സരസമ്മ മത്സരിക്കുന്നു; ജീവിതസമരത്തോട് ആയുധമില്ലാതെ

നേ​മം: ജീ​വി​തം തു​ന്നി​ച്ചേ​ര്‍ക്കാ​ന്‍, മ​ക്ക​ള്‍ക്ക് വ​യ​റു​നി​റ​യെ വാ​രി​യു​ണ്ണാ​ന്‍ 39 വ​ര്‍ഷം മു​മ്പ് കോ​ടാ​ലി​യെ​ടു​ത്ത വീ​ട്ട​മ്മ. ഈ 94ാം ​വ​യ​സ്സി​ലും വി​റ​കു​കീ​റി വി​റ്റ് ഉ​പ​ജീ​വ​നം ന​ട​ത്തു​ക​യാ​ണ് വി​ള​വൂ​ര്‍ക്ക​ല്‍ പ​ള്ളി​ത്ത​റ പു​ത്ത​ന്‍വീ​ട്ടി​ല്‍ സ​ര​സ​മ്മ.

കോ​ടാ​ലി കൊ​ണ്ട്​ ത​ടി​യി​ല്‍ ആ​ഞ്ഞു​വെ​ട്ടി ചെ​റു​ക​ഷ​ണ​ങ്ങ​ളാ​ക്കാ​നും വി​റ​ക് തൂ​ക്കി വി​ല്‍ക്കാ​നും ബാ​ക്കി​യു​ള്ള​ത് അ​ടു​ക്കി ​െവ​ക്കാ​നും കാ​ല്‍മു​ട്ടോ​ളം കു​നി​ഞ്ഞു​പോ​യ ആ ​ശ​രീ​ര​ത്തി​ന് ഇ​പ്പോ​ഴും ഒ​രു ആ​യാ​സ​വു​മി​ല്ല. 1985ല്‍ ​സ​ര​സ​മ്മ​യെ​യും നാ​ലു​മ​ക്ക​ളെ​യും ഭ​ര്‍ത്താ​വ് രാ​മ​കൃ​ഷ്ണ​ന്‍ ഉ​പേ​ക്ഷി​ച്ചു​പോ​യി. ഒ​ന്ന​ര സെ​ന്റി​ലെ വീ​ട്ടി​ല്‍ സ​ര​സ​മ്മ​യും മ​ക്ക​ളും പ​ട്ടി​ണി​യു​ണ്ട​ത് ദി​വ​സ​ങ്ങ​ളോ​ളം. ആ​രെ​യും ആ​ശ്ര​യി​ക്കാ​തെ കു​ടും​ബം പോ​റ്റാ​ന്‍ വ​ഴി​യെ​ന്തെ​ന്ന ചി​ന്ത സ​ര​സ​മ്മ​യെ വി​റ​കു​വി​ല്‍പ​ന​ക്കാ​രി​യാ​ക്കി.

മ​രം​വെ​ട്ടു​കാ​ര​നാ​യ ഭ​ര്‍ത്താ​വി​ല്‍നി​ന്ന് പ​ഠി​ച്ച വി​റ​കു​കീ​റ​ല്‍ സ​ര​സ​മ്മ ജീ​വി​ത​മാ​ര്‍ഗ​മാ​ക്കി. ര​ണ്ട് ആ​ണും ര​ണ്ട് പെ​ണ്ണും അ​ട​ങ്ങു​ന്ന കു​ടും​ബ​ത്തെ വി​റ​ക് വി​റ്റു​കി​ട്ടി​യ പ​ണം കൊ​ണ്ട് സ​ര​സ​മ്മ വ​ള​ര്‍ത്തി വ​ലു​താ​ക്കി. മ​ക്ക​ള്‍ വി​വാ​ഹി​ത​രാ​യി മ​റ്റു സ്ഥ​ല​ങ്ങ​ളി​ലേ​ക്ക് താ​മ​സം മാ​റി​യ​പ്പോ​ഴും ത​ന്റെ കൊ​ച്ചു​വീ​ടും തൊ​ഴി​ലും ഉ​പേ​ക്ഷി​ക്കാ​ന്‍ സ​ര​സ​മ്മ ത​യാ​റാ​യി​ല്ല. മ​ര​ക്ക​ച്ച​വ​ട​ക്കാ​ര്‍ വാ​ഹ​ന​ത്തി​ല്‍ ത​ടി​ക്ക​ഷ​ണ​ങ്ങ​ള്‍ വീ​ടി​നു​മു​ന്നി​ല്‍ ഇ​റ​ക്കി​യി​ടും. അ​വി​ടെ ​െവ​ച്ചു​ത​ന്നെ ഇ​തി​നെ വെ​ട്ടി​മു​റി​ച്ച് ചെ​റി​യ വി​റ​കാ​ക്കു​ന്ന​തും അ​വ മ​ഴ ന​ന​യാ​തെ അ​ടു​ക്കി ​െവ​ക്കു​ന്ന​തും വി​ല്‍ക്കു​ന്ന​തു​മെ​ല്ലാം ഈ ​വ​യോ​ധി​ക ഒ​റ്റ​ക്കാ​ണ്.

ഒ​രു കി​ലോ വി​റ​ക് ഇ​പ്പോ​ള്‍ ആ​റ്​ രൂ​പ​ക്കാ​ണ് വി​ല്‍ക്കു​ന്ന​ത്. അ​ധ്വാ​നി​ച്ച് കി​ട്ടു​ന്ന വ​രു​മാ​ന​ത്തി​ല്‍ അ​ഭി​മാ​ന​ത്തോ​ടെ ജീ​വി​ക്കു​ന്ന സ​ര​സ​മ്മ ഒ​രു മാ​തൃ​ക​യാ​ണ്. ജീ​വി​ത​ത്തി​ല്‍ പ​ക​ച്ചു​പോ​യ​വ​ര്‍ക്ക് വ​ലി​യൊ​രു സ​ന്ദേ​ശ​വും!