മാലിന്യം തള്ളൽ; പരിശോധന കർശനമാക്കി നൈറ്റ്​ സ്ക്വാഡ്​

തി​രു​വ​ന​ന്ത​പു​രം: മാ​ലി​ന്യം അ​ടി​ഞ്ഞു​കൂ​ടി​യ ആ​മ​യി​ഴ​ഞ്ചാ​ൻ തോ​ട്ടി​ൽ ശു​ചീ​ക​ര​ണ​ത്തൊ​ഴി​ലാ​ളി വീ​ണു​​മ​രി​ക്കാ​നി​ട​യാ​യ സം​ഭ​വ​ത്തെ​തു​ട​ർ​ന്ന്​ പൊ​തു​നി​ര​ത്തു​ക​ളി​ലും ആ​മ​യി​ഴ​ഞ്ചാ​ന്‍ തോ​ട്ടി​ലും ഉ​ള്‍പ്പെ​ടെ മാ​ലി​ന്യം ത​ള്ളു​ന്ന​തി​നെ​തി​രെ പ​രി​ശോ​ധ​ന ക​ർ​ശ​ന​മാ​ക്കി കോ​ർ​പ​റേ​ഷ​ൻ. കോ​ർ​പ​റേ​ഷ​ൻ ഹെ​ല്‍ത്ത് വി​ഭാ​ഗം രാ​ത്രി​കാ​ല​ത്ത്​ ന​ട​ത്തി​യ സ്പെ​ഷ​ല്‍ സ്ക്വാ​ഡി​ലും പ​ക​ല്‍ ന​ട​ത്തി​യ പ​രി​ശോ​ധ​ന​യി​ലും ആ​മ​യി​ഴ​ഞ്ചാ​ന്‍ തോ​ട്, ക​ര​മ​ന​യാ​ര്‍, മ​റ്റു പൊ​തു​സ്ഥ​ല​ങ്ങ​ളി​ലു​ള്‍പ്പെ​ടെ മാ​ലി​ന്യം ത​ള്ളി​യ വാ​ഹ​ന​ങ്ങ​ൾ പി​ടി​കൂ​ടി. മൂ​ന്ന് ഇ​രു​ച​ക്ര​വാ​ഹ​ന​ങ്ങ​ളാ​ണ്​ പി​ടി​കൂ​ടി​യ​ത്. ഈ ​വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​ന്‍ റ​ദ്ദ് ചെ​യ്യു​ന്ന​തു​ള്‍പ്പെ​ടെ ന​ട​പ​ടി​ക​ള്‍ സ്വീ​ക​രി​ക്കാ​ൻ ഫോ​ര്‍ട്ട്, ക​ര​മ​ന എ​സ്.​എ​ച്ച്.​ഒ​മാ​ര്‍ക്കും ശ്രീ​കാ​ര്യം എ​സ്.​എ​ച്ച്.​ഒ ക്കും ​ക​ത്ത് ന​ല്‍കി.

ശ്രീ​കാ​ര്യം, പാ​ങ്ങ​പ്പാ​റ മ​ഹേ​ഷ് ഫു​ഡ് പ്രോ​ഡ​ക്ട് എ​ന്ന സ്ഥാ​പ​ന​ത്തി​ല്‍നി​ന്ന്​ മ​ലി​ന​ജ​ലം പൊ​തു​സ്ഥ​ല​ത്തേ​ക്ക് ഒ​ഴു​ക്കി​വി​ട്ട​തി​നാ​ണ്​ സ്ഥാ​പ​ന ഉ​ട​മ​ക്കെ​തി​രെ എ​ഫ്.​ഐ.​ആ​ർ ര​ജി​സ്റ്റ​ര്‍ ചെ​യ്ത് കേ​സ് എ​ടു​ക്കാ​ൻ തീ​രു​മാ​നി​ച്ച​ത്. പൊ​തു​നി​ര​ത്തി​ല്‍ മാ​ലി​ന്യം നി​ക്ഷേ​പം ന​ട​ത്തി​യ​തു​മാ​യി ബ​ന്ധ​പ്പെ​ട്ട് 62,090 രൂ​പ പി​ഴ ചു​മ​ത്തി നോ​ട്ടീ​സ് ന​ല്‍കി. അ​ന​ധി​കൃ​ത​മാ​യി മാ​ലി​ന്യം ശേ​ഖ​രി​ക്കു​ന്ന​തും പൊ​തു​നി​ര​ത്തു​ക​ളി​ലും തോ​ടു​ക​ളി​ലും മാ​ലി​ന്യം നി​ക്ഷേ​പി​ക്കു​ന്ന​തും മു​ഴു​വ​ന്‍ സ​മ​യ ഹെ​ല്‍ത്ത് സ്ക്വാ​ഡി​നെ നി​യ​മി​ച്ച് ത​ട​യു​മെ​ന്നും ഇ​ത്ത​ര​ക്കാ​ര്‍ക്കെ​തി​രെ വി​ട്ടു​വീ​ഴ്ച​യി​ല്ലാ​തെ വാ​ഹ​ന ര​ജി​സ്ട്രേ​ഷ​ന്‍ റ​ദ്ദ് ചെ​യ്യു​ന്ന​തു​ള്‍പ്പെ​ടെ ക​ര്‍ശ​ന ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും മേ​യ​ര്‍ അ​റി​യി​ച്ചു.

