വാ​ർ​ത്ത​ക​ളു​ടെ ശ​രി​തെ​റ്റു​ക​ൾ പ​രി​ശോ​ധി​ക്കാ​നു​ള്ള സംവിധാനം അനിവാര്യം-മ​ന്ത്രി ഡോ. ​ആ​ർ. ബി​ന്ദു

തി​രു​വ​ന​ന്ത​പു​രം: വാ​ർ​ത്ത​ക​ളു​ടെ ശ​രി​തെ​റ്റു​ക​ൾ പ​രി​ശോ​ധി​ക്കാ​നു​ള്ള സം​വി​ധാ​നം അ​നി​വാ​ര്യ​മാ​ണെ​ന്ന് മ​ന്ത്രി ഡോ. ​ആ​ർ. ബി​ന്ദു. സാ​മാ​ന്യ​യു​ക്തി​ക്ക്​ നി​ര​ക്കാ​ത്ത വ്യാ​ജ​നി​ർ​മി​തി​ക​ൾ മാ​ധ്യ​മ​ങ്ങ​ൾ ഉ​ണ്ടാ​ക്കി​യെ​ടു​ക്കു​മ്പോ​ൾ അ​തി​നെ​തി​രാ​യി സ​ത്യ​ത്തി​ന്‍റെ പൊ​തു​ബോ​ധം സൃ​ഷ്ടി​ക്ക​ണ​മെ​ന്നും മ​ന്ത്രി പ​റ​ഞ്ഞു.

'സ​ത്യ​മേ​വ ജ​യ​തേ' എ​ന്ന പേ​രി​ലെ ഡി​ജി​റ്റ​ൽ മീ​ഡി​യ ലി​റ്റ​റ​സി കാ​മ്പെ​യി​ന്‍റെ ഭാ​ഗ​മാ​യി ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്‍റെ നേ​തൃ​ത്വ​ത്തി​ൽ കോ​ള​ജ് അ​ധ്യാ​പ​ക​ർ​ക്കാ​യി സം​ഘ​ടി​പ്പി​ക്കു​ന്ന ദ്വി​ദി​ന പ​രി​ശീ​ല​ന പ​രി​പാ​ടി ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​വ​ർ. മൂ​ല​ധ​ന​ശ​ക്തി​ക​ളു​ടെ നി​ർ​ദേ​ശ​ങ്ങ​ൾ​ക്ക​നു​സൃ​ത​മാ​യി വാ​ർ​ത്ത​ക​ൾ ചു​ട്ടെ​ടു​ക്കു​ക​യാ​ണ്. അ​ടി​സ്ഥാ​ന​ര​ഹി​ത കാ​ര്യ​ങ്ങ​ൾ, ഇ​താ​ണ്​ യാ​ഥാ​ർ​ഥ്യ​മെ​ന്ന്​ കാ​ണി​ച്ച് മ​നു​ഷ്യ​രു​ടെ ബോ​ധ​കേ​ന്ദ്ര​ത്തി​ലേ​ക്ക്​ ന​ൽ​കു​ന്ന​ത് ഉ​ത്ത​ര​വാ​ദി​ത്ത​മി​ല്ലാ​യ്മ​യാ​ണെ​ന്നും മ​ന്ത്രി പ​റ​ഞ്ഞു. കൊ​ളീ​ജി​യ​റ്റ് എ​ജു​ക്കേ​ഷ​ൻ അ​ഡീ​ഷ​ന​ൽ ഡ​യ​റ​ക്ട​ർ ഡോ. ​എം. ജ്യോ​തി​രാ​ജ് അ​ധ്യ​ക്ഷ​ത​വ​ഹി​ച്ചു. ഡെ​ൽ​റ്റ ലീ​ഡ്സ് സ്ഥാ​പ​ക​നും സി.​ഇ.​ഒ​യു​മാ​യ സെ​യി​ദ് ന​സാ​ക​ത് ഹു​സൈ​ൻ, കൊ​ളീ​ജി​യ​റ്റ് എ​ജു​ക്കേ​ഷ​ൻ ഡ​യ​റ​ക്ട​റേ​റ്റി​ലെ അ​ക്കൗ​ണ്ട്സ് ഓ​ഫി​സ​ർ ആ​ർ. ഗി​രീ​ഷ്, സൂ​പ്ര​ണ്ട് ചി​ത്ര എ​ന്നി​വ​രും പ​ങ്കെ​ടു​ത്തു.