ഉടമയോടുള്ള വ്യക്തി വിരോധം കാരണം പശുക്കളെ വെട്ടിപ്പരിക്കേൽപിച്ചു; യുവാവ് അറസ്റ്റിൽ
text_fieldsഅഗ്നീഷ്
നേമം (തിരുവനന്തപുരം): ഉടമയോടുള്ള വ്യക്തി വിരോധംമൂലം ഫാംഹൗസിൽ ഉണ്ടായിരുന്ന പശുക്കളെ വെട്ടിപ്പരിക്കേൽപിച്ച സംഭവത്തിൽ ഒരാളെ മലയിൻകീഴ് പൊലീസ് അറസ്റ്റ് ചെയ്തു. ഒറ്റശേഖരമംഗലം വാഴിച്ചൽ പേരേകോണം വീയക്കോണം കോളനി ബിന്ദു ഭവനിൽ അഗ്നീഷ് (23) ആണ് അറസ്റ്റിലായത്. കഴിഞ്ഞ ജൂൺ മാസത്തിലായിരുന്നു കേസിനാസ്പദമായ സംഭവം.
വിളവൂർക്കൽ പാവച്ചക്കുഴി ഭാഗത്ത് ഫാംഹൗസ് നടത്തിവരുന്ന രാജേഷ് ഭവനിൽ രാജേഷിെൻറ (29) ഫാം ഹൗസിലെ പശുക്കളാണ് ആക്രമണത്തിനിരയായത്. കമ്പിയും വെട്ടുകത്തിയും ഉപയോഗിച്ച് പ്രതികൾ പശുക്കളെ ആക്രമിക്കുകയായിരുന്നു. മലയിൻകീഴ് എസ്.ഐ ആർ. രാജേഷ്, സി.പി.ഒമാരായ അരുൺ, അഭിലാഷ് എന്നിവർ ഉൾപ്പെട്ട സംഘം പിടികൂടിയ പ്രതിയെ കോടതി റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.