അ​തേ​സ​മ​യം, വി​ള​പ്പി​ൽ​ശാ​ല പൂ​ട്ടി​യ ശേ​ഷം ന​ഗ​ര​ത്തി​ൽ കാ​ര്യ​ക്ഷ​മ​മാ​യൊ​രു മാ​ലി​ന്യ സം​സ്ക​ര​ണ സം​വി​ധാ​നം ഇ​ല്ലാ​ത്ത​തി​ൽ ന​ഗ​ര​വാ​സി​ക​ൾ അ​മ​ർ​ഷ​ത്തി​ലാ​ണ്. കൊ​ണ്ടു​വ​ന്ന ബ​ദ​ൽ സം​ധാ​ന​ങ്ങ​ളെ​ല്ലാം പാ​ളി​പ്പോ​യ അ​വ​സ്ഥ​യി​ലാ​ണ്. ഹ​രി​ത​ക​ർ​മ​സേ​ന വ​ഴി വീ​ടു​ക​ളി​ൽ​നി​ന്നും സ്ഥാ​പ​ന​ങ്ങ​ളി​ൽ​നി​ന്നും ശേ​ഖ​രി​ക്കു​ന്ന പ്ലാ​സ്റ്റി​ക്കും യ​ഥാ​സ​മ​യം നീ​ക്കം ചെ​യ്യാ​തെ പ​ലേ​ട​ത്തും കെ​ട്ടി​വെ​ക്കു​ന്ന​തി​ലും റെ​സി. അ​സോ​സി​യേ​ഷ​നു​ക​ളും പ്ര​തി​ഷേ​ധ​ത്തി​ലാ​ണ്. ക​രാ​ർ ന​ൽ​കി​യ ഏ​ജ​ൻ​സി തോ​ന്നു​ന്ന സ​മ​യ​ത്താ​ണ്​ ഇ​പ്പോ​ൾ പ്ലാ​സ്റ്റി​ക്​ മാ​ലി​ന്യം എ​ടു​ത്തു​കൊ​ണ്ടു​പോ​കു​ന്ന​ത്.

എ​ന്നാ​ൽ, ജൈ​വ​മാ​ലി​ന്യ സം​സ്ക​ര​ണ​കാ​ര്യ​ത്തി​ൽ ഒ​രു സം​വി​ധാ​ന​ത്തെ​ക്കു​റി​ച്ചും ത​ദ്ദേ​ശ​സ്ഥാ​പ​ന​ങ്ങ​ൾ ആ​ലോ​ചി​ക്കു​ന്നി​ല്ല. ആ​മ​യി​ഴ​ഞ്ചാ​ൻ​തോ​ട്​ ന​ഗ​ര​ത്തി​ന്‍റെ അ​ഴു​ക്ക്​​ചാ​ലാ​യി ഒ​ഴു​കു​ന്ന​ത്​ പ​രി​ഷ്കൃ​ത സ​മൂ​ഹ​ത്തി​ന്​ ഒ​രു​രീ​തി​യി​ലും അം​ഗീ​ക​രി​ക്കാ​വു​ന്ന​ത​ല്ലെ​ന്ന വാ​ദം ന​ഗ​ര​വാ​സി​ക​ൾ ഉ​യ​ർ​ത്തി​ക്ക​ഴി​ഞ്ഞു. എ​ല്ലാ​ത്ത​രം രോ​ഗ​ങ്ങ​ൾ​ക്കും പ്ര​ധാ​ന​കാ​ര​ണ​മാ​യി ഇ​ത്​ തു​റ​ന്ന്​ ഒ​ഴു​കു​ക​യാ​ണെ​ന്നും അ​വ​ർ കു​റ്റ​പ്പെ​ടു​ത്തു​ന്നു. മ​ലി​ന​ജ​ലം ​ചെ​റി​യ ഓ​ട​യി​ലൂ​ടെ പു​റ​ത്തേ​ക്ക്​ ഒ​ഴു​ക്കു​ന്ന​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​ന്ന കോ​ർ​പ​റേ​ഷ​ൻ ആ​മ​യി​ഴ​ഞ്ചാ​ൻ തോ​ട്​ രോ​ഗ​വാ​ഹി​യാ​യി ഒ​ഴു​കു​ന്ന​ത്​ ക​ണ്ടി​ല്ലെ​ന്നും​ ന​ടി​ക്കു​ന്നു.