്‍കി മി​ക​ച്ച ജീ​വി​ത​മാ​ർ​ഗം കാ​ണി​ച്ചു​കൊ​ടു​ത്ത​തി​നും ആ​ര്‍മി​യി​ല്‍ മി​ക​ച്ച രീ​തി​യി​ല്‍ സേ​വ​നം അ​നു​ഷ്ഠി​ച്ച​തി​നും ഡ​യ​റ​ക്ട​റേ​റ്റ് ജ​ന​റ​ലി​ന്റെ ഉ​ന്ന​ത അ​വാ​ര്‍ഡാ​യ ക​മാ​ന്‍ഡേ​ഷ​ന്‍ കാ​ര്‍ഡ് അ​ഥ​വാ മു​ദ്ര ജ​ന​റ​ല്‍ ഇ​ദ്ദേ​ഹ​ത്തി​ന് ല​ഭി​ച്ചി​രു​ന്നു.

ഗ​വ​ര്‍ണേ​ഴ്‌​സ് ഗോ​ള്‍ഡ് മെ​ഡ​ലും ശ്രീ​ക​ണ്ഠ​ന്‍ നാ​യ​ര്‍ക്ക് ല​ഭി​ച്ചു. മി​ക​ച്ച കൗ​ണ്‍സി​ലി​ങ്ങി​ന് സ​നാ​ത​ന ധ​ര്‍മ്മ പ​രി​പാ​ല​ന സം​ഘം പൊ​ന്നാ​ട ചാ​ര്‍ത്തി ആ​ദ​രി​ച്ചു. വി​ശ്ര​മ​ജീ​വി​ത​ത്തി​നി​ട​യി​ലും വി​ദ്യാ​ർ​ഥി​ക​ള്‍ക്കും സ​മൂ​ഹ​ത്തി​ന്റെ വി​വി​ധ തു​റ​ക​ളി​ലു​ള്ള​വ​ര്‍ക്കും ഇ​ദ്ദേ​ഹം കൗ​ണ്‍സി​ലി​ങ്​ ന​ല്‍കു​ന്നു.

സ​ർ​വി​സ്​ കാ​ല​യ​ള​വി​ല്‍ അ​രു​ണാ​ച​ല്‍ പ്ര​ദേ​ശ്, നാ​ഗാ​ലാ​ന്‍ഡ്, മ​ണി​പ്പൂ​ര്‍, ത്രി​പു​ര, ബം​ഗ​ളൂ​രു, ആ​സാം എ​ന്നി​വി​ട​ങ്ങ​ളി​ൽ സേ​വ​ന​മ​നു​ഷ്ഠി​ച്ചു. ശി​പാ​യി​യാ​യി 19ാം വ​യ​സ്സി​ലാ​ണ് ആ​ര്‍മി​യി​ല്‍ സേ​വ​നം ആ​രം​ഭി​ച്ച​ത്. 41 വ​ര്‍ഷ​ത്തെ സേ​വ​ന​ത്തി​നു​ശേ​ഷ​മാ​ണ് ജൂ​ണ്‍ ഒ​ന്നി​ന് വി​ര​മി​ച്ച​ത്. സു​ര​ഭി എ​സ്. നാ​യ​ര്‍ ആ​ണ് ഭാ​ര്യ. ആ​തി​ര, അ​പ​ര്‍ണ എ​ന്നി​വ​ര്‍ മ​ക്ക​ളാ​ണ്.