വിളപ്പിൽ പഞ്ചായത്ത് പരിധിയിൽ നായ് ശല്യം വീണ്ടും വർധിച്ചു

നേ​മം: ഒ​രി​ട​വേ​ള​ക്കു​ശേ​ഷം വി​ള​പ്പി​ൽ പ​ഞ്ചാ​യ​ത്ത് പ​രി​ധി​യി​ൽ നാ​യ്ശ​ല്യം അ​ധി​ക​രി​ക്കു​ന്നു. കൂ​ട്ട​മാ​യി വി​ഹ​രി​ക്കു​ന്ന തെ​രു​വു​നാ​യ്ക്ക​ൾ വ​ഴി​യാ​ത്രി​ക​രെ​യും വാ​ഹ​ന യാ​ത്രി​ക​രെ​യും ഒ​രു​പോ​ലെ ആ​ക്ര​മി​ക്കു​ന്നു. മൊ​ത്തം 20 വാ​ർ​ഡു​ക​ളു​ള്ള വി​ള​പ്പി​ൽ പ​ഞ്ചാ​യ​ത്തി​ൽ അ​ഞ്ച്​ വാ​ർ​ഡു​ക​ളി​ലാ​ണ് സ്ഥി​തി​ഗ​തി​ക​ൾ രൂ​ക്ഷ​മാ​യ​ത്.

ഒ​രു പ്ര​ത്യേ​ക പ്ര​ദേ​ശ​ത്ത് ഒ​ത്തു​കൂ​ടു​ന്ന തെ​രു​വു നാ​യ്ക്ക​ൾ മ​റ്റു​ള്ള നാ​യ്ക്ക​ളെ ഈ ​പ്ര​ദേ​ശ​ങ്ങ​ളി​ലേ​ക്ക് അ​ടു​പ്പി​ക്കു​ക​യി​ല്ല. കൂ​ട്ടം​ചേ​ർ​ന്ന് സ​ഞ്ച​രി​ക്കു​ന്ന ഇ​വ രാ​ത്രി യാ​ത്ര​ക്കാ​ർ​ക്കാ​ണ് പ്ര​ധാ​ന​മാ​യും ഭീ​ഷ​ണി സൃ​ഷ്ടി​ക്കു​ന്ന​ത്. പ​ഞ്ചാ​യ​ത്ത് പ​രി​ധി​യി​ലെ വി​വി​ധ സ്ഥ​ല​ങ്ങ​ളി​ൽ രൂ​ക്ഷ​മാ​യി തു​ട​രു​ന്ന മാ​ലി​ന്യ നി​ക്ഷേ​പ​വും അ​റ​വു​ശാ​ല​ക​ളി​ലെ അ​വ​ശി​ഷ്ട​ങ്ങ​ളും നാ​യ്ക്ക​ളു​ടെ ശ​ല്യം പെ​രു​കു​ന്ന​തി​ന് കാ​ര​ണ​മാ​യി​ട്ടു​ണ്ട്.

സ്ഥി​ര​മാ​യി അ​റ​വു​മാ​ലി​ന്യം അ​ന്വേ​ഷി​ച്ചെ​ത്തു​ന്ന നാ​യ്ക്ക​ളാ​ണ് കൂ​ടു​ത​ൽ ആ​ക്ര​മ​ണ​കാ​രി​ക​ളാ​യി മാ​റു​ന്ന​ത്. തെ​രു​വു വി​ള​ക്കു​ക​ൾ പ്ര​കാ​ശി​ക്കാ​ത്ത പാ​ത​ക​ളി​ൽ കാ​ൽ​ന​ട​യാ​ത്ര​ക്കാ​ർ വ​ന്നു​പെ​ട്ടാ​ൽ നാ​യ്ക്ക​ളു​ടെ ക​ടി​യേ​ൽ​ക്കു​മെ​ന്ന​ത് ഉ​റ​പ്പാ​ണ്. സ്ത്രീ​ക​ൾ​ക്കും കു​ട്ടി​ക​ൾ​ക്കും ഇ​വ ഭീ​ഷ​ണി​യാ​യി തീ​ർ​ന്നി​ട്ട് കു​റേ​നാ​ളാ​യി. വ​ന്ധ്യം​ക​ര​ണം ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട് പ​ഞ്ചാ​യ​ത്ത് ക​ർ​ശ​ന​മാ​യ നി​യ​മ​ങ്ങ​ൾ ന​ട​പ്പാ​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്.

ചി​ല പ്ര​ത്യേ​ക പ്ര​ദേ​ശ​ങ്ങ​ളി​ൽ നാ​യ്ക്ക​ളെ ഭ​യ​ന്ന് രാ​ത്രി​കാ​ല​ങ്ങ​ളി​ൽ ആ​ൾ​ക്കാ​ർ പു​റ​ത്തി​റ​ങ്ങാ​റി​ല്ല. നാ​യ്ക്ക​ൾ പെ​റ്റു​വ​രു​ന്ന അ​വ​സ്ഥ മാ​റ​ണ​മെ​ങ്കി​ൽ വ​ന്ധ്യം​ക​ര​ണം ഫ​ല​പ്ര​ദ​മാ​യി ന​ട​പ്പാ​ക്കു​ക മാ​ത്ര​മാ​ണ് മാ​ർ​ഗ്ഗം. പ​ഞ്ചാ​യ​ത്ത് പ​രി​ധി​യി​ലെ പ​ള്ളി​മു​ക്ക്, പേ​യാ​ട്, അ​ല​കു​ന്നം തു​ട​ങ്ങി​യ സ്ഥ​ല​ങ്ങ​ളി​ൽ നാ​യ് ശ​ല്യം ക്ര​മാ​തീ​ത​മാ​യി. അ​ല​ഞ്ഞു തി​രി​യു​ന്ന തെ​രു​വു​നാ​യ്ക്ക​ൾ വീ​ട്ടി​ൽ വ​ള​ർ​ത്തു​ന്ന നാ​യ്ക്ക​ൾ​ക്ക് രാ​ത്രി​കാ​ല​ങ്ങ​ളി​ൽ ഭീ​ഷ​ണി​യാ​കു​ന്ന​താ​യി വ്യാ​പ​ക പ​രാ​തി​യു​ണ്ട്.