പെൺകുട്ടിക്കുനേരേ അശ്ലീല പ്രദർശനം; യുവാവ് അറസ്റ്റിൽ

നേമം: പെൺകുട്ടിക്കുനേരേ അശ്ലീല പ്രദർശനം നടത്തിയെന്ന കേസിൽ യുവാവിനെ വിളപ്പിൽശാല പൊലീസ് അറസ്റ്റ് ചെയ്തു. മലയിൻകീഴ് മേപ്പൂക്കട കോളച്ചിറ സീനായ് ഭവനിൽ ബൈജു എന്ന് വിളിക്കുന്ന മുരുകൻ (34) ആണ് അറസ്റ്റിലായത്.

കഴിഞ്ഞ ദിവസമായിരുന്നു സംഭവം. പുളിയറക്കോണം സ്വദേശിനിയായ 12 വയസ്സുകാരിക്കു നേരേയാണ് പ്രതി അശ്ലീലപ്രദർശനം നടത്തിയത്. പരാതിയുടെ അടിസ്ഥാനത്തിൽ സി.ഐ അനീഷ് കരീമിൻറെ നേതൃത്വത്തിലുള്ള സംഘമാണ് പ്രതിയെ കസ്റ്റഡിയിലെടുത്തത്. ഇയാളെ കോടതി റിമാൻഡ് ചെയ്തു